هتضيع منى القطة بالشكل ده

[نوديوس]

أنا كنت لسة كاتبة إمبارح عن مشكلة القطة و الفطريات
و إمبارح حميتها بصابونة كبريت، و طهرت ببيتادين و دهنتلها بنزانيل،و بعدين كانت بتاكل و بتشرب عادى
و ده رابط الموضوع
http://www.2zoo.com/vb/showthread.php?t=277767
هو أصلا المشكلة إبتدت من أول ما كانت تعبت و حرارتها عليت، و لما وديتها للدكتورة قالتلى برد
و من ساعتها كانت خست جدا و حسيتها مش بتكبر رغم إنها بتاكل كويس، وكنت إشتكيت من الموضوع ده قبل كدةة
http://www.2zoo.com/vb/showthread.php?t=276574
و إمبارح واكلة كويس جدا المشكلة إنى صحيت النهاردة لقيتها عندها إسهال و بتترعش ما فهمتش ليه، و قولت ضعف و إديتلها أنتينال و شربتها بالعافية، أول ما رجعت من برة لقيتها بتتشنج، مش بتترعش و بعد ما هديت لقيتها حرارتها عالية جدا، إديتلها خافض، زبادى بالعسل، مضاد حيوى، و محلول معالجة الجفاف
بس هتجنن عليها و مش هقدر أوديها لدكاترة عشان أنا بقيت بحس بغش غريب فيهم
يعنى عاوزينها تجارة و بس، و بيغشوا فى حاجات كتير
و بصراحة أنا حاسة إن المرة الأولى هى تعبت جامد لما فضلت 3 أيام من غير أكل مع حرارة، و أول يوم الحرارة عليت باليل، عشان كدة معرفتش أوديها، و لما كلمت الدكتورة بالعافية قالتلى أديها خافض مرة واحدةو أجيبها تانى يوم تشوفها، و بعدين انا إديتلها تانى لما لقيت الحرارة عليت تانى يوم، و تانى يوم الدكتورة ما جاتش العيادة رغم إنها عارفة إن القطة تعبانة جدا، و قالتلى أديها محلول، وما شافتهاش غير تالت يوم ، و الدكتور التانى ناس كتير بتشتكى منه، مش عارفة أعمل إيه
هى المرة اللى فاتت لما تعبت كان يوم 17\6 يعنى من شهر تقريبا
و ده رابط الموضوع
http://www.2zoo.com/vb/showthread.php?t=274189
بجد عاوزة أعرف هو ده صرع؟؟؟؟ و لا تشنجات من إرتفاع الحرارة؟؟؟؟؟؟؟
و بعدين لما يكون فى فطريات مع ظهور حرارة هل ده يبقى جرب؟؟؟؟؟؟؟؟
هو أنا عارفة إن فى قطة فى عيلتها كان عندها صرع، هو ممكن يتنقل وراثى؟؟؟؟؟؟ و لا عشان لما إتولدت كانت موجودة معاها فى نفس المكان؟؟؟؟؟؟؟؟؟
و لا إيه بالضبط؟؟؟؟؟؟؟؟
أرجوكم طمنونى

[نوديوس]

و على فكرة ما فيش صيدليات بيطرية قريبة منى، و الصيدلية اللى لقيتها بتبيع علاج large animals و تقريبا إتريقت عليا يوم ما سألت عن دوا للقطط

[نوديوس]

من فضلكم حد يرد عليا

[Octopus]

الصرع ليس وراثي قد تكون متذكرة مكان ولادتها و ياليت تدورين محل صيدلية بيطرية غير عن هذا المحل لان معظم ادوية و الحقن للحيوانات المزارع مثل البقر و الغنم و غيره لها اضرار للحيوانات الاليفة مثل القطط و الكلاب وغيرها

[نوديوس]

المشاركة الأصلية كتبت بواسطة Octopus

الصرع ليس وراثي قد تكون متذكرة مكان ولادتها و ياليت تدورين محل صيدلية بيطرية غير عن هذا المحل لان معظم ادوية و الحقن للحيوانات المزارع مثل البقر و الغنم و غيره لها اضرار للحيوانات الاليفة مثل القطط و الكلاب وغيرها

octopus:
أنا فهمت إن الصرع مش وراثى
طب هو ده صرع و لا من الحرارة
هى التشنجات إتكررت 4 مرات من الساعة

02:30
و ما عندهاش تحكم فى الإخراج أثناء التشنجات خالص، و بتستمر لمدة دقيقة و بعدين تسكت
و هى مش قادرة تقف خالص

[MAMAMy]

بأختصار قطتك عندها = اسهال + فطريات + حرارة
بالنسبة للصرع اتمنى ان octopus يفيدك
+ الفطريات حاجه و الحرارة حاجه يعني ان شاء الله معندهاش جرب و لاحاجه
+ بالنسبة للحرارة اعطيها نوفالجين للأطفال و مضاد حيوي و بيبي لايت للجفاف
و الاسهال و الفطريات انتي عارفة علاجهم كويس
كم عمر قطتك
يريت تعطيها ماء بالعسل او زبادي بالعسل علشان يقوي مناعتها شوية
و اقرئي عليها سورة الفلق

[نوديوس]

المشاركة الأصلية كتبت بواسطة MAMAMy

بأختصار قطتك عندها = اسهال + فطريات + حرارة
بالنسبة للصرع اتمنى ان octopus يفيدك
+ الفطريات حاجه و الحرارة حاجه يعني ان شاء الله معندهاش جرب و لاحاجه
+ بالنسبة للحرارة اعطيها نوفالجين للأطفال و مضاد حيوي و بيبي لايت للجفاف
و الاسهال و الفطريات انتي عارفة علاجهم كويس
كم عمر قطتك
يريت تعطيها ماء بالعسل او زبادي بالعسل علشان يقوي مناعتها شوية
و اقرئي عليها سورة الفلق

Mamamy:
أنا إديتلها كل حاجة إنتى قلتى عليها إمبارح من أول الصبح، الحمد لله هى ما اتعذبتش كتير
القطة ماتت خلاص
الحمد لله
كانت صعبانة عليا، إبنى زعلان جدا عليها ربنا يصبرناو يعوضنا خير عنها

[نوديوس]

برجاء غلق الموضوع و حذفه
و الدعاء إن ربنا يعوضنى عنها خير

[Octopus]

الله يعوضك بغيرها و لكن انصحك ب الاهتمام بقط الاخر قصدي الذي في التوقيع

[المحبوب الوسيم]

الله يعوضك عنها