سحليتي الاولى وصلت ! ><"

[Stylish 5o5a]

السلام عليكم والرحمه
اخباركم علوكم طيبين الحمدلله



أعلن وصول سحليتي الاولى (مبتدئه ترى ) الى مقرها الجديد (بيتنا) << حلفي بس ؟

هههههه المووهيم
هذي صور سحليتي الصغيره اللي تووو ماصارلها اكثر من ساعه عندي















عاد طلبتكم أي شي تعرفونه عنها اسدحوه لي ترى احتاج كل المعلومات عشان اعرف اربيها زين
وشلون اقدر اعرف عمرها بالضبط ؟
وايه صح انا من جابوها لي لحد الان ماشلتها لانها وايد صغيره فمحسستني انها بريعصي وأخاف اشيلها
تعض او تسوي شي ولا عادي ؟
وبس يعطيكم العافيه

[|| PyTHoN ||]

هههههههههههه لا عادي هاذي اقوانا ^^
و شنو الي مو عارفته عشان نساعدج فيه ؟

[Stylish 5o5a]

المشاركة الأصلية كتبت بواسطة || PyTHoN ||

هههههههههههه لا عادي هاذي اقوانا ^^
و شنو الي مو عارفته عشان نساعدج فيه ؟

يوووه وآآآيد اشياااء بصراحه
اول شي جلدها كأنه متقشر شوي وجاف مدري شلون صاير هل هذا طبيعي اخوي ولا ؟
وكم تقريبا عمرها ؟
تعض والا لا ؟ لاني حاولت المسها بس تخاف وتشرد هههههههه وانا بعد اخاف منها شوي يعني شعور متبادل بيننا وبدايه حلوه
ولحد الان ماشفتها تاكل
وحاليا حاطتها بقفص مب صغير يعني اوكيه بالنسبه لحجمها وفيه نبات صناعي
لازم احط لها مصدر للحراره ؟ والرطوبه شلون بعد ياويلي شكلي بجيب فيها العيد

[Stylish 5o5a]

المشاركة الأصلية كتبت بواسطة (Anonymous)

هاذي سحليه اسمها الاغوانا ودي اشتري وحده
عضتها مو قويه
بس هااذا اللي اعرفه

عضتها مو قويه يعني تعض حلو حلو ههههههه الله يستر
نوورت اخوي وترى انا جابوها لي من السعوديه

[فخاخ]

حلوة شعور متبآدل

آمممم شوفي بالنسبة لجلدهآ..

معروف تبدل جلدهآ زي الثعآبين و يمكن هي في فترة تبديل الجلد..

و اذا تخآفي من العض عآدي حآولي تمسكينهآ و تعودينهآ عليك

لآنهآ صغيرة فَ عوديهآ عليك قبل مآتكبر و تعض من جد..

و كل يوم حآولي تخرجيهآ ع الشمس لكن وقت الشمس مو حآرة مرة

و كذآ يعني اي شي ثآني اسألي

[جمولي]

الي عندك اغوانا خضراء واصغر قفص 150سم طول و200ارتفاع و100عرض والاغوانا تحتاج الى اضائة ما تحت البنفسجية لتمدة بفيتمين دي ثلاثة وتشغلين الاضائةحوالي 6-7 ساعات لاهميتة والشيئ الثالث الطعام:الفوكة والخضار والبرسيم مفيد ايضا واكل الاغوانا الخاص والحرارة لابد ان تكون بين24-27م وهل تعلم انك اذا لم تقدم لها الاضائة ماتحت البنفسجي تصاب بمرض العظام الايضي ومن ثما الهشاش وشووهات العظام والفك وم ثما الموت خرعتك طب نكمل ومن الاشياء المهمة والمفيدة الرطوبة فيكفي ان تشرب الماء عن طريق الفاكة والرطوبة ولكي رتحصل على الرطوبة عليك بوضع اناء من فخار وترش القفص ثلاث مرات يوميا او تبغي اسهل من كذا اشتر جهاز الرطوبة وفكني من شرك شيئ ثاني انا في الخدمة


على فكرة هاذي معلوماتي الي اعرفها عن الاغوانا ارجو الا اكون قد قصرت

[|| PyTHoN ||]

^

مو شرط لمبه UVB
لو كنتي تشمسينها مو شرط هاللمبه ~
أساساً هاللمبه ما تغني عن الشمس ^^

و بالنسبه للقفص ~
أساساً تقدرين تربينها بحوض ، فتقدرين تتحكمين بالحراره + الرطوبه

.
.

[جمولي]

ااااااااخ طيب طيب الشمس احل طلعيها برى واعطيها نظارات شمسية ودهان ضد الحروق وكرسي قابل للطوي وخلاص وخليها تتشمس على كيف كيفها<<ماعندة سالفة

[asa99]

مشاء الله مره حلوة

[ابو عبدالله**]

ماشاء الله تبارك الله
حلو الله يخليها لك