شريت هامستر ذكر وانثى بـ60 ريال وعندي اسئله مهمه

[qassem]

بسم الله الرحمن الرحيم
السلام عليكم ورحمة الله وبركاته
اوللا باسالكم اذا السعر مناسب ولا لا انا رحت سوق الحراج يوم الجمعه الي في الهفوف في الاحساء ولقيت هامسترات زوج صغار يعني ذكر وانثى وعمرهم على 4 اسبوع وسعر الواحد 30 ريال انا شريت 2 ذكر وانثى بـ60 ريال هل سعرهم مناسب وشرت لهم قفص متوسط الحجم اخذته بـ120 ريال مايقارب وسعه 500 سم او 600 سم المهم
سؤالي الثاني الحين عادي اخليهم في قفص واحد هم صغار انا ابي اربيهم لين يكبرون عشان يتزاوجون ويبون عيال المهم انا سمعت انو اذا حملت الانثى لازم تفصل الذكر صح ولا لا اذا صحيح قو لو لي عشان اشتري قفص ثاني حق نفر واحد بـ60 ريال عشان اعزله واخر سؤال كيف اعرف انو الانثى حامل وهل اذا ولدت هي تاكل عياله ولا انا الي ااكلهم اتمنى تجاوبوني ولكم مني جزيل الشكر

[شيرازي1]

اخوي ممكن صور عشان نفيدك وقلنا وش نوعهم وفيه تفاصيل لازم تذكرها هل هم بالغين او لا

ونا الحين مو فاهم ايش هو سؤالك؟؟؟

[qassem]

والله ياخوي ماعندي اي شي اصور به هههه جوالي ابو لمبة هه
نوعهم سورين وعمرهم 4 اسابيع صغار في شي تبيني اوضحه اكثر

[qassem]

وكمان سؤال اخير يقولون انو الهامستر عمره 3 سنين ويموت هل هذا الكلام صحيح واذا كان صحيح ليش مايبقى الى اخر العمر يعني يطول 20 سنه ليش مايضل ليش يموت شنو السبب انا رح اعتني فيه احلى اعتناية وراح اخليه يطلع من القفص ويهجول في البيت عشان مايتضايق في القفص وش يبي بعد

[حي ومانسيت]

الهامسترات صغار على الانتاج لازم تخليهم مايتزوجو الا بعمر3 شهور
ولازم تفصلهم اذا حملت الانثى والهامستر يموت عند3 سنين لان هاذاالعمرعنده يعجز و يخلص عمره بس لاتخاف بتكون
عندك مزرعه من انتاجهم لانالهامستر سريع الانتاج
وانا اشتري الجوزمن محل ب40 ريال بس النوع الروسي لانه ماياكل عياله الا نادر

[qassem]

شكرا اخوي على الافادة بس يعني عادي اخليهم في قفص واحد

[حي ومانسيت]

ايه عادي بس اذا شفتهم يتهاوشون او يحاولون يلقحون بعض افصلهم

[qassem]

اها لا الى الحين مايسون شي بس يلعبون وياكلون

[مجننهم]

ياغالي احس السعر مو قد كدا انا بعت 11واحد بـ90

[qassem]

11 بـ90 ببلاش ليتك بالاحساء كان شريتهم منك بـ100 حسافه