باركولى بالكاسكو الجديد؟ولدى غستفسار

[البندوق]

لدى كاسكو جديد عمره بين 7إلى 8 شهور وصرله إسبوعين وللحين بيغدر وبيعض مع العلم ماحاولت ضربه فقط بكلمة لأ عيب أو بس والطير يصعد على العصاة ويخلينى أمسح شوى عليه وفجأة يبى يعض؟
والطير والطير لما بكون فى القفص بيجعر وبحاول يضرب القفص ليعضنى فهل هذا طبيعى توقعت منه أن يهدئ خلال هالفترة ودوما أحاول المسح عليه إما بالعصاة أو بيدى وعلى رأسه وتحت ذقنه مرات وهو خارج القفص وأمسح عليه أشعر بأنه هدأ ولما يعود للقفص يعود لعادته..........
أرجو منك التوضيح والمساعدة...

[الفراشـــــة]

اخوي .. محتاج صبر

و مدة اسبوعين مو كافية تماما

لكن قول لي

الطير اللي اخذته محجل أو غير محجل؟

طبعا دام يجعر اتوقع مو محجل

اهم شي تخلي له القفص مبطل عشان وقت ما يحب يغادر القفص يوقف على الستاند

عشان ما تحسسه انه محبوس عشان ياخذ راحته

اما انك تمسح عليه بالعصا فما اتوقع هذي عادة زينة

لانه راح يخاف !!!!!!!!!!!!!!

تمسح عليه بايدك أفضل ..

و اذا حاولت تقرب ايدك .. قربها بالعدااااااااال و بنعومة و لطف

ولا تدخل ايدك بالقوووة و بالسررررررررعة .. و لا تحاول تناحس و تعاند الطيررررر

محاولة و محاولتين ..

يدون مضايقة الطيييييييييييييير ..

و اصبر على الطيرررر

مع الوقت بتشوفه بلببل في الكلام

[وليد كاسكو]

كما ذكر لك الاخ الطير يحتاج صبر وحاول وانته تمسح عليه تضع على العصا جاونتي لونه قريب من لون اليد لكي يتعود وتمسح عليه واهم منطقه للمسح المنطقه الجلديه التي حول العين لها نتائج طيبه وهي مجربه بس لا تستعجل على الطير وكمان الترويش ورش الماء على الطير يساعد في هداوة الطير بالتوفيق

[البندوق]

مشكورين الطير يجعلنى أمسح عليه منطقة الجفن ومرات تحت جناحه لكن المشكلة يغدر بس داخل القفص مايخلينى ألمسه يحاول ضرب القفص والعض والطير مايخاف من العصا ولا يجعر بس يعرف مايفيد عضها لأنه يحب إيدى أكثر يمكن شايف فيها عسل

[توكلت]

شي طيب انه خلال اسبوعين يسمح لك تلمسه وتمسح عليه
حاول يكون خارج القفص على طول ويخش القفص للاكل .خوفه داخل القفص
يدل انه اتعرض لسوء معامله وخروجه من القفص يجعلها مرتاح حاول تستفيد
من تعليمه خارج القفص وماتتقرب له داخل القفص الا بشكل ماتجعله يحاول العض او التجعير حتى يولف عليك
وموفق

[البندوق]

مشكور وتسلوا على المرور

[البندوق]

أخوانى الطير مازال يخاف منى وخاصة عند إقترابى من القفص وبرا القفص يحاول العض والطير لم أحوال ضربه فقط قول كلمة لأ أو بس أو عيب والطير مرات يجعلنى مرات ألعب تحت ذقنه ولكنه يحاول أن يعضنى والطير أحمهه تحت الماء وأقلبه وألعب تحت جناحه لكن الطير يغدر والعضة قوية فما العمل ولحد الأن لم اسمعه سوى مرات معدودة يصفر ولا يصدر أى صوت