مـن عـندهـ حـل

[tedll]

بسم الله الرحمن الرحيم

أخــواني أعـضاء منتدى تو زوو كـل عام وأنتم بخير :

عنوان الموضوع من عنده حل يدلني عليه ، انا الببغاء الي عندي قبل 20 يوم كـان مريض فيه رشح ( عـطـاس ) وديته البيطري في نفس اليوم و عطاني مضاد لمدة خمس ايام ، والحمد لله 3 ايام و وقف الرشح بس كان مازال تورم العيون و لونها الازرق وقفت المضاد بعد خمس ايام و رحت بيطري ثاني في منطقه ثانيه و عطاني حبوب يقول انها خاصه في الجهاز التنفسي واستعملتها بعد خمس ايام من تركـ المضاد الاول طبعا مده خمس ايام ( شفت الويل مع الطير في الحبوب ) واليوم شفت الطير كنه يبي يرتاح ينفش ريشه و حركته مو مثل امس و اشوف انفه الله يكرمكم كن فيه وسخ واركض فيه البيطري قال طيركـ عادي كل الببغاوات تصاب بهاذا المرض( الجيوب الانفيه ) وقال مر صيدليه بشريه و خذ قطرة انف و حطها في انف الطير و ودانه وراح يترطب و يطيب وعطيه مضاد( كنت جايب معي كيس فيه علاجات كل الطيور الي عندي من حمام و كناري و ببغاء ) قال استمر على المضاد الي و صفته لكـ من اول لمدة 3 ايام ) وشريت قطره و حطيته في فتحت الانف و نـدمـت اني عطيته القطرهـ.بس الغريبه رحت فيه كم طبيب في الرياض و القصيم و كلهم يقولون انفه طبيعي الببغاء و الصقور يجي وقت و ينسد انفه >>> غــريــبـــه يوم انسد الانف و رمت عيونه يعني مو طبيعي .
قــلــت بـصــيــر طبيب كثر المضادات راح تعدم صحة الطير بتركـ الادويه و اعالجه / الطير لين الحين يتحرك و يلعب و يتكلم و ياكل مع كم مضاد راح يصير غذاء الطير مضاد في 20 يوم 3 مضادات مو معقول. اليوم عطيته ثوووووووووم صار ياكله و حطيت في المويه (مـرهـ)بجرب العلاجات الشعبيه يمكن تفيد أكــثـــر .

شــبااااااااب ابي حل في الطير او بيطري ممتاز في الرياض ؟والي عندهـ نصيحه لا يبخل ؟
مع العلم الطير لين الحين نــشـيــــطـ بس خــايـــف يــطــيــــح مــرهـ و حــدهـــ

[medo88medo]

عزيزي الغالي
اول شي انا شخصيا اقدر اساعدك في اي شي يختص بالطيور ولكن لا اسمح لنفسي ان اكون طبيبا لو اثانيه واحده
ثاني شي اتمنى ان تاخذ بهذه النصيحه وتفهم مابين السطور جيدا
الذهاب للطبيب لا يكفي اهم شي عند الذهاب للطبيب معرفه
1\ اسم المرض
2\ االسبب المباشر للاصابه بالمرض
3\مراجعه الطبيب حتى لو تحسن الطير نسبيا

مافائده السؤال عن سبب مرض الطير طالما راح اخذ العلاج
الجواب حتى تتفادى البيئه التي سببت هذا المرض وعدم تعريض الطير لذلك مره اخرى
فمهما اخذ الطير من علاج دون ابعاده عن مسببات المرض فالشفاء صعب
اسف على الاطاله واتمنى ان اكون افدتك بشي ما

[tedll]

مـشــكـــور أخـــوي

بس مرض الطير من تقلبات الجووووووو و مرض الطير الجهاز التنفسي والجهاز التنفسي مربوط بعيون الطير اي ( جيوب انفيه ) وكل اسبوع امر العياده سواء الببغاء او احد الطيور وغير ذالـكـ الطير لـه عشر ايام كان جالس في مزرعــه من الساعه 6 الصبح الي الساعه 6 العصر و عند المساء اخذ الطير البيت بسبب برودة الجو و البيت فيه مكيف صحراوي
في الاسفل و احط الطير في الصاله في الدور الثاني كـل سبل الراحه و الترفيه موجوووده الطير غالي على قلبي يستاهل التعب .

[medo88medo]

اخي الكريم تابع هذا الموضوع باهتمام
ستجد فيه بعض المسببات لمرض طيرك
اتمنى قراءة الموضوع باهتمتم وان شالله
راح تستفيد
http://www.2zoo.com/vb/showthread.php?t=41703

[tedll]

مـشــكـــور أخـــوي مـيــدو على مروركـ للمره الثانيه على الموضوع ، و أشــكــركــ لـلـمـرهـ الـثـانـيـه على الرابط

وتقبل تحياتي

[medo88medo]

لاشكر على واجب حبيب قلبي احنا في الخدمه دايما المهم رضاكم ودعواتكم الصادقه

[tedll]

الـلـه يوفقكـ أخـــوي في الدنيا و الآخـــرة