عاوزة استفيد من خبراتكم حد يقدر يساعدني :)

[lovly dodda]

السلام عليكم
لو سمحتو انا عيد ميلادي كام يوم 8-11 وعشان انا بعشق الحيوانات كانت هدية خطيبي زوج من البادجي ودي كانت اول مرة اشوف واعرف في العصافير ف معنديش اي خبرة فيهم (ميح يعني) وعرفت بعض المعلومات من المنتدىات بس للاسف مش عارفة اطبقها علىهم

بالنسبة للاكل مش راضيين ياكلو اي حاجة غير خلطة الحبوب اللي عطاهملنا صاحب العصافير حطتلهم خيار وجزر وكابوتشي وجرجير وتفاح وبرتقال مافيش فايدة خالص
عملت لهم بيض مهروس بالبقسماط مرضوش ياكلو الا لما شلت الحبوب لمدة 10 ساعات ومأكلوش اوي برضه اهه حبة كدة عشان جعانين بس
عايزة اعرف اعمل ايه عشان ياكلو والاكل والمياه بيتغيروا كل اد ايه وامتا احطلهم ليمون في المياه وامتا احط مضاد حيوي وكمان معلش انضفلهم العش كل اد ايه مع العلم اني بلف كيس بلاستيك على ارضيه القفص المتحركة لسهولة التنضيف
بالنسبة للتفريخ
انا جبت لهم العش الخشبي وركبتهلهم ومحدش فيهم راضي يقرب ناحيته الا من يومين بس الانثي وقفت على باب العش كدة كانها بتتفرج عليه 10 -20 ثانية ومشت تاني بس هيه والشهادة لله مش مقصرة عمالة تنضفه وتفليه وهوة عامل تقيل خالص ومش معبرها وشكلهم كدة مافيش فيهم امل مش عارفة اعمل ايه عشان تبيض ولا هما مش في السن اصلا بتاع الزواج
ومعلش انا كنت عايزة اسأل على حاجة تانية مفروض احطهم فين وهل اغير لهم مكانهم كل شوية ولا اثبت لهم مكان واحد انا خايفة احطهم في البلكونة لان الجو اليومين دول تلللللللللللللج فعلا خايفة عليهم ف انا حطاهم معانا في اوضة المعيشة واعدة جنبهم على طول هل دة صح ولا غلط
و دي صور ليهم لو في اي معلومة زيادة ممكن تفيدوني بيها النوع والسن وكدة يعني






اسفة على الاطالة وشكرا مقدما

[Milano Egitto]

أختى الفاضله
أولا.. كل سنه وحضرتك طيبه بمناسبه عيد ميلادك ومبروك عليكى العصافير
ثانيا ..الانثى عندك لسه مش فى سن الزواج لكن الذكر بالغ وفى سن الزواج. وده هتعرفيه لما تبصى على رأس الانثى هتلاقى فى خطوط سمراء بالعرض زى اللى فى الصوره كل لما الخطوط دى تبتدى تختفى بيدل على تقدم العصفور فى السن . لو لاحظتى هتلاقى على رأس الذكر الخطوط ممسوحه
ثالثا..بالنسبه للأكل هما وجبتهم المفضله هى الحبوب بس طبعا مهم جدا التنويع فى الاكل وهما بيحبوا الخس جدا والخضار والفواكه وهتلاقيهم بياكلوا العود نفسه بتاع الخضره مش الورق. بس المهم تنوعى فى الاكل ومتحطيش الحاجه كلها مره واحده وده طبعا من 2-3 مرات فى الاسبوع بذات الخضار كتره غلط علشان ممكن الطائر يصاب بالاسهال وكمان الخيار بس قطعيه صغير ويفضل انه يكون متقشر ويتعلق فى القفص بين السلاكات وممكن تأكليهم بأيدك من بره القفص
رابعا ...التنظيف لازم يكون أول بأول المهم انك ماتسيبيش القفص متسخ لفتره طويله أكثر من يوم
والميه لازم تتغير كل يوم لان ممكن يترسب فيهافطريات من فم الطائر تأثر عليه بعد كده
والحذر ثم الحذر ثم الحذر إنك تحطى مضاد حيوى إلا اذا كان الطائر مريض لكن عصير الليمون يوضع إذا كان الطائر مريض بالبرد وممكن تحطيه مره او مرتين اسبوعيا كمضاد حيوى حتى اذا كان الطائر غير مصاب بالبرد
خامسا وده الاهم ... حرام عليكى تحطيهم فى البلاكونه متبقيش انتى قاعده جوه ومدفيه وهو يا عينى عمال يرتعش من البرد ده برده كائن حى لحم ودم يبفضل وضع القفص فى مكان هادى فى غرفه مكتب مثلا أو صالون أو غرفه نوم وممنوع وضعه جنب باب الشقه لانه هيخاف من الناس اللى داخله خارجه وخلى بالك تحطيه جنب مكان تردد عالى أو أجهزره كهربائيه
يارب تكون المعلومات فادتك
وطبعا زى ما قولتلك الانثى مش فى سن زواج خالص يعنى تقريبا قدامها حوالى شهرين وربما أكثر

والسلام عليكم ورحمة الله وبركاته

[لعبة الايام]

اجابة وافية من الاخ Milano Egitto الي الحظه حتى الدكر يحتاج الى بعض الوقت
وبالسبة الى الاطعمة الاضافية مع تكرار تقديمه راح تتعود الطيور عليها وبتفضلها على الحبوب
يفضل وضع القفص في مكان بعيد عن الحركة اما تنظيفه يكفي تنظيف القطعه البلاستيكية كل يومين اما تنظيف القفص بالماء مرة واحده كل 10 ايام
صبري عليهم الى ان يصلو الى سن التزاوج وحسسيهم بالامان
وان شاء الله تشوفي انتاجهم

[lovly dodda]

ميرسي خاااااااااااااااااااااااالص اخيرا حد عبرني

بالنسبة للاكل بقى انا بحاول والله وبحطلهم بس مش بيعبروه خالص ولا كأنه موجود وبيجرو على الحبوب

وهما مش عارفة بيخافو ممني خالص ليه كدة انا كان نفسي اطبطب عليهم والاعبهم و أاكلهم بس رد فعلهم خلاص اخاف منهم اصلا الا يعضوني


بالنسبة للتزاوج
انا شايفة البنت ميتة عليه خالص وعمالة تفلي فيه وتنضفه وتقرب منه تحتك بيه وكدة وهوة ولا هوة هنا عامل عبييييييط
يعني انا كدة اتخميت فيهم ولا ايه اروح للراجل اغيرهم منه هوة قايل لنا انه هيتجوزوا ويبيضوا منه لله بقى استغل جهلنا

بالنسبة للمكان انا زي ما قلت حطاهم معانا في غرفة المعيشة في حركة كتير واصوات وتليفزيون وموبايلات ولابات وكدة هل دة غلط؟؟؟؟ اطلعهم في الصالون مثلا؟؟؟ طب ما الصالون او باقي الغرف ساقعة عليهم اعمل اييييييييه فيهم بس

ميرسي جدا جدا جدا لاهتمامكو معلش استحملو جهلي بقى ربنا يجازيكم كل خير

[البادجي@]

زميلتنا في تربية البادجي
ممكن توضعي القفص برة او البلكون بس بشرط تلفيه بنايلون هكذا ما يهمهن البرد
وبعدين عمر البادجي الصغير مناسب اكثر اامربي المبتدأ لأنه هيتعود على المكان اكثر خلال الستة اشهر اللي حيجهزو فيهن
ومن خلال تجربتي ااكد انه البادجي يخاف يضع البيض اذا كان زوج وحده بالقفص الأ اذا كان مع زوج ثاني واتمنا لكي التوفيق

[lovly dodda]

المشاركة الأصلية كتبت بواسطة البادجي@

زميلتنا في تربية البادجي
ممكن توضعي القفص برة او البلكون بس بشرط تلفيه بنايلون هكذا ما يهمهن البرد
وبعدين عمر البادجي الصغير مناسب اكثر اامربي المبتدأ لأنه هيتعود على المكان اكثر خلال الستة اشهر اللي حيجهزو فيهن
ومن خلال تجربتي ااكد انه البادجي يخاف يضع البيض اذا كان زوج وحده بالقفص الأ اذا كان مع زوج ثاني واتمنا لكي التوفيق

متشكرة لحضرتك جداااااااااااااا بس انا لو حطتهم في البلكونة الجو عندنا شتا على طول اليومين دول وساقعة جامدة جدا حطتهم مرة الصبح اعدوا يترعشوا صعبواا عليا جدا وبعدين هيبقو بعيد عن عيني مش ادامي على طول

[لعبة الايام]

انا استبعد وضع الطيور في البلكون وبالاخص في هده الاجواء
ادا عندك مكان تقل فيه الحركة راح يكون افضل مكان

[lovly dodda]

طب تفسروا ايه حركاتها دي اانها بتفليه وتنضفه تقرب منه دايما وتحاول تحتك بيه كدة وبعدين بصراحة بيعملو حركة غريبة كأنهم بيأكلو بعض بس بحركة عنيفة شوية وشد وجذب كدة بس اصلا بيكون بقهم فاضي ومش جنب الاكل اصلا انا بصراحة مش فاهملهم حاجة و بعدين انا حاسة انهم بيضربوا بعض ويتخانقو كل شوية بنقروا بعض كدة ياريت افهم هما بيعملو كدة ليه