ارنب نط جابلي خط !!!

[بنوته كولـ]

هااي

ارنب نط جابلي خط مين يقراه انا اقراه سبع سنين ماانساه

اليوم إن شاء الله خالي يبي يروح يشتري لي ارنوب

من الحياة والطبيعه

دقيت عليه قال فيه انواع لللارانب فيه صغير بـ 45 ريال وفيه وسط وفيه كبير

قلت له ابي صغير

وسألته عن القفص بكم قال على مااظن انه بــ 120 الصغير وفيه وسط وفيه كبير

ابي اسالكم وش احسن الاشياء اللي اسويها اذا جاء الارنب

وممكن تعطوني وش اوكله في الاسبوع

ووهل اروشه

ولازم احط له تراب

انا بأنتظاركم

[() 3bood ()]

على البركه مقدمااا ... لووووووووول

مو شرط اكل خااص الارنب ياكل كل شي

و يفضل تحطيلا ترااب علشاان الريحه

و على الشور يكون احسن علشاان يصير نظييف

و القفص يكون كبير احسن علشااان ياخذ راحته الارنوووب

و بس

[رعوود]

اختي الف مبروك عليك


ويتربى بعزك


بالنسبة للاسئله


طبعا احسن شي انك تختارين مكان مناسب للقفص وتحطين الارنب فيه وتجهزين كل شي وتخلينه اول يوم يتعود عالمكان الجديد

اما الاكل كثير منا عنده معلومة خطا وهي ان الارنب ياكل اي مخلفات من الفواكة والخضار والخبز الي تكون من المطبخ او بواقي الطعام لكن هذا مو زين لانه ممكن يسبب امراض له


انتي اعطيه الاكل الخاص بالارانب على طول والماي

وطبعا ثلاث مرات خضار وفواكة بالاسبوع (ابتعدي عن الحمضيات والورقيات ما عدا الخس )
بكميات معتدلة

ويفضل انك توفرين له البرسيم الاخضر


القفص تفرشينه بنشارة الخشب عشان الريحه ولو تستخدمين معطر الخاص بالنشارة يكون افضل لانه الارانب مو زي الهامستر الارانب والكافي تطلع منهم ريحه اقوى
لكنهم حبوبين وحلوين

دام انك راح تحطينه بقفص داخل البيت عندك اثنين تسوينه

لو عندكم حديقة تقدرين مثلا تحددين وقت معين من اليوم تطلعين الارنب يلعب ويحفر على كيفة بالحديقة

او انك تحطين له زي العلبة وفيها رمل او بحص (الحجارة الصغيرة) بحيث انه لو بغى يحفر يحفر فيها


واي سؤال ثاني حاضر

[بو عبد الملك]

ألف ألف ألف مبروك