أرجو المساعدة بخصوص تدريب الببغاء

[الأليف]

السلام عليكم ورحمة الله وبركاته
مساكم\صبحكم الله بالخير

أبغا مساعدتكم في تدريب الغيني حقي
هو يستجيب بسرعة
إذا بغيت امسح عليه يجعر ويحاول يعض بعدين ألهيه بيد واليد الثانية أحك بها راسه ورقبته بعدين يهدأ
وأنا أول ما أحطه في القفص ينقلب علي
كيف أخليه يترك العض

أرجو الإجابة بأسرع وقت

[كاسكـــو]

هو في بدايه تدريب وشي طبيعي ينقلب ويرجع زي اول اذا رجع للقفص

لانه داخل القفص يحس بالقوه والاطمئنان ولا تنسى لسه ماتروض اذا خضع لك في البدايه مو معناه خلاص صار اليف

دايم دربه مع الايام يصير عادي سواء برا القفص او داخله هم كذا في بداياتهم

[الأليف]

مشككككككككككككووووووووووووووووووووووووووووووووووورررررررررررررررر أخوي
الله يفتحلك ابواب رحمته

[fawzi]

اخوي المعروف عن الغيني انه عنيد في بدايه التدريب اما عن اذا دخل القفص يصير وحش هذا طبيعي لانه جميع الطيور تعتبر القفص نف مملكتها في الطبيعه وانت جالس تتهجم عليها لاكن مع التدريب المكثف والمسح المستمر ان شاء الله الامور بتيسر الله يوفقك ان شاء الله ويحفظلك طيرك

[لمسة احساس]

مرحبا

اذكر لما شريت نونو ماقدرت امسكه بس عمري مادخلته قفص يعني طول الوقت طليق خصصت له مكان فوق قفص الكوكاتيل بس اول اسبوعين وقت الي كنت ااكله سيريلاك الخاص به كنت اكلمه وحاول اتقرب منه بس ماامسكه لانه بيعضني ضل اسبوعين تقريبا نافش ريشه ساكت بس يطالعنا لحد مره جبته وكان لسه يعضني بس خفيف وضليت امسح على راسه وانيمه يمي بليل بعدها تعود علي صرت تدريجي امسكه وتعودت على عضة وصار مايعضني بس كل مااكله اسولف معه كانه انسان وللحين يعضني لما يعصب او احد من الي مب متعود عليهم يبي يمسكه احس انه مايميز يعضني بعدها ينتبه انه عضني انا مب غيري يدلع على حتى مانازعه

اخيرا اخيرا اخيرا مافيه غير الصبر وعادي ان عض في البدايه بكره بيحس انك ماتحس بالعضه وبيبطل يعضك هههههه
بالتوفيق