استفسار عاجل .. القطة مع الدجاج والدياكة .. في مشاكل ؟

[ملينيوم]

السلام عليكم

توني قبل قليل جبت قطة ذكر عمرة اقل من سنة

حطيته برا في الحديقة .. وفي الحديقة حاط عشة أو قفص للحمام والدجاج مطلوق سراحهم

في مشاكل لو القط اختلط من الدجاج والدياكة ؟

ماراح يأذونه ؟

مع اني سويت له بيت بعيد عنهم بس كله يروح يم الدجاج

القط اليف جداً

[دلوعةقطوتي]

بعض القطط ممكن تقتل الدجاج او الحمام فانتبه حتى لو كان اليف(لاحظ اني قلت بعض القطط مو كلها)لانه عندهم غريزه الصيد وممكن ينط ويلاحق اللي يتحرك
طيب ليه ماتدخله جوى البيت برى حر

[ملينيوم]

المشاركة الأصلية كتبت بواسطة دلوعةقطوتي

بعض القطط ممكن تقتل الدجاج او الحمام فانتبه حتى لو كان اليف(لاحظ اني قلت بعض القطط مو كلها)لانه عندهم غريزه الصيد وممكن ينط ويلاحق اللي يتحرك
طيب ليه ماتدخله جوى البيت برى حر

الله يستر

والله ودي ادخله البيت بس اهلي مايرضون

هو القط اليف جدا يعني مهما اسوي فيه مايعض الحمدلله ولا يهجم

وانا خايف والله مو مرتاح حتى مو جايني نوم

شرايك اخليه واتوكل على الله ؟

[ala7med]

القطو مالج راح يتعور اذا كان مايخاف منهم ويجرب منهم مع الدجاج خصوصا اذا في ديك القطاوة ماتقدر تسوي شي امام الديك والديك راح يعورها ويطقه بمنقارة ويمكن يعور عيونه وجسمه

[اموت في القطو]

لالالالالا تخلطينهم وحرام والله يقعد في الحر وبين ديكه ودجاج راح ينتف شعر القط وراح ينقر عيونها

[ملينيوم]

المشاركة الأصلية كتبت بواسطة ala7med

القطو مالج راح يتعور اذا كان مايخاف منهم ويجرب منهم مع الدجاج خصوصا اذا في ديك القطاوة ماتقدر تسوي شي امام الديك والديك راح يعورها ويطقه بمنقارة ويمكن يعور عيونه وجسمه

والله خوفتني

بس مضطر اخليه برا للأسف

الله يستر

[ملينيوم]

المشاركة الأصلية كتبت بواسطة اموت في القطو

لالالالالا تخلطينهم وحرام والله يقعد في الحر وبين ديكه ودجاج راح ينتف شعر القط وراح ينقر عيونها

اخخخ والله مو بيدي مضطر اخليه برا

الله يستر

بس الدياكة عندي المفروض انهم اليفين

يارب سترك

[آنـــــو]

::

حرام آخوي ليه تاخذه وآنت مو قادر توفر له مكان القطط حلاتها بالبيت ماتحس بمتعتة تربيتها وهي عايشه برا ..
والجو مو مناسب له الحر بيتعبه ويأثر عليه حتى على مظهره من برا لو كان لونغ هير بيحت شعر
وبعدين آنا كنت آربي دجاج الصراحه مقرفين بوصاختهم والقطط طبعها نظيف ماتحب تجلس بمكان وصخ
هذي من ناحيه .. الناحيه الثانيه هم ممكن يكون معرض لبكتيريا آو آي شي من فضلاتهم

آو يتأذى لما يحاول يمارس غريزته وهي الصيد والكتاكيت فريسه مغررريه له لصغر حجمهم وقتها آكيد الدجاج بيدافع عن مكانه
مهما كان القط اليف الغريزه متأًصله فيه ولابد يمارسها

حاول توفر له مكان آحسن من كذا وحاول بآهلك ولله القطط مافي آنظف منها ولو ماوفقوا آعطيه لناس توفر له هالشي وآكسب آجر

وبالتوفيق يارب

::

[genan]

مثل ماقول لك بعدين غير عن هالاكلام كله تقدر اخوي تجلس برا بالحر؟؟؟!القطط تتعب وتموت من الحراره

[Octopus]

اوافق الاخوان في كلامهم و مرة انا كنت في الفجيرة مع عيال خالتي
لقيت مرة من ايام قطوة ميتة منهم قرب بيت احد عيال خالتي
و عندما سالت عنها قلوني ان ديك لحق ورها وهجمها و قتلها بوسطة منقارة و رجله