سؤال عن الغذاء للرمادي ..

[A.AlYousifi]

السلام عليكم و رحمة الله و بركاته ..

اخواني عندي سؤالين عن الغذاء و ان شاءالله اخوانا يستفيدون ايضا من ردكم الكريم ..

ما اهو افضل نوع غذاء للافريقي .. انا سمعت انه الحب الشمسي الامريكي الي يكون كبير شويه هذا افضل و انقى الانواع .. و شريت منه حق الكاسكو مالي ..

فسؤالي للخبراء و اصحاب الطيور .. ما اهو افضل نوع و اي نوع تفضله انت للطير ..؟!

انا وايد اشووف الاكل الي يكون في المحلات ينباع بالكرتون و يكون مخصصا للافريقي و مخلوط و شكله بصراحة مفيد فمادري هل شكله بس جذي و لا اهوا صج مفيد ؟!؟!

و السؤال الثاني الكاسكو مالي ما ياكل غير الحب الشمسي .. حاولت عدة مرات بس ماكو فايدة حطيت له تفاح ، برتقال ، خيار ، موز كل الفواكه الي ببيتنا حطيتها و ما ياكلها بس مره وحده كله تفاح بس يعض و يقطه ..

فهل اخليه ياكل كله حب شمسي او انوع له و اشلون اخليه ياكل فواكه او غيره .. ؟

مشكورين اخواني و سوري على الإطالة و الله يعطيكم الف عافيا ..

اخوكم الصغير : علي ,,

[fan]

بصراحة أول مرة عرف انه الحب الشمسي انواع؟
أظن عادي مايفرق أي نوع بس أهم شئ يكون بدون ملح
وبالنسبة للأكل اللي تشوفه في محلات الطيور أو في السوبر ماركت:
أكيد مفيد بالنسبة للببغاء لأنه يحتوي على فيتامينات
ولاتكثر له من الحب الشمسي علشان ياكل فواكه وخضار
أو جرب حطهم له مع شوي حب شمسي إذا جى ياكل حب أكيد
بيجربهم والمرة الثانية حطهم له بدون الحب الشمسي
وهذي الطريقة هي اللي اتبعتها مع وديع
والحمدلله الحين ياكل كل شئ
وبالتوفيق لك ان شاءالله

[PINK COCKATOO]

ما اهو افضل نوع و اي نوع تفضله انت للطير ..؟!

ماتفرق ,, بس اهم شي يكون غير مملح ..

فمادري هل شكله بس جذي و لا اهوا صج مفيد ؟!؟!

لآ ,.,اكيد افضل لانه منوع وفيه بعضهآ فيه يكون فواكه مجففه وفول سوداني وذره وانواع حبوب ثانيه ..

فهل اخليه ياكل كله حب شمسي او انوع له و اشلون اخليه ياكل فواكه او غيره .. ؟

نوع له وحط له فول سوداني لانه كل الببغوات تحب الفول السوداني ..
ومن فترهـ لفتره حطله ذره مسلوقه , وجرب الخس والجزر ..وكل فتره حطله نوع عشآن مايمل
وايضآ البسكوت (بسكوت الشاي الساده) واحيآنآ خبز < كلهـا قطع واحدهـ وكميه بسيطه ..

وايضآ في المحلاات يبعون فواكه مجففه مع حبوب منوعه وتخلطها هي والشمسي والفول السودآني وتحطهم بعلبه مثلآ وكذآ راح يتعود ..

[A.AlYousifi]

مشكورين اخواني و ان شاءالله اسوي الي قلتولي عليه ..

و الله يعطيكم العافيا ..