كله اللي ابيه شوركم ولكم مني الدعاء

[سيدالعشاق]

عندي طير كاسيكو اليف عمره من سنة الى 8 شهور عيونه رماديه
شريت فرخ عمره اقل من شهر او شهر تقريباً تو ريشه ماكمل بس يقدر ياكل الذرة لوحده المهم اول ماشريته كان خايف مرّة قلت اعطيه اخوي له سوابق في تربية الدرة الخضراء وهي بدون ريش بس لما عطيته اياه خفت على الطير كان شديد الخوف وماياكل لانه حسّّاس كثير أخذته من عنده وحطيته مع الكاسيكو اللي عندي والحمدلله الطير غرّه مثل ماتغر الام ولدها استغربت
وشجعه انه ياكل وعلمه يوقف على العود علمه و يوقف على رجل كان الطير لما ينام على رجليه يعض رجل يخليه يرفعها ويوقفه على رجل كنه يقوله عيب لاتاكل باليسار هههههه على العموم حدث انسجام وخلّى خوفه يروح مني وبطّل يجعر بس مايوقف على ايدي وتراه مايعض اليوم شفتهم مختلفين شوي مو كثير ويتهاوشون ع الاكل ويردون يتصالحون ثانيه وكل وحد يمسح على راس الثاني
الزبده الحين هل اقوم بعزلهم عن بعض او اخليهم على طول
االي اخاف منه انه يمكن يكون تأثير على الكلام هل هذا ممكن

[الطاير]

الاخ,,, سيدالعشاق

بخصوص تأثيرة على الكلام ,,,, ماعندي خلفية

لاكن فيه نقطة ثانية اهم ......

جزء من رسالتك يطمن ... بان فيه تألف بين الطيرين ...

ولاكن جزء اخر يدعو للقلق ,,, بخصوص المناوشات فاحذر اخي
لاني مرة كنت اتمشى في السوق حق الطيور ,, ولقيت ببغاء رمادي... اعور واحده من اعيونه مقلوعه
سالت صاحبه كيف الببغاء هذا صار يشبه المسيحي الدجال ؟؟
قالي انه كان ولفتره من الزمن مع احد ابناء جنسه في قفص واحد ... يعني مع رمادي ثاني في نفس القفص
وبعدها بفترة واحد فقع عين الثاني


والسبب .... يمكن لانه جمعهم مع بعض قبل مايخليهم قدام بعض في قفصين عشان يتعارفون
او يمكن لانهم ذكرين او انهم انثتين او يمكن بسبب فارق العمر او اختلاف النوع او لان واحد وليف والثاني متوحش


لايغرك ان الطير قدامك يعتني في خويه ... يمكن اذا رحت انت يوسعه ضرباَ
لان احياناَ يكون فيه سلوك عدواني من الكبير عشان يثبت انه مسيطر
خلني اقولك مثال سريع ,,, انا كان عندي قطوتين واحدة كبيرة وواحدة صغيرة
كنت دايم اروح اديهم اكل في الحوش ((لاني ما ادخلهم البيت ))
قدامي سمن على عسل بس اول ما ادخل البيت واسكر الباب ........... اسمع الصياح كيف
واطلع القى القطو الكبير طرد الصغير او ضربه .

ادري ان هذا ببغاء و هذاك قط ...... لاكنه سلوك حيواني غريزي ويضهر في البشر احيانا ((الاولاد المتنمرين ))


َ

فالافضل فصلهم ولو مؤقتاَ الى ان تتأكد من الوضع


هذا رايي والافضل ان تنتضر راي الاخوان الاكثر خبرة مني



تحية
الطاير

[الكسيكوالدره]

مرحبا

بما انك تطمنت عليه وبدى ياكل بنفسه
الافضل انك تفصلهم عن بعض
وبخصوص الكلام بعد الافضل انك تفصلهم عن بعض لانهم راح يتسلون مع بعض بالتصفير
ولا يلتفتون للكلام انا مرة كان عندي واحد يتكلم و اول ما جبت واحد ثاني ابي اعلمه الكلام
لا الاول تكلم والا الثاني صاروا يصفرون لبعض وطنشوا الناس وكلامهم
بالتوفيق