اشترك في نشرتنا البريدية ليصلك كل جديد

~~m6n65~~ · 13-07-2011, 11:06 AM

السلام عليكم ورحمة الله وبركاته

اخواني كيف حالكم طيبين

عندي الهاسكي مهبل فيني وكم مرة قلت لكم هالشيء

ياخي الاكل يهبل فيني عشان ياكل ماياكل الا دجاج بس لو اجيب له غيره يشمه ويروح عنه او ياكل بعدين يطلعه ويروح

ابي اكل خاص فيه او خلطه اخليه ياكل الاكل غصب عنه

لو فيه اشياء تباع نكهات او مرق او اي شيء يحببه في الاكل ياليت تعلموني

لحد يقول لي الدجاج مفيد لاكن ابي انوع له في الاكل ابيه ياكل دراي فود لان عندي كيس 35 كيلو ماكل منه ولا شيء

تكفوون ساعدوني جسمه طالح نحييييييف مرره مضيق صدري طالع كانو بلدي من النحف
العمر 6 شهووووور تكفون ابي بنية جسمه صحيه

احب اشكر الي راح يردون واكيد بيردون

نونا 999

وابو فهد

Abo_fahed · 13-07-2011, 11:37 AM

وعليكم السلام ورحمة الله وبركاته ..

اهليين وسهليين اخوي M6n65

اشكرك على الثقة حبيبي

-ـ-ـ-ـ

بخصوص الاكل اكيد دام الكلب ذاق طعم الدجاج راح يرفض اي بديل !

لكن هناك حل بسيط لكن !

يحتاج صبر وطولة بال ووقت اوكي ؟؟

الحل يالغالي انك تغير الاكل على مراحل متدرجه

وماينفع انك تغير الاكل للكلب مهما كان مرة مفاجأه !

لان هذا راح يسبب مشاكل في المعدة ولإسهال !

والحل اخوي كالاتي :-

1 - تشتري الاكل الخاص للكلاب سواء كان اكل معلب او اكل مجفف ويفضل انك تشتريهم الاثنين

عشان تخلطهم للكلب

الاكل المجفف

الاكل المعلب

ملاحظة مهمة :-

يجب عليك اختيار الاكل المناسب لعمر الكلب

لو كان الكلب صغير في العمر مابين ( 2 شهرين الى سنه )

تختارله الاكل المخصص للجراء لما فيه فوائد للنمو وتقوية العظام ويككون البروتين فيها عالي

ولو كان الكلب كبير في العمر مابين ( سنة ونصف - الى الموت )

تختار له الاكل المخصص للبالغين

2 - تقطع له الدجاج وتخلط معاه الاكل المجفف او الاكل المعلب بس تكون كمية الدجاج اكثر

يعني بنسبة 80% دجاج ووو 20% اكل مجفف او اكل معلب او الاثنين معآ

3- تستمر على هذا الشي لمدة ثلاث ايام وبعدين تقلل نسبة الدجاج وتزيد نسبة الاكل البديل

70% دجاج وووو 30 % الاكل البديل

4- بعدها بـ ثلاث ايام تسوي مثل الي قلت لك لكن هالمرة بالتساوي

50% دجاج وووو 50% اكل بديل

5 - وكل ثلاث ايام تقلل الكمية الى ان تصل النسبة

0% دجاج وووو 100% الاكل البديل

-ـ-ـ-ـ-

وبخصوص النحافة اخوي لازم تفحصه عند البيطري لان يمكن يكون فيه ديدان

وهذا الحل للديدان

الخبيرة نادية

اقتباس:

**علاجـــات الديدان**:

لنجاح الجرعات المعطاه للكلب الرجاء مراعات التالي:

1- تعطى الجرعه للكلب على معده فارغه ويجب الانتظار 8 ساعات على الاقل لياخذ مفعوله..

2- البندازول ( albendazol) ويوجد منه حبوب وشراب ..

يؤخذ من الشراب 5سم ويعطى للجراوي يوميا لمده 7 ايام..وتكرر الجرعات بعد اسبوع من

الانتهاء من العلاج مره واحده فقط.

اما الكلاب الكبيره فتؤخذ من الحبوب ( اقراص 200 مجم) كلم حبه واحده كل صباح لمده خمس

ايام ..موجوده في الصيدليه البشريه.

3- حبوب الدرونتال drontal وتعطى الجرعه على حسب الوزن والعمر للكلاب.

من الصيدليه البيطريه.

4- حبوب البنداكس bendax يوجد منها شراب وحبوب وتعطى على حسب العمر والوزن

متوفره في الصيدليه البشريه.

5- d- worm pyrantel pamode وتعطى على حسب العمر والوزن ومتوفره في الصيدليه البيطريه.

6- حبوب الزنتال (alzental )

يؤخذ كل يوم حبه لمده 4 ايام للكلاب البالغه

وللجراوي تؤخذ نصف حبه يوميا لمده خمس ايام وتكرر الجرعه بعد التوقف اسبوع بين الجرعتين.

وايضا يوجد علاج طبيعي للديدان وهي:

ناخذ من عشبه البابونج من العطار بمقدار ملعقتين في كوب ماء وننتركه يغلي ربع ساعه

ويعطى للكلب يمقدار 10 سم كل يوم الصباح لمده خمس ايام ..

وهو يساعد على مقاومه حدوث الديدان للكلب.

-ـ-ـ-ـ-

وتذكر ان احنا الي نقود الكلاب وليست الكلاب التي تقودنا

-ـ-ـ-ـ

أبـــو فـــهـــد

jassim99 · 13-07-2011, 11:55 AM

بوفهد الله يباركله ماقصر ابد بالرد وانا ودي اضيف جم شغله

بالنسبه لسؤالك عن المرق اي نعم في صلصات تباع في محلات لوازم الحيوانات بنكهات كثيره و ممكن انك تظيفها عالاكل الي عندك

وياخوي يمكن الدراي فود الي عندك طعمه مايعجب الكلب و يمكن يكون مو مخزن عدل (ضاربته الشمس) وخربان

انا لو كنت مكانك برمي الاكل الي عندي وبشتري اكثر من نوع دراي فود من الكياس الصغيره و النوع الي يحبه الكلب بشتريله منه كيس كبير

سؤال انت خايف عالكلب ولا مستخسر الدراي فود ال35 كيلو الي عندك ؟

اتوقع انك خايف عالكلب عشان كذا فرط بالاكل و جربله انواع ثانيه

وجرب تعطيه خضار مسلوق مع بيض لو مره وحده بالاسبوع بس بدون زيت (مفيد جدا)

ولا تنسى كلام بوفهد عن الديدان وده عند البيطري

و اذا تبي نصيحتي سواء في ديدان او مافي عطه كورسات الديدان من فتره لي فتره اذا مافادته ماراح تضره

بالتوفيق اخوي

mkdsh · 13-07-2011, 12:55 PM

صحيح كلام الاخوان وبزيد جم شغله على قولت اخوي jassim99
في طريقه ثانيه تنفع اذا كان الكلب ياكل منه وقت الحاجه..,<<بس خشنه شوي ..
مثلا هو ياكل ثلاث وجبات باليوم
وانت حطيت له الوجبه الاولى تحسب له وقت محدد مثلا ربع ساعه ثم تشيل الاكل من عنده<<طبعا مو ماكل<<
ولاتعطيه شي ابدا الا الماء فقط طول الوقت اللي بين الوجبتين
وثم نفس الشي على الوجبه الثانيه ضع نسبه قليـــله جدا من الدجاج >>مشان تشهيه<<في الثانيه والثالثه
واحتمال كبير انه بياكل من الوجبه الثانيه..,وحاول انك تخلط بين الطعام بالمره عشان ماياكل الدجاج ويترك الباقي.. ..
وان شاء الله مع الوقت تقلل الدجاج وبيتعود على الدراي فود والمعلب
____
وطريقة بوفهد افضل لاكن زيادة خبره للجميع..

mkdsh

Musab Pro · 13-07-2011, 01:05 PM

عيني عليك بارده يابو فهد ..

الطريقة اللي شرحتها انا جربتها وشغاله 100 ٪

خليت الكلب اللي كان ما ياكل الا اكل بيت .. يعشق الدراي فود .

اما الكلام اللي قاله اخوي جاسم حق النكهات و اكثر من نوع دراي فود .

هذا كله يعتبر دلع .. تقدر تسويه وتقدر لا .

ولكني افضل انك انت من تسير الكلب على كيفك .. اختر له الطعام المفيد

وعوده عليه غصب .. وتذكر ان الكلب مثل الطفل الصغير .

احيانا الطفل يرفض اكل الاطفال المعلب ولا البودره او سيرلاك او اي شي .

مع انه هو الاكل المفيد له .. ونجوعه شوي وناكله غصب مع التشجيع وتمشي الامور ويتعود .

تقبل مروري .

~~pitbull terrier~~ · 13-07-2011, 01:40 PM

اقتباس:

المشاركة الأصلية كتبت بواسطة m6n65

السلام عليكم ورحمة الله وبركاته

احب اشكر الي راح يردون واكيد بيردون

نونا 999

وابو فهد

و انا وين ..

هــا هــا هـــا ..

امزح ..

صدقني ثقتك في محلها بالاشخاص الرائعين ..

نونا و ابو فهد اشخاص محترمين ونشطين ومتحرفين ..

_-_-_-_-_-_-_-_-_-_-_-_-_-_-_-_-_-_-_-_-

مــا شاء الله الاعضاء كــفو ووفــو بالأجابة ..

ومثل ما قالو اجبره على الاكل ان وافق وان لم يوافق ..

اي لا تطعمه لمدة تقريب الــ 7 ساعات وبعدها احضر له الدراي فود ..

وصدقني سياكله كله امام عينك ..

( صدقني لقد رايت بام عيني كلب من الجوع ياكل عشب ) ..

فما بالك عندما يرى دراي فود ..

وان اردت ان ياكله ايضا بسرعة ضف للدراي فود بيضة ..

اي اخلطه مع البيض ..

هذا ان اردت وانت غير مجبر عليه ..

على كل حال وفقك الله ورعاك ..

_-_-_-_-_-_-_-_-_-_-_-_-_-_-_-_-_-_-_-_-

شكــرا لكم اخوتي ..:

Abo_fahed

jassim99

mkdsh

Musab Pro

خبــــــــــــــــــرة ما لهــــــــا حدود ..

جــــــــزاكم الله كل خيـــــرا ..

..

Nona999 · 13-07-2011, 04:22 PM

مشاءلله الاخوان سبقوني بالرد مشاءلله تبارك الرحمن ..

وانا مااضيف على كلامهم شي ..

لكن اذا تبي ياكل الصحن كله انا الطريقه هذي مجربتها ..

حط لك دراي فود مقدار كاس ونص ( كأس من كأس تختلف الاحجام )

وضيف عليه مويه واتركه 5 دقايق وبعدين اشتر صحن كبد دجاج واسلقه بعد سلقه ضفه على الدراي فود ..

واخلطه كويس وحطه له روح وارجع بعد ربع ساعه تأكد اذا الصحن موجود ولا لا ...

وكبد الدجاج مفيد جدا ..

ومثل ماقال اخوي ابوفهد تغير الطعام تدريجيا

بالتوفيق