ساااعدوني أرجوكم إحباط شديد جداً

[prof]

السلام عليكم ورحمة الله وبركاته

أخواني

اليوم رحت لسوق الطيور بالرياض وشفت الببغااااوات

وجاني إحباط شديد جداً بالنسبة لطيري الكاسكو

الأشياء الي أحبطتني :

1- حسيت الطيور الي هناك لونها مرة فاتح وطيري أحس لونه غاامق جداً مع أنه أول أتوقع كان مثلهم لاكن الزيت خربه

2- في أكثر من ببغاء يوم قربت عنده ينزل راسه عشان أحكه أو يحك في القفص راسه لاكن ببغائي أحكه وهو ماله نفس بالنسبة لهم يعني ولا كأني أحكه وكأن ما وده

3- بعض الطيور صرت اصفر لهم وتفاجأت من المره الخامسة أو السادسه وأنا أعيد نفس التصفيرة صار يقلدها لاكن ببغائي من يوم جبته وأنا أصفر ولا قلدها ولا مره



أرجوكم ساعدوني

أنتظر ردودكم

& ولكم خالص شكري وتقديري &

[كاسكووووو]

ببغاك كم عمره واليف ولا لا

[د. إحتـراف]

السلام عليكم ورحمة الله وبركاته

وعليكم السلام ورحمه الله وبركاته

1- حسيت الطيور الي هناك لونها مرة فاتح وطيري أحس لونه غاامق جداً مع أنه أول أتوقع كان مثلهم لاكن الزيت خربه.روش الطير ويرجع لـ لونه الطبيعي لكن ياليت في الاول نشوف صوره له

2- في أكثر من ببغاء يوم قربت عنده ينزل راسه عشان أحكه أو يحك في القفص راسه لاكن ببغائي أحكه وهو ماله نفس بالنسبة لهم يعني ولا كأني أحكه وكأن ما وده.
طال عمرك هذا على حسب تعليمك له , مثلا وانت تعلمه على حك الراس تقوله راسك راسك ولازم يكون معك الاكل المفضل لطير , وانت تقوله هات راسك او راسك وبعد ماتحكه له راسه عطه الاكل المفضل له , بعد ثلاث ايام راح تلاحظ ان طيرك اول مايشوفك يخليك تحك راسه لكن ما أوصيك ع الجلد الابيض الي حول العين هذا المنطقه حساسه للافريقي خااصه .

3- بعض الطيور صرت اصفر لهم وتفاجأت من المره الخامسة أو السادسه وأنا أعيد نفس التصفيرة صار يقلدها لاكن ببغائي من يوم جبته وأنا أصفر ولا قلدها ولا مره


بعد هذي النقطه على حسب تربيتك لطير اول شي طيرك كم ينام من ساعه ؟ لازم تعرف ان ذكاء الطير يعتمد على نومه يعني من المفترض ان طيرك من بعد صلاه المغرب يكون نايم لحد صلاه الفجر او لحد ماتطلع الشمس

جرب تخلي طيرك ينام اول مايأذن المغرب حطه في غرفه كلها ظلام والفجر طلعه منها وراح تشوف كيف راح يكون طيرك .ان شاءالله اكون افدتك تقبل مروري

[prof]

المشاركة الأصلية كتبت بواسطة كاسكووووو

ببغاك كم عمره واليف ولا لا

الببغاء عمرة 1سنة و 9 شهور

واليف جداً وانا أخذته متوحش وروضته

=====================================================

المشاركة الأصلية كتبت بواسطة د. إحتـراف

1- روش الطير ويرجع لـ لونه الطبيعي لكن ياليت في الاول نشوف صوره له

والله يا أخوي روشته كثير لاكن في تحسن بسيط
هو لازم كل كم أروشه ؟

وللأسف ما عندي صور واضحه له

المشاركة الأصلية كتبت بواسطة د. إحتـراف

2-
طال عمرك هذا على حسب تعليمك له , مثلا وانت تعلمه على حك الراس تقوله راسك راسك ولازم يكون معك الاكل المفضل لطير , وانت تقوله هات راسك او راسك وبعد ماتحكه له راسه عطه الاكل المفضل له , بعد ثلاث ايام راح تلاحظ ان طيرك اول مايشوفك يخليك تحك راسه لكن ما أوصيك ع الجلد الابيض الي حول العين هذا المنطقه حساسه للافريقي خااصه .

أيه يا أخوي انا مدربه على حك الراس وأقوله راسك وينزل راسه لاكن أحسة ما يستمتع كانه مثل الواجب عليه

3-

المشاركة الأصلية كتبت بواسطة د. إحتـراف

بعد هذي النقطه على حسب تربيتك لطير اول شي طيرك كم ينام من ساعه ؟ لازم تعرف ان ذكاء الطير يعتمد على نومه يعني من المفترض ان طيرك من بعد صلاه المغرب يكون نايم لحد صلاه الفجر او لحد ماتطلع الشمس

جرب تخلي طيرك ينام اول مايأذن المغرب حطه في غرفه كلها ظلام والفجر طلعه منها وراح تشوف كيف راح يكون طيرك .ان شاءالله اكون افدتك تقبل مروري

والله أخوي بالنسبة للنوم فانا أبداً مو منظم معه مرة الساعة 12 ومره 1:30 وممكن متأغر أكثر

وبأسوي نصيحتك وأجرب

لاكن أخوي هل أحسن أحط غطا على القفص وقت النوم ولا لا ؟؟ لأني أحس الطير ما يرتاح في النوم يعني ما يرجع راسه ورا وأحيانا ما يرفع رجله ...؟


&ولك خالص شكري وتقديري &

[ابوخاالد]

يالله طيرك ينام 1.30 بعد نص الليل ؟؟؟

ياخوي هذا تعذيب


مثل ماقال احتراف

الطيور سبحان الله من تغيب الشمس خلااااااااااااااااااص

عمرك شفت عصافير او حمام بالشارع بعد صلاة المغرب ؟؟

لازم الراحه

ولاتحك راس طيرك كل ماجيت عنده ... راسك راسك

سو مثل ماقالك احتراف وبإذن الله بتشوف من طيرك شي كثير

[fawzi]

اخوي اسمحلي هذا منك انت ومن طريقه تعليمك للبغبغاء يعني الاحباط مو الطير الي مسويه لك هذ انت الي مسويه لنفسك