هاوي جديد

[Stone]

السلام عليكم ..


كيف حالكم يا شباب انا جديد على هواية تربية الببغانات وخاصتا الرمادي الافريقي .. قبل يومين وفقت في شراء طائر رمادي افريقي جديد ولله الحمد عمره تقربيا بين الخمس والست شهور ... وانا حاليا في اعداد اني اخلي الطير يتعود علي بالبدايه اني اخليه ياكل من ايدي واكلمه شوي وامسح عليه من داخل القفص ... طبعا انا محافظ على النظافه وتبديل الماء والاكل طبعا ... وااخذت له اكل نوع مخلوط امريكي نصحني فيه الدكتور الموجود في محل لبيع الادويه والاعلاف + فيتامينات توضع بالماء ... بس ملاحظ انه الطير يفضل الحب الشمسي اكثر من اي شي ثاني.


برايكم ما هي الخطوه القادمه المفروض اني اقوم فيها ...

ارجو ان تقبلوني بينكم ... واسف على الاطاله

[محب الحيونات الاليفة^^]

لا تطلعه من القفص الا بعد اسبوع عشان يتعود على البيت

وطلعه كل يوم خارج القفص لساعتين او اكثر

وبعدها روشه وعلمه يطلع فوق يدك

وبصير يحبك ويسولف معاك

[ٌابوعمر]

افريقي او هولندي اذا هولندي طلعه من اليوم ماتفرق معه بل عكس يستانس اذا افريقي وماهو مروض خله اسبوع وبعدين ابدا معه واذا ماياكل غير الحب الشمسي قلله وحط انواع ثانيه بياكل منها غصب بس مانصحك تسوي اي حركه مثل هاذي الحين لان الطير صغير محتاج ياكل زين ويتغذى

[Stone]

جزاكم الله خير ... شكرا شباب على التجاوب السريع

تسلم اخوي محب ... شلون اقدر اطلعه من القفص بعد اسبوع لاني ملاحظ انه مو متعود على الايد لحد الحين

اخوي بوعمر الطير محجل واعتقد انه تفريخ جنوب افريقيا تقدر تقول عنه هولندي ... وانا ما اعرف شلون اطلعه وارجعه القفص مره ثانيه خايف اسوي له حركه يعصب الطير او يتضايق من هالحركه ..