بضعة أسألة للمحافظة على صحة الكاسكو خلال فصل الشتاء

[أمجـاد]

السلام عليكم ورحمة الله وبركاته

أخباركم مع البرد وأخبار طيوركم

مثل ما أنتوا عارفين أنو الجو هالفترة صار بارد ولازم نهتم بدفء طيورنا وإن شاء الله هذي أول شتوية مع الكاسكو الله يحفظه وببغاواتكم من كل شر يآآآرب

وعندي كذا إستفسار :

1. بإيش أغطي القفص خلال فترة الليل ؟؟؟ صراحة عجزت معاه أي شي احطه فوق القفص لازم يخربه حطيت له فوطة وسوا فيها فتحات ؟؟؟

2. بالنسبة للترويش أنا فكرت أروشه من مرتين إلى ثلاث مرات بالأسبوع ؟؟؟ بس السؤال اللي يطرح نفسه الماي يصير دافي زي لو كنا حنا نتروش لأن الطيور من ذوات الدم البارد ؟؟؟

وبعد ما أروشه أحطه مباشرة في الشمس الخفيفة لمدة نص ساعة خلال فترة الظهر ...

3. بالفترة الأخيرة لاحظت عليه تصرفات غريبة يعني صار ياكل بعصا الخشب اللي يوقف عليها بالقفص ويكسر أوعية الأكل حقته ؟؟؟ وبعض المرات يحاول يعضني لما أغير له الماي والحب !!! فهل عنده مشكلة معينة ؟؟؟

علمًا بأن الكاسكو صار له عندي 8 شهور وعلاقتنا حلوة واقدر المس منقاره وما شاء الله يتكلم ويسولف لما يصير لحاله

4. هل في إحتياطات معينة خلال فصل الشتاء عشان أحافظ على صحة الكاسكو ؟؟؟ ومن واقع تجاربكم

وعذرًا على كثرة الأسئلة

أختكم / أمجـاد

[medozoom]

المشاركة الأصلية كتبت بواسطة أمجـاد

السلام عليكم ورحمة الله وبركاته

أخباركم مع البرد وأخبار طيوركم

مثل ما أنتوا عارفين أنو الجو هالفترة صار بارد ولازم نهتم بدفء طيورنا وإن شاء الله هذي أول شتوية مع الكاسكو الله يحفظه وببغاواتكم من كل شر يآآآرب

وعندي كذا إستفسار :

1. بإيش أغطي القفص خلال فترة الليل ؟؟؟ صراحة عجزت معاه أي شي احطه فوق القفص لازم يخربه حطيت له فوطة وسوا فيها فتحات ؟؟؟

شوفي استخدمي معاه هالفوطه الي تقولين عليها حتى لو خرمها ما فيه مشاكل خليها له فقط

او فيه شي يسمونه الطربال يغطي القفص وهذا افضل ابحثي عن الطربال بالمحلات وتلاقينه

2. بالنسبة للترويش أنا فكرت أروشه من مرتين إلى ثلاث مرات بالأسبوع ؟؟؟ بس السؤال اللي يطرح نفسه الماي يصير دافي زي لو كنا حنا نتروش لأن الطيور من ذوات الدم البارد ؟؟؟

بالنسبه للترويش ما انصح بها الشي خلال فتره الشتاء يعني روشيه مره بالاسبوعين بمويه دافيه وخليه بالمروش الين يجف بدون هواء عشان ما يضره وافضل لك خلال هالفتره استخدمي بخاخ المويه العادي عشان ما يأثر عليه

وبعد ما أروشه أحطه مباشرة في الشمس الخفيفة لمدة نص ساعة خلال فترة الظهر ...

ما انصح لانه اكيد الجو بارد فـ الشمس ممكن تجففه بس الهوا بيعدم الطير

3. بالفترة الأخيرة لاحظت عليه تصرفات غريبة يعني صار ياكل بعصا الخشب اللي يوقف عليها بالقفص ويكسر أوعية الأكل حقته ؟؟؟ وبعض المرات يحاول يعضني لما أغير له الماي والحب !!! فهل عنده مشكلة معينة ؟؟؟

اعتقد الحبس في القفص يخليه كذا

او ما حد عند الطير يلاعبه عشان كذا يبغى يشد الانتباه

علمًا بأن الكاسكو صار له عندي 8 شهور وعلاقتنا حلوة واقدر المس منقاره وما شاء الله يتكلم ويسولف لما يصير لحاله

4. هل في إحتياطات معينة خلال فصل الشتاء عشان أحافظ على صحة الكاسكو ؟؟؟ ومن واقع تجاربكم

الاحتياطات تكون مثل تعطينه اكل يدفي الجسم زي الذره وابعاده عن اي تيار هوائي سواء حار او بارد

والتقليل من الترويش واعطائه مضادات حيويه لمده ثلاثه ايام بحكم تغير الجو على الطائر

تحياتي

وعذرًا على كثرة الأسئلة

أختكم / أمجـاد

تحياتي

[راينو]

والله انا عانيت بالبرد

طيري جاه خمول و نوم

و خف تصفيره

لكن حطيت له شويت ليمون بالمويه يعني يمكن ملعقة صغيرة

و بجرب المضادات الحيوية اللي قالها اخوي ميدو زوم

و موضوعك صراحه استفدت منه اختي امجاد يعطيكي العافية

[أمجـاد]

شوفي استخدمي معاه هالفوطه الي تقولين عليها حتى لو خرمها ما فيه مشاكل خليها له فقط

او فيه شي يسمونه الطربال يغطي القفص وهذا افضل ابحثي عن الطربال بالمحلات وتلاقينه

بالنسبة للفوطة أحيانًا الأقي خيوط بفمه فأخاف أنه ياكلها وتضره فيما بعد


طيب الطربال هذا وين ينباع بالضبط يعني الأقيه بمحلات طيور الزينة ؟؟؟

خبري الطربال يغطون فيه السيارات هل هو نفس نوع القماش وإلا إيش ؟؟؟ يعني أضمن انه ما راح يسوي فيه فتحات


ويعطيك ألف ألف عافية

[أمجـاد]

المشاركة الأصلية كتبت بواسطة راينو

والله انا عانيت بالبرد

طيري جاه خمول و نوم

و خف تصفيره

لكن حطيت له شويت ليمون بالمويه يعني يمكن ملعقة صغيرة

و بجرب المضادات الحيوية اللي قالها اخوي ميدو زوم

و موضوعك صراحه استفدت منه اختي امجاد يعطيكي العافية

الله يعافيك أخوي


وإن شاء الله يرجع طيرك زي قبل وأحسن بعد


شرفت موضوعي

[الكاكي]

الاخوان ماقصروا وانا استخدم الزنجبيل الاخضر مضاد حيوي ويدفي الطير
اسوي زنجبيل اخضر بدون سكر اصبه بكاسة شاي واخففه باربع كاسات ماء واصبه للطير
الطربال يباع عند محلات الطيور او يفصل عند الي يسون الخيام والاشرعه وهذي صورته

[أمجـاد]

المشاركة الأصلية كتبت بواسطة الكاكي

الاخوان ماقصروا وانا استخدم الزنجبيل الاخضر مضاد حيوي ويدفي الطير
اسوي زنجبيل اخضر بدون سكر اصبه بكاسة شاي واخففه باربع كاسات ماء واصبه للطير
الطربال يباع عند محلات الطيور او يفصل عند الي يسون الخيام والاشرعه وهذي صورته

قصدك الزنجبيل الطبيعي اللي كأنه درنات بطاطس

كم الكمية من الزنجبيل ؟؟؟ وكم مره بالأسبوع ؟؟؟ وأحطه بالمويه حقته لمدة يوم كامل ؟؟؟


شكله حلو هالطربال وإن شاء الله نلقاه عندنا

وأهم شي أن الكاسكو ما يسوي فيه ثقوب وفتحات


يعطيك ألف ألف عافية

[محبـه الكوكاتيـل]

ياغاليــه
لاتفكــري تروشي الببغاء ابـد في فصل الشتـآء
لانه اذا مامـرض بيـموت من البـرد
والله يحفظ لك ببغائك ويطول لكـ بعمره

[ام ماجد]

اي اختي الزنجبيل الطازج فنجان من اللي تسوونه لشربكم
تخففينه في اربع فناجين مويه وتحطينه للطير
مره بالاسبوع

انا احط له فوطه فوقها الطربال علشان البرد صراحه قوي وعلشان مايقطع الطربال
بس اخلي فتحه صغيره علشان يتنفس

روشيه بس بغرفه داااافيه لين ينشف خليه اربع ساعات بنفس الغرفه علشان مايتغير عليه الجو ويمرض
احسن مره بالاسبوع واذا برد قارص كل اسبوعين

علشان العض حطي له خشب واشياء يعضضها

[أمجـاد]

المشاركة الأصلية كتبت بواسطة محبـه الكوكاتيـل

ياغاليــه
لاتفكــري تروشي الببغاء ابـد في فصل الشتـآء
لانه اذا مامـرض بيـموت من البـرد
والله يحفظ لك ببغائك ويطول لكـ بعمره

أنا ما ودي أروشه أخاف عليه بس عشان الريحه وأخاف يطلع فيه قمل


آآآمين يآآرب العالمين ، الله يسمع منك يآآرب هذي أول شتويه له معاي


شرفتي موضوعي