احترت وابي رايكم

[شايل الريم]

السلام عليكم
يسعد لي صباحكم ومسائكم با الخير
امس اشتريت لي جوز روز
وعندي جوز سابق

فا حطيتهم في غرفه وكل جوز
بقفص
ـن امس الى اليوم وهم صايرين مزعجين
تغريد وصياح
وكل جوز اشوفه يحاول يطلع من القفص عشان يروح للجوز الثاني
والمشكله القفاصه. بعيده عن بعضها
وكل قفص فيه بياضه
ٌل الشي هذاء طبيعي
وفكرت اني اجمعهم كلهم في قفص واحد
وابي مشورتكم
لني بصراحه

مدري الي عندي اجواز او لا
لني ما عمري شفت عمليت التلقيح غير مرا في الجوز السابق الي عندي والي كان يلقح الانثه تلقح الذكر
وانا ما اعرف اهي انثاء او لا بس ع كلام الرجال الي اخذتهم منه قبل قال هذي الانثه والثاني ذكر
والجوز الي توني مخذاء
اخذته من السوق
وبس
وانا مخذهم امنيتي اشوف انتاجهم
ولا ادري وش اسوي

وعندي سوال ثاني
الي هي بنايت العش هل الروز يبني عشاء علاطول او فق في الفترا الي يبغا يبيض فيها
لن الجوز الاول حطيت له ميشارة الخشب وسعف النخيل
وما حرك منها شيء
ولا حطيت له ميشارة الخشب في البياضه او سعف النخيل اخرجها برا البياضه
بنسبه للجوز الثاني للحين ما حطيت له شي
لني بصراحه

مدري الي عندي اجواز او لا

[جورجي]

وعليكم السلام ورحمة الله وبركاته
اخي الكريم بما انهم طيور انتاج لاينصح بجمعهم بقفص واحد .. كل جوز بقفص لوحده افضل
وخصوصاً ان الجوز الاول متوالف بما انك شفت عملية التلقيح
وبالنسبة للجوز الجديد كان من الافضل شراءه من مربي ثقة علشان تضمن ان ذكر وانثى بالغين وجاهزين للانتاج ..
على العموم وفر لهم جو هادئ ومحفزات الانتاج وان شاء الله ينتجون قريباً ينتجون بما اننا في موسم الانتاج
وبناء العش على حسب الانثى .. بعض الاناث تكون جاهزة جداً ومتحمسة للانتاج وتلاقيها رتبت العش بوقت قصير بعد تركيب العش لهم والبعض الاخر يطول وياخذ وقت طويل .. مثلاً الاجواز المتعودة على الحياة والانتاج بالسلاكة وفجأة وضعت باقفاص فردية فأنها تأخد وقت يمكن يمتد لعدة اشهر لين تتعود وتنتج بالقفص .. بعكس الاجواز المتعودة على حياة الاقفاص الفردية فأنها تأخذ وقت اقصر بالانتاج بالاقفاص الفردية
اصبر على الطيور .. او اعرض الطيور على خبير يعاينهم علشان يتأكد لك ان كانوا ذكور واناث

[شايل الريم]

يعطيك العافيه اخت جوررجي

امس. بعد التركيز في الطيور
الجديده
ﻷقيت في فرق بينهم وبين الطيور الي عندي
ضعيفه مره
ؤحطيت لهم بيض با البقصماط لكن مأ اكلو منه وحطيت لهم تفاح. وبرضو ما اكلو منه
وغير هذاء
نفس الطيرين فيهم شيء واحد
الريش من بدايت الضهر طايح من. الجها اليمنه


بكل الطيرين
طايح بس مو واجد شوي
وش المشكله الله اعلم
ع العلم انهم كانو في قفص. صغير مرا
ؤالحين خذيت لهم قفص كبير
فا ما ادري وش المشكله


او ايش سبب طيحت الريش من نفس الجهاء با الجوز
وايش افضل طريقه عشان يرجع ريشهم وصحتهم

ؤبا العاده احط لهم ماي عشان يخذون لهم شور ع الطاير
الجوز الاول اوكي بشكل يومي يستحم
بس الجوز الجديد للئسف ما استحم
وشكله مو نضيف
هل في طريقه اسويها له عشان يستحم
او عادي لو رشيت عليهم با المرش ماي ؟
أذ ما استحمو او ايش افضل طريقه

واعذروني ع كثر الاسئله
لكني مبتدى واطمح اني اكون بنفس خبرتكم
ؤمالنه غير الله ثم انتم نتعلم ونستفيد منكم

[جورجي]

الله يعافيك اخوي
بالطبع اخي فرق شاسع بين طيور المحلات وطيور المربين
يرجع السبب ان المحلات ماتهتم بالطيور بدرجة كبيرة .. تلاقي عدد كبير من الطيور محشور بقفص حجمه مو مناسب للعدد .. وبرضو في التغذية .. اغلب الظن بالمحلات يعطوا الطيور فقط الحبوب
بعكس المربي .. يختار افضل الحبوب وينوع بالوجبات مثل البيض المسلوق والخضروات الورقية .. الخ
ولهذا اخي انت لاحظت الفرق بين طيورك الاولية والطيور الجديدة
بالنسبة للاجزاء اللي مافيها ريش .. يمكن يرجع السبب انهم كانوا من قبل بقفص مع طيور ثانية .. طيور الحب اذا يتهاوشوا ينتفوا ريش بعض ويعضوا بعض .. ويمكن تهاوشوا مع طيور ثانية وصار النتف
اهتم بالتغذية وبيرجع الريش ينمو من جديد
البيض المسلوق والتفاح مااكلوا منه لان ماكانوا متعودين عليه .. قدمه لهم عدة مرات لين يتعودوا ويأكلوا منه .. الخس والجرجير مفيد .. وعلق لهم عظم الحبار .. يحتاجوا كالسيوم لنمو الريش
اذا كانوا يرفضوا التروش .. استخدم البخاخ .. وتجنب الرش على الوجه او الاذن
وبعدها حط لهم وعاء استحمام عدة مرات بالاسبوع لين يتعودوا ويتروشوا بنفسهم
عادي اخوي .. اذا عندك اسئلة ثانية تفضل

[شايل الريم]

يعطيك العافيه اخت جورجي
ـن امس با اليل شلت من عندهم المشارب والاكل
واليوم. الصباح حطيت لهم
خلطه مسويها من الفضاوه وقلت اجرب في الطيور
بيض با البقصماط با العسل وشوي حبوب
وحطيتها لهم وشفتهم قامو ياكلون منها بس ما اكلو واجد
بس الريش اليوم احس انه زاد با وحد فيهم.
والمشكله ما يتحوشون او اي شيء وضعهم في السليم
بس واحد منهم صار يبين جلدا
بمقدار بصيط يمكن كبر الاضفر

[جورجي]

العفو اخوي
بما انهم اكلوا شوية من الوجبة .. هذا يعني ان فيه امكانية تقبلهم للطعام الجديد
ملاحظة بسيطة .. بما ان رفعت الماكل .. ماكان فيه داعي ترفع المشربيات .. الطيور تحتاج شرب الماء
اها .. بما ان الريش يزيد في النقص وهم مايتهاوشوا .. يمكن يرجع السبب انه واحد منهم ينتف بريش الثاني ..
صارت عندي لكن مو في طيور الروز .. ان طيرين .. وواحد منهم ينتف بريش الثاني ويبلع بالريش مع الاكل متوفر على الدوام ومتنوع .. وكان الحل انو فصلت كل واحد بقفص لوحده
ولاني قلت يمكن من هوشة النتف ... لان بعض طيوري الروز ان تهاوشوا نتفوا في الريش
يمكن لان الجوز مو متوالف .. ولهذا ينتفوا بريش بعضهم

[شايل الريم]

بس ما ادري عن الولافه
المشكله مثل ما ذكرت انهم ما يتهوشون
والشي الثاني
في اليل واحد فيهم ينام في البياضه والاخر
عند. الباب حق البياضه ما يدخل داخل
يعني اخت جرورجي تنصحيني افصلهم عن بعض
وكم فترت الفصل عن بعضهم تكون

[جورجي]

الفصل مااعتقد انه بيحل مشكلة النتف .. لان الفصل يستخدم للاجواز اللي ماتوالفت
حاول تزيد لهم كمية الحبوب مع توفير عظم حبار .. يمكن اذا شافوا الاكل وافر يتركوا نتف الريش
ولو استمروا بالنتف .. الطير اللي ينتف ريش الثاني بيعه او استبدله بطير اخر .. مجرد اقتراح
بالعادة الاناث تنام بالعش والذكور تنام على مجثم العش .. وبعض الاحيان الذكر والانثى يناموا اثنينهم داخل العش
اصبر عليهم بعض الوقت .. وروشهم بالبخاخ .. يمكن يتركوا نتف ريشهم

[شايل الريم]

يعطيك العافيه اخت جورجي
ارشهم با اي بخاخ تقصدين
بخاخ الماء او بخاخ خاص بها الحالات

[جورجي]

العفو اخي الكريم
اقصد بخاخ ماء عادي .. علبة بخاخ فارغة وتحط بها الماء وترشهم وتتجنب وجه واذن الطيور