هل الي اسويه بقطي يعذبه ؟!

[Crazy.Cat]

السلام عليكم ورحمة الله وبركاته ..
اهلا بالجميع ...

اولا انا حابه اني اشتري لي قطة ان شاء الله لكن عندي مشكله كبيره وهي ان 2 من اخواني عندهم حساسية كبيره من القطط ..
وانا صراحة وصلت لمرحلة اني رح استخف لو ما شريت لي قطه !؟
بجد , الله لا يعوق بشر شاريه قطه يعني شاريه ..

فلذلك جلست افكر وافكر , وقررت اني اخلي قطي الي اشتريه 24 ساعة في غرفتي ما اطلعه منها عشان اخواني !؟
ومن فتره إلى فتره اطلعه معاي للحوش او السطح أو اخليه يجلس بغرفة خواتي او حتى غرفة اخوي الي ما عنده حساسية يعني امشيه ما احبسه عااد 24 على 24 !

فما ادري هل الحركة ذي ممكن تعذب القط وهي اني احبسه عندي ولا لا !؟
مع العلم غرفتي واسعه شوي , وفيها اماكن ممكن يحبها القط يتخبى فيها وكيذا ..

وكمان هل عادي لو سكرت عليه الباب وخليته لحاله لفتره طويله !؟
لان عندي الجامعة دوامي اطول فيه يعني ممكن ارجع البيت المساء ,, فهل عادي يجلس سااعااات طويلة لحاله ولا يتعقد كيذا ؟!

وغير كيذا انا كان عند قط زمان وكنت حاطة الرمل تبعه عندي بالغرفة !؟
فكان مررا مخيس لي الغرفة والريحة قرف بشكل موب طبيعي ؟! فما ادري هل فيه حل للرائحة ولا لا ؟! وهل لو استحدمت الرمل الخاص يزيل الرائحة ؟ والاهم هل ما رح يسبب لي مشاكل في المستقبل لا قدر الله ؟!

واخر شئ انا ان شاء الله اذا شريت ابي افتح له ملف واتابع صحته وكيذا فما ادري ايش افضل عيادة بيطرية بالرياض ؟!

[دلوعةقطوتي]

وعليكم السلام ورحمه الله وبركاته
ان شاءالله تشترين القطوه اللي ببالك وتفرحين فيها
بس قبل ماتشترين اتاكدي من اهلك مو يومين ويقولوا طلعيها برى وتكوني انتي تعلقتي فيها
بالنسبه للحبس القطاوه بشكل عام ماتحب تحبس بس لو غرفتك وسيعه حطي لها اكلها والعاب تسليها
ولو تفتحين الشباك وتحطين لها كرسي تشوف منه او تجيبي لها حوض سمك يسليها
الليتربوكس جربي الرمل توماس وغيريه اول ماتتوسخ شيلي الفضلات وكل 3 ايام غيري التراب واغسلي الليتر بديتول وافتحي الشبابيك وممكن تخلطين بيكربونات الصوديوم عشان الريحه او تستعملي فيه بخاخ لليتر
العياده برسلك عالخاص

[waelwaleed]

اهم شي توفري لها العاب واشياء تتسلى فيها ثانيا ضروري تكوني حاسبا حساب مناخ الغرفه خصوصا حسب علمي ان الجو عندكم حار مثلنا يعني تحتاج تهويه والاهم وقت النوم لو متعودا على تبريد عالي الله يعينك تغيري نظامك بحكم انو عندك ضيف يكره البروده العاليه
وبالنسبه للرمل انا من فترة قصيره كنت حاط رمل عندي في الغرفه وماشي الحال ولا في ريحه ولا شي الاعتماد على نوعية الرمل فقط في رمل يمنع الريحه ولا تشمين اي شي
وانت جيابه القطه جايبتها الله لا يعوق بشر لوووول
وبالتوفيق يارب