اشترك في نشرتنا البريدية ليصلك كل جديد

بنت الإمارات · 02-09-2007, 06:04 PM

السلام عليكم ورحمة الله وبركاته

مثل ماشفتوا عنوان الموضوع..

هل هذا منتدى بهدف الإفادة والإستفادة من خبرات الغير ف تربية الحيوانات

أم هو موقع للتعارف والغزل ؟!!

لكن ( بعض ) الأعضاء يشوهون سمعة المنتدى .. بأهدافهم السخيفة

واسمحولي ع الكلمة هذي ..

لأن الرسايل اللي توصلني زادت عن حدها

واتمنى منكم يا أعضاء توزو إنكن ماتشوهوا سمعة المنتدى

واللي يبغي يتعرف مواقع الدردشة مامقصرة بشي

والسموووحة

qatar8989 · 02-09-2007, 06:27 PM

أختي افا عليج من الي يتحرش فيج اشتكي علية عند الادارة

AL-MOHANDES · 02-09-2007, 06:35 PM

لازم تخبرين الإداره بأسمائهم ..

والله يعينك ويسهل امرك .

بنت الإمارات · 02-09-2007, 06:38 PM

يبغالهم جذاااا

بس انا ما ابغي اسوي مشاكل

فقلت بنزل هالموضوع عسب يقرووون ويعرفوون انه هذا تهديد

وإلا الإدارة بتتصرف معاهم

محمد الرياض · 03-09-2007, 02:03 AM

لا حول و لا قوة إلا بالله ..

كتبت ردًا فيما مضى عن استراحة الهواة ، و ما غلب عليها من طيش المراهقين و سفاهة الأطفال ..

و يبدو أن لا حياة لمن تنادي ..

إلى القائمين على هذا الصرح .. هل هذا مكان تسلية و ترفيه للأطفال !! أم هو ملتقى الهواة

و المربين !! فيه يتبادلون الأراء و الخبرات بكل تقدير و أدب متبادل ..

مع احترامي للمشرفين على هذا القسم لكن كلمة الحق يجب أن تقال على الملأ

خصوصًا إذا لم تجد من يسمعها باستعمال الطرق السرية و المراسلات ..

كفاكم مهازل ، و والله إنكم محاسبون ، هل الإدارة لا تعلم شيئًا عما يدور هنا أم لا ؟!!

فإن كانت تعلم فتلك مصيبة ، و إن كانت لا تعلم فالمصيبة أعظم ..

مايا · 03-09-2007, 02:10 AM

اختي انتي لازم تشتكي عليهم

اي واحد يدايقك اشتكي عنه بسهوله

كويتية · 03-09-2007, 02:29 AM

أختي أنا صارلي نفس المشكله الرسايل الخاصه متروسه يبون يتعرفون ويقولون ضيفيني بالمسنجر وبعضهم يدخل علي باسم ولد ويقولي انا بنت بس مسجل باسم ولد بالمنتدى !!!!!!!! شهالتفاهه

المهم سكرت الرسايل الخاصه تقريبا شهر وعقب فتحت الرسايل علشان اراسلج على موضوع حماية الجهاز بس الحمد لله محد طرشلي شي يوم فتحت الرسايل

واذا بيتكرر هالشي احسن حل هو انج تسكرين الرسايل الخاصه

punisher · 03-09-2007, 02:40 AM

الله يعطيج العافية عالموضوع
و انشالله الي ادزون هالشغلات اتأدبون
شكرررررررررررا

فتى الاسلام · 03-09-2007, 03:24 AM

لا حول ولا قوة الا بالله معقولة هذي الحركات اللين الحين موجوده

فعلاً (( لا حياة لمن تنادي ))
أختي (( بنت الامارات )) شي طيب اللي سويتيه بأنك كتبتي موضوع عن هذا الشي التافه

ولكن أسمعي خذيها مني أقفلي الرسائل الخاصه تبعك زي ما قالت أختك (( كويتيه )) واذا ما تبين

خلاص كنسليهم لانك أشرف من انك اتردين على اشكال زي كذا ولا تعطينهم وجه لكن سجلي

اساميهم مررره ثانيه أمام الملاء جميعا لكي يكونوا

عبرة لمن يعتبر ,,,

واللي يفعل هذي الاشياء أعتبره انسان واطي حقير ما همه الا شهوته مثل الحيوانات (( أكرم الله

القراء )) آسف على هذا اللفظ لكن من المعروف ان الحيوانات ما همها الا شهوته صح ولا لا ؟؟

وابيه يفكر للحظه هل يرضى هذا الشي لأخته ؟؟؟
و أخيراً وليس أخراً اللهم اهدي شبااب المسلمين وشابات المسلمين لما تحبه وترضاه ,,,

وتقبلي تحياتي واحتراماتي أخوك في الله (( فتى الاسلام )) ,,,

الجااارح · 03-09-2007, 05:43 AM

أختي / بنت الامارات

وعليكم السلام ورحمة الله وبركاته ،،،

لطالما تمنينا أن لا تحدث مثل هذه الظاهرة السيئة في منتدى يهدف لطرح الأمور الهادفة التي تسعى لتمنية المواهب واكتساب الخبرة ...
لا أزيد على كلام أخي العزيز / محمد رياض والأخ / فتى الاسلام شيء سوى أن أعطي لك مثل مشهور
" الباب اللي يجيك منه الريح سده واستريح "

ولكن
عسى الله أن يهدي هؤلاء الشباب ويتوب عنهم ...

تقبلي مروري