طيري يعلق في ريشه براز (اكرمكم الله )

[rull]

السلام عليكم

أنا عندي 4 كوكتيلات ، 3 منهم شريتهم من واحد امفرخهم في بيته ، وواحد شاريه من محل ، و هذا ألي شاريه من المحل لما يتبرز ( أكرمكم الله ) يعلق البراز في ريشه ، فما هو السبب ؟ وما هو الحل ؟

[mohdn]

عليك الحذر لايكون معه اسهال

والسؤال هل عليه اعراض مرض؟

[rull]

مادري لكني أشوف تحركاته طبيعية مثل أنه ياكل و يتهاوش مع أخوانه و يخاف مني ( لأنه مو مدرب ) يطير لأنه مو مقلقص عدل يحب يشرد لين أحطه فوق القفص لكنه لين يكون داخل القفص أحيانا أحسه تعبان ( يعني كأنه مريض ) لكنه بعد فتره يرجع يتحرك طبيعي

[كركوش]

لا اظن بة علة ما الا اذا كان يجلس في القفص وقت مطول او ينام فترات متواصلة ولا ياكل ولا يشرب او كان الدية اسهال....لكن يجب عليك ان تنظف الريش الملوث

[عاشقة الظلام]

افصل الطير عن اخوتة
والباين انه معاة اسهال او كان عندة اسهال انت لاحظ برازة هل هو سائل ولا متماسك اذا كان متماسك والطير طبيعي فما في شر اما اذا العكس حاول تذهب بطير الى اقرب طبيب بيطري .
وهذي مصيبة الطيور المستوردة او ما تاخذها من المحلات ما فوقها فوق امهل عليها جم اسبوع تتعلل وتمرض بعدها تموت.
مافي على الانتاج المحلي

[جعفر السامرائي]

السلام عليكم
برأيي يكون معه بداية اسهال .. او نهاية اسهال
على اي حال حتى تتأكد لازم تفصل الطير وحدة اكثر من اسبوع
والافضل ان تاخذه الى بيطري حتى يفحصه يكون افضل
ويمكن يكون معاه نقص فيتامين ونحن مو عارفين السالفة !

المهم لا تتكاسل .. وديه للبيطري خل يفحص


سلامي