أترك الدخان في سبعة أيام مضمون ومجرب 100%

[كويتية]

بسم الله الرحمن الرحيم

السلام عليكم ورحمة الله وبركاته

هالموضوع قريته بأحد المنتديات وحبيت أنقله لكم لأن فيه فايده كبيره للمدخنين

************************

**أترك الدخان في سبع أيام..مضمون ومجرب..100%(خيال الصبحا)**
واحد من أخوياي
هداه الله والتزم ، ولكنه
يدخن من 7 سنوات تقريبًا
وحاول يترك الدخان ولكن مثل
مايعلم المدخنين أن ترك الدخان عسر
على من عسره الله عليه.
المهم السالفة ماضبطت مع الرجال (مطوع
ويدخن)وراح لواحد من أخويانا(أنسان حبيب وخدوم
لأبعد درجة)وعلمه بالموضوع.يوم سمع منه القصة أخذه
لجمعية مكافحة التدخين بالرياض.والحمد لله أن الرجال ترك الدخان
وماطبت الزقارة فمه من قبل رمضان ليومكم هذا.
سألنا الرجال وش سوو له قال : أول يوم أكشفوا على صدره وحللوه وتبين
أن 60% من رأتيه متعطل ، وعطوه موعد لمدة 7 أيام (جلسات على جهاز أسمه
الملامس الفضي على ماأعتقد)يقول ثبتوا الجهاز بأذن الرجال وأمتصوا النيكوتين من الدم
وأنا أول أسمع أسم جمعية مكافحة التدخين وكنت أحسب أنها تعطي نصائح وأرشادات فقط ما كنت
أدري أنها بطريقة طبية وهذا بسبب ضعف الإعلان عنها ولكن بعد ماراح لهم خوينا تبين لي انها بطريقة
طبية، والحمد لله الجمعية الي بالرياض ترك الدخان بسببها مايزيد على 14.000(أربع طعش الف)والي عندنا
بالخرج أفتتحوها قبل رمضان وترك الدخان بسببها على ماأعتقد أكثر من 400 شخص(فيه ناس من 24 سنه يدخنون
والحمد لله تركوا الدخان بسبب هذا العمل المبارك بإذن الله ، خوينا الي قلت لكم عنه ما راح للجلسات السبع كلها
ماراح الا لاربع جلسات فقط!!والحمد لله ترك الدخان. من هنا حبيت أني أنقل لكم التجربة هذي على شان يستفيد
أكبر عدد من الأعضاء منها ، أول كنا الامنا نصحنا واحد عن الدخان كان يقول ماأقدر أتركه ، ولكن الحين
ماعاد بقى عذر ، تكفون تكفون يالربع..على فكرة ترى لها رسوم وهو 150ريال على ماأعتقد ، والمية
وخمسين ريال تراها ماهي شيء ، تكفون تكفون أشروا صحتكم ، وأشروا دراهمكم ،وأشروا رضا
الله عليكم(لو أن المدخن يدخن بكت باليوم بخمس ريال او خمس ريال ونص يصير دخانه
بالشهر 150ريال ، وبالسنة 1800ريال-غير الفلوس أنها معصية لله ، غير أنها معصية
صحتكم )الله الله ياشباب ، والي يبي ينسخ الموضوع حلاله ، والي يبي يستفسر
أنا تحت أمره

محبكم
خيال الصبحا


********************


جزاه الله خير كاتب الموضوع أنا نقلت اسمه علشان تدعون له بصراحه موضوعه رائع

ولا تنسوني من صالح دعاءكم

[نسم الحرية]

موضوع ولا أروع

[كويتية]

شاكره لك مشاركتك بالموضوع

[الطاير]

شكراً كويتيه على الموضوع ,,,


انا اعرف واحد اقلع عن التدخين عن طريق العيادة هذاي !!!

يقول انها وخزات بسيطة بالكهرباء ...

ومن الموعد الثالث امتنع تماماً عن التدخين منذ اكثر من سنة الى الان

وللعلم ترى هي موجودة في مكة المكرمة بالمجاان للمواطنين والمقيمين



وشكراً مرة اخرى على الموضوع



الطاير

[كويتية]

الطاير

شي حلو ان الحكومه توفر هالعيادات للمدخنين وياليت المدخنين يكون عندهم اراده ويقطعون الدخان

شاكره لك مشاركتك

[محمد الرياض]

جزاك الله خير على النقل الرائع و المفيد ..

و جزى الله خيرًا كاتبه و جعله في ميزانكم أجمعين ..

[abd55]

شكرا على الموضوع المفيد

تحياااتي

[كويتية]

محمد الرياض

شاكره لك مرورك

_________

abd55

شكرا لك عالرد

[when the birds cry]

شكريا.. كويتيه اكو عندنا مكافحه التدخين بالكويت وبلاش بعد واهما يعطونا فلوس مو احنا هههه
مره راح لها رفيجي وعطوه شغلات تتلصق على الصدر والكتف وضل يستعملهم فتره بس ماقطعها يعني خفف شوي من الزقاير

[تفاحه حمرا]

مشكورة اختي والحلول وايد لكن وين الاراده