تزويج الكناري في فترة القلش؛ فطريات القدم

[فديت الكاسكو لو يدري]

السلام عليكم ورحمة الله . ~
شححححححالكم اخواني .~ .
طبعاً مع عالم الطييييييييييييييييييييييييييييييييييييييييور وبالأخص الكناري الاسئلة ما راح اتخلصص ..
بس انتوا ماتقصصصصصصصصصصصرون ودوم ومكفين وموفين ..
ويزاكم الف خخخخير .

المهم أنا عندي استفسار ..
طبعاً أنا كنت اعاني من وجود الفطريات بأرجل انثى الكناري ..
وللأسف ماقدرت اداركه وأنقذ حياتها وللأسف ماتتت .. مع أني قدمت لها كل شيء أقدر اسويه وأستمر على العلاج ولكن دون جدوى ..

بس للأسف انتقل المرض للذكر قبل لا افصلهم .. والحمدالله تم علاجه بس ألحظ عليه أوقاتا يجلس بأرضية القفص بس لما يشوفني يوقف على المجثم .. ( وكنت الحظ هالحركة بالانثى )
مع العلم : حاله و الحمدالله تمام أشوفه ياكل ويشرب ويغرد .. بس ما أعرف شو سبب جلوسه مب بشكل غير ملحوظ بشكل كبير ..

هذي شغلة .

والشغلة الثانية / اشوفه يوقف على المجثم ويقعد يرفف بأجنحته دوم طيران . وكأنه يحاول الطيران بس ماسك بالمجثم ..

هل هذي الحركات طبيعية .. ؟ أو تدل على شيء ؟
وشكراً .

[ميجر]

و عليكم السلام

جيف حالك أخوي .. ؟ عساك بخير

جلوسه على أرضية القفص ما فيها شي .. شي طبيعي

ثانيا : رقصة التزاوج هو اللي إنته تقصده يوم يرفرف يجناحه و هو واقف عل مجثم.. هذا شي يدل على أنه جاهز للتزاوج و خصوصا إذا كان يغرد .

أنك تجيبله أنثى أو لا .. هذا شي راجعلك ماراح يأثر عالطير إذا جبتله أو لا

تقبل مروري ..

أخوك عبدالله الشامسي

[فديت الكاسكو لو يدري]

المشاركة الأصلية كتبت بواسطة ميجر

و عليكم السلام

جيف حالك أخوي .. ؟ عساك بخير

جلوسه على أرضية القفص ما فيها شي .. شي طبيعي

ثانيا : رقصة التزاوج هو اللي إنته تقصده يوم يرفرف يجناحه و هو واقف عل مجثم.. هذا شي يدل على أنه جاهز للتزاوج و خصوصا إذا كان يغرد .

أنك تجيبله أنثى أو لا .. هذا شي راجعلك ماراح يأثر عالطير إذا جبتله أو لا

تقبل مروري ..

أخوك عبدالله الشامسي

أنا بخير دامك بخير .~
اهاا . .~
للأسف جهز متأخر بعد مامتت الأنثى

بس حالياً بصراحةة ما افكر ازوجه . . لأن عنده مشكلة بالريش وجاري العلاج وأن شاء الله أول مايخلصص علاجججه ويتعافى بيب له أنثى جاهزة .~

شكراً أخوي
وماقصصصصصصرت ويزاك الله الف خير ..
وحياااااااااك الله .~

[Dr Khaled]

و عليكم السلام و رحمة الله و بركاته
أخي الكريم يعتبر هذا التنبيه الثاني بوجوب وضع عنوان يتماشى و مضمون السؤال...
الرجاء التقيد ...

بخصوص أرجل الكناري ما العلاج الذي تستخدمه معه؟ و لو أمكن إرفاق صورة واضحة ......

أما بقاء العصفور أسفل القفص فهو دليل على أنه تعب و هذا ليس أمر طبيعي لأن أغلب العصافير تحب المجاثم مهما كانت وضعها .....

أما دليل الرفرفة عندما تقدم أنت عليه فهو أمر إما أن يدل إنه يدافع عن أرضه و قفصه و إما أنه تعود عليك فيلقاك بترحيب.

[فديت الكاسكو لو يدري]

لعلاج الفطريات اللي بالأرجل ..
استخدم مضاد tabernil sulfa
واستخدم pederipra spray
بس حالياً وقفت عن استخدامه لأن خلصت فترة العلاج وهي اسبوع . وفي تحسن والحمدالله ..

ياريت دكتور لو توضح شو تقصد من ورا كلمة ( تعب ) ؟؟

لأني اللي اشوفه الكناري فصحة جيدة ويغرد ويلعب وياكل وماتبدو عليه اي اعراض لمرض .

وشكراً جزيلاً .

[Dr Khaled]

تعب أي مجهد لا تستطيع أرجله تحمل ثقل جسمه من فوق علو فقط لا غير ...

[فديت الكاسكو لو يدري]

والعفو دكتور أنت من خلال وصفي لحالة الكنار تتوقع فيه شيء ؟؟؟

لأن الحمدالله مثل ماذكرت حالته والحمدالله جيدة ويأكل ويشرب ويغرد ويطير بالقفص ..
بس الحظ عليه أوقاتاً جلوسه بأرضية القفص .. ؟

اليوم بالصدفة كنت مشغل صوت لتغريد كناري عن طريق الموبايل فشفته يرفرف بأجنحته مكانه ويغرد ويطير ..

أنا بس اللي اعاني منه حالياً مشكلة الصلع اللي براسه .. وأن شاء الله جاري البدأ بالعلاج وأن شاء الله خير .

ألف شكر لك دكتور وربي يعطيك ألف عافيه . .
بصررراحة ويهكك أبيض و أبد مب مقصصصر معاي ولا مع زملائي الأعضاء ، وآقف معاي بكل مشكلة وبكل خطوة لعلاج الكناري
عسسسسااك على القوة يارب ..~

[Dr Khaled]

مشكلة الصلع ممكن أن الكناري ضعيف البنية فقط لا غير و يعاني من نقص فيتامنيات و معادن تحفز الريش على النمو ... و هذا أمر بسيط لكن القصد من تعب الرجلين أي حالة مرضية تلم بالشخص تترافق معها تعب عام و هذا أمر طبيعي ..... لكن تتدريجياً تزول بزوال المرض و العناية مع العلاج ....
و شكراً لك أخي و شكراً لله تعالى هذا من فضل ربي