البلبل الكشميري ؟؟

[أبو فاطمه]

السلام عليكم

اخواني بغيت اسالكم عن بلبل شريته من

سوق الطيور بالكويت قالي البايع

ان اسمه البلبل الكشميري وبعد المشاورات والمفاوضات

عطاني البلبل ب15 دينار حوالي 200 ريال سعودي

والطير انا شفت صورته بالمنتدي ويسمي ( الهندي / السنغافوري )

وبصراحه اعجبني شكله لان اللون الاحمر داش فيه بعكس البلبل السوري

والعراقي .

بغيت اسألكم

1/ هل سعره معقول خاصة بانه وحشي مو رباوه ؟

2/ صار له يومين ماغرد من جبته البيت ارده للمحل او اصبر عليه علما بان البايع

باعه لي بشرط التغريد وقال انه افضل من الانواع الثانية بالصوت ؟


مع الشكر للجميع وبانتظار اجاباتكم !!!

اخوكم / ابوفاطمه .

[كروان]

البلابل عندنا حسب ما اراه بالسوق اذا كان اليف نص ونص سعره 150 200

واذا كان اليف 100% يتعدى هذا السعر ليصل الى300 او اكثر حسب نوع البلبل والوحشي

ارخص من الاثنين طبعا

وبالنسبه لتغريد افضل شي شفته يغرد البلبل الاليف لأنه متعود على الانسان ماعنده مشكله

لكن الغير اليف تحصله دايم ساكت نادر تغريده

[أبو فاطمه]

مشكور كروان على الرد

للاسف الطير عندي شكله جبان ويخاف

من اي شخص يقترب عنده

وللحين ماسمعت صوته

اتمني من باقي الاعضاء يفيدوني

هل يغرد البلبل بالمكان الجديد على طول

ام يحتاج وقت ؟؟

مع تحياتي لكم

اخوكم / ابوفاطمه.

[Mr. MeMo]

اخي الكريم


بشكل عام الطيور كلها تحتاج الى بعض الوقت كي تتأقلم و تتكيف
مع البيئه الجديده

و لكن يفضل دائما و ضع الطيور المغرده في اماكن مرتفعه في المنزل
كي تشعر بالامان

[مسمار]

أبو فاطمه ... العزيز

السعر عالى جدا ...
لايستحق مهما غلا ثمنه خمسة دنانير خاصة اذا كان لايغدر وغير اليف

اما اذا كان يغرد وتغريده جيد عشرة دنانير

كان سعره قبل الحضر دينار واحد اما الان جميع الطيور ارتفعت اسعارها بصورة مضاعفة

على العموم اسعار هذه الطيور يتلاعب بها البنغاليون حسب رغبة الزبون وخبرته

وحسب ندرتها ..................... تحياتى

[مسمار]

أبو فاطمه ... العزيز

السعر عالى جدا ...
لايستحق مهما غلا ثمنه خمسة دنانير خاصة اذا كان لايغرد وغير اليف

اما اذا كان يغرد وبشرط تغريده جيد عشرة دنانير تقريبا

كان سعره قبل الحضر دينار واحد اما الان جميع الطيور ارتفعت اسعارها بصورة مضاعفة

على العموم اسعار هذه الطيور يتلاعب بها البنغاليون حسب رغبة الزبون وخبرته

وحسب ندرتها بالسوق ..................... تحياتى

[كروان]

ابو فاطمه السلام عليكم

لتحصل على تغريد البلبل لازم يكون مرتفع عن الارض بحدود 2 متر او اكثر ليحس بالأمان

ولازم تعطيه الوقت الكافي ليتعود على المكان

وعلى فكره انا اليوم بسوق الطيور اشتري بعض الاكل لطيوري

حصلت بلبل نفس بلبلك نوع كشميري وقال لي صاحب المحل سعره 200 ريال

هو غالي نوعا ما... لكن هذا الغلا بسبب انه نادر وقال لي كل السوق لايوجد الا واحد عندي

وهو يتميز بكبر حجمه وقوه صوته وتغريده ايضا يختلف عن البلابل الآخرى

[أبو فاطمه]

السلام عليكم

مشكور ميمو على المشاركة

وانا سمعت نصيحتك ووضعته بمكان عالي

ولك مني جزيل الشكر والامتنان .

والشكر موصول لجميع الاعضاء

اخوكم / ابوفاطمه

[أبو فاطمه]

اخوي مسمار انا سعدت كثيراا بمشاركتك بالموضوع

انا بالفعل احتاج الى راي شخص مثلك خبير بالطيور

اقولك انا بصراحة فريت السوق كله ماحصلت نفس النوع

بس واحد ربوه طالبين فيه 40 دينار البنغالية وهذا لانه نادر هالايام على حسب

مافهمته منك وبسبب الحظر على الاستيراد

اما بالنسبة للطير ان شاء الله انه يغرد خاصة انه مشروط من المحل

اما الكلام عن البنغاليه بالكويت فحدث ولا حرج

العبو بالبلد لعب ولكن للاسف بعلم اهل المحلات ومباركتهم اللي

مفروض عليهم يراعونا بالاسعار مو يأكلونا هم وبنغاليتهم؟؟

وعذرهم واحد وملينا منه ( ايجار المحلات العالي )

مااقول الا الله يسامحهم

وتقبل تحياتي الخاصة لك .

والتحية موصوله للجميع

اخوكم / ابوفاطمه .

[أبو فاطمه]

مشكور كروان على المعلومه الحلوه

وشاكر تفاعلك بالموضوع

ولك مني اجمل تحية وتقدير

واتمني من الشباب اللي عنده معلومه لايبخل علينا

اخوكم / ابوفاطمه