مساعدة يا اصحاب الخبرة

[هاوي الدرر]

انا عندي درة ذكر عمره سنتين تقريبا وهو نص وليف يعني افتحله القفص ويطلع ويتمشى وياكل من يدي بس ما يخليني الحمسله ولا يطلع على يدي
المهم انا امس جبت درة انثى صغيرة مرة بس ما اعرف عمرها ولكن عندها جسمها مغطى بالكامل شعر وتصفر ويازينها ولما اقربها من الذكر يعضها او يبوسها من فمها وانا ما ادري احسه يغار وله خايف بس والله ما ادري وش في
كيف اخليهم اصحاب ؟؟
كيف اخليهم يجيبون عيال؟؟
كيف اخليهم يتكلمون ؟؟
والدرة كم بيضة تجيب بالسنة ؟؟
وهل يجيبون بيوضهم مره وحدة ولا كل فترة وفترة ؟؟

[راينو]

كيف اخليهم اصحاب ؟؟

هذي انك يا اخوي تحط كل واحد بقفص و تقرب الاقفاص لم بعض
بحيث ان كل واحد يشوف الاخر
و بعدين اذا حسيت انهم حبوا بعض
جرب بعد قفص الانثى عن الذكر و شف اذا صارخ
رجع القفص عشان تتأكد انه يبيها و اذا رجعته و اسكت فأتوقه انه يبيها
( انصحك تتأكد قبل لاني ما قد جربت )


كيف اخليهم يجيبون عيال؟؟

هذي اذا كانو بالغين تحطهم بقفص له مقاسات محددة و العش له مقاسات محددة

كيف اخليهم يتكلمون ؟؟

من ناحية الكلام والله ما ادري اتوقع صعب يتكلمون لانهم راح يصيرون لاهين ببعض


والدرة كم بيضة تجيب بالسنة ؟؟

ما قد جربت انتج اعذرني

وهل يجيبون بيوضهم مره وحدة ولا كل فترة وفترة ؟؟

اتوقع لهم موسم محدد يا انه شهر 2 او 3 بالهجري لكن ماني متأكد لاني ماني راعي انتاج

و اعذرني ان كان فيه قصور

بالتوفيق

[العقاب]

اخي العزيز يجب اولا ان تحدد اختيارك اما انك تزاوجهم مع بعض او انك تألفهم عليك اذا اردت ان تزاوجهم اعمل مايلي اولا تتأكد انهم ذكر وانثىوان اعمارهم 2سنه ونصف اواكثر تضعهم في سلاكه قويه واياك ان تسويلهم قفص من خشب الطول 1ونص متروالعرض 1متر واما بيت التفقيس فيكون خشب ارتفاع 35 سم والعرض 35سم والطول 60سم

[fawzi]

المشاركة الأصلية كتبت بواسطة هاوي الدرر

انا عندي درة ذكر عمره سنتين تقريبا وهو نص وليف يعني افتحله القفص ويطلع ويتمشى وياكل من يدي بس ما يخليني الحمسله ولا يطلع على يدي
المهم انا امس جبت درة انثى صغيرة مرة بس ما اعرف عمرها ولكن عندها جسمها مغطى بالكامل شعر وتصفر ويازينها ولما اقربها من الذكر يعضها او يبوسها من فمها وانا ما ادري احسه يغار وله خايف بس والله ما ادري وش في
كيف اخليهم اصحاب ؟؟
كيف اخليهم يجيبون عيال؟؟
كيف اخليهم يتكلمون ؟؟
والدرة كم بيضة تجيب بالسنة ؟؟
وهل يجيبون بيوضهم مره وحدة ولا كل فترة وفترة ؟؟

اخوي اول شيء لازم تكون الانثى بالغه يكون عمرها فوق السنتين وبعدين غلط انك تخليهم مع بعض على طول المفروض تعزلهم الان في اقفاص كبيره فيها حاجز في النصف هذا ينفع خلمه فيه بحيث يكون الحاجز بينهم لمده شهر وانت لاحظهم اذا شفت ان الذكر يتودد حق الانثي عطه وقت الين ماتحس ان الذكر خلاص وده يكسر الحاجز بعدين افتح لهم وشوف النتيجه بتكون تمام الله يوفقك ان شاء الله وترى الدره تفريخها سهل اهم شيء القفص يكون كبير وفيه اغصان وفيه العش الخشبي واذا كانو بالغين الامور طيبه .تحياتي لك وتقبل مروري