منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
 |
|
|
أدوات الموضوع | إبحث في الموضوع | طرق مشاهدة الموضوع |
15-02-2008, 09:47 PM
|
#1 |
|
هاوي نشيط
|
أهم شئ أنا أحبك (واقعية)
هذي قصة واقعية أبطالها طرفين الأول : دانـــــــــــــــــــهـ الثاني: خفووووووشي حبيت أرويها لكم بأسلووووبي الخاااص ,, وإن شاء الله تعجبكم : ( لحظات مرت أو أيام المهم إنها فترة من العام الماضي .. 1428 هـ ................... أحب الحيوانات الغريبة ..أتشجع أمسكها أحب أصلح معاها صداقةحميمة ..على الرغم إن البيت كله يخاف من حيواناتي ..حتى أبوي الغالي يتقرفففففف من شوفتها وكلكم تشاركووني هالهواية.. وقصتي تبدأ من هنا : واحد من أقاربي يمووووت في القنص ..ما يهمه الوقت ربيع أو صيف ..يحب يحمل البندقية ويمشي لو ما يلقى شئ المهم يمشي يطلع جبال وينزل أودية..وهذا حاله كل ما فضى ويوم من الأيام لقي له  إيه خفاااش .. وعشانه كان يعرف هوايتي قرر إنه يمسكه لي أنا ..وبالفعل أعطاني إياه.. وكنت طاااايرة من الفرح ماني متصورة إنه الخفاش اللي مانعرفه إلا من أفلام كرتون يعيش عندي .. في البداية كنت محجمة عن مسكة وظل حبوووبي بين أصابع القناص حتى أعطيته علبة مفتوحة من الأعلى .. ورماه بداخلها ..لتبدأ مهمتي في حضانة خفوووشي الصديق الجديد .. وكان أول عمل هو أني وضعت طبقة من (التل) على فوهة العلبة عشان يقدر يتنفس وكمان عشان يعقلق رجليه عليها (لأنه يتنكس زي ما إنتوا عارفين) ........................... خفوووشي كان صغير جدا ماتصدقون كان أصغر من الإصبع .. أنا ما أدري هل هذا هو حجمه في مدينتنا..أو إنه توه جاي على الدنيا ؟؟! المهم إنه صار ملكي .. وكمان كانت عيونه صغيرة جداجدا بحجم حبة البركة تقريبا .. ومن رأسه وحتى أخر ظهره يغطيه وبر ..بصراحة لأول وهلة كأنه فار صغير .. أما رجليه ويديه وذيله فكانت عبارة عن عظام رفيعة جدا يغطيها جلد رقييييييييق جدا من شدة رقته كان فيه ثقب ثم إتسع..يعني سهل تمزيقه.. وفمه عبارة عن فكين نحيفة ملييييييئة بالأنياب الحادة ,,,أسنانه كانت كلها أنياب ما فيها قواطع ولا أضراس .......... أول ليلة كان طول وقته كأنه مرهق أو إنه يبغى ينام وأزعجته قبضة الصياد .. أو يمكن تعبان ..ما أدري ؟؟!! كان طايح في قاع العلبة مو راضي يتحرك .. في البدايه كان الجميع مهتم فيه ويرصد شكله .. لكن تململة من الحركة رماهم بالملل فانصرفوا ..ليبقى بين يدي في بيته الجديد.. ............ لكن واجهتني مشكلة ...إيش راح أأكله ؟؟!! سألـت ..بحثت في النت ..ما لقيت إجابه .. فاضطريت أتركه بلا أكل .. وجلس على هذا الحال من العصر وحتى صلاة الفجر من الغد ... لأني كنت عطشانة ولما شربت المويه جا في بالي أسقيه مويه .. وبالفعل أخذت العلبة ونكستها حتى إنقلب وصار متعلق في سقفها ثم عدلتها ليكون على هيئته المعروفة وبعدين أخذت قطرة من الموية برأس أصبعي ووضعتها على طبقة التل اللي هو متعلق عليها .. ولاحظته يلحس الموية بلسانة... ولأنه كان عطشان كان يلحسها بشراهه .. إضطريت أحط قطرة ثانية وثالثة حتى توقف عن الشرب .. الحدلله عرفت شئ عن عالمه ..إن شاء الله يعيش ......... وبقي على المويه لمدة ثلاثة أيام .. وفي اليوم الرابع ..وكنت وقتها آكل قطعة بسكووت ..فجات في بالي فكرة (ليش ما أجرب وأعطيه بسكووت شاي)؟؟ أخذت قطعةبسكوت وبللتها في موية وحطيتها على طبقة التل .. وكانت المفاجأة ... خفوووشي جالس ياكل البسكوووت!!!! الحمد لله .. وكررت المحاولة ..لكن بصراحة ما كان أكله بشراهة يعني كأنه يقول بس عشان ما أموت من الجوووع .. ............. بعدها بيوم تذكرت العسل .. العسل شفااء وإذا ما ينفع ماراح يضر خليني أجربه وبالفعل حطيت نقطة عسل على طبقة التل ..وكان ياكل بشرااااااهة .. يلحس العسل بلسانة ...ولما يذوب العسل على وجهه يقوم يلحس اللي يوصل له لسان من وجهه.. ............. فرحت فرحت فرحت... الحين إطمنت عليه .. إن شاء الله يعيش ويعتبرني صديقته المخلصة .. هذا هو طموووحي .............. كنت أحب أمسكه بكفي ..ويحاول يهرب فيتسلق أصابعي .. كنت أمسكه بين أصابعي وأطلع بس راسه وأحط نقطة عسل على فمه .. ثم يجلس يلحسها .. والله يا جماعة كان يلحسها بقوة لدرجة كنت أسمع صوووت ضرب أنيابه .. وكان اللي يجلس جنبي يسمع نفس الصوت ,,,أنياب حادة وطعام لذييييذ لا يقاوم (الله يهينة) ............... كنت أحب ألعب معاه ..أحطه على آآآخر البلوزة ويجلس يتلسق حتى يوصل كتفي أقوم أنزله مرة ثانية ,,, وأحيانا أقفل عليه كفي ويحاول يطلع راسه من فتحة صغيرة حتى يطلع ثم يجلس يتسلق كفي ولما يحس إنه الأرض تحته ..كان يفرد أجنحته عشان يطير للأرض لكني ما أخليه يكملها,, على طول أغير إتجاه يدي عشان ينقلب ويتعدل بدل ما يطير .. ............ كان العسل أحيانا يزعجة ..يذووب على جناحة الرقيييق فيلصق في بعضه ولما يحاول يطير ما يقدر ..لكن مع ذلك كان خفوووشي ذكي .. كان يتنكس في العلبه ويجلس يلحس أجنحته حتى تنظف .. وكنت بدوري كمربية حنووووون أمسك منديل مبلل وأفرد جناحه علي ثم أمسح العسل ... ............. كان أبوي الله يحفظة يكررررررررره خفوشي لكنه صابر عشاني .. حاولت مرارا إني أجلس مع أبوية والخفاش على ملابسي ..لكن أبوي يقول ( أبعدييييه عن وجهي) فأقوووم مكسووورة الخاطر .. معليش خفووشي يكفيك إني أحبك ..صدقني أبوي حنووون لكن ........... أما أمي كانت تتحمل تشووفة يمشي ... أحب أعرض قدامها مهاراته البهلوانيه .. يعجبني إنها تسبح الله يوم تشوفه.. ............ إخواني كانوا في البداية متحمسين معاي وكل شوي يجو لغرفتي ويتفقدون خفوووشي لكن مع الأيام طفشوا ونسيوه .. ........... معليش خفوووشي أهم شئ أنا أحبك ............. أما البزووورة كانوا طايرين من الفرح ..كانوا يزعجون أهاليهم عشان يجوا عندنا يتفرجوو على خفوووشي .. صحيح ما كنت أسمح لهم يمسكووه لكن كان يعجبهم بحركاته .. ............... ويووووم من أيام الإجازة وعلى الساعة ثمانية أو تسع صباحا .. صحيت أختي من النوم .. وعشان كل البيت نايم راحت غرفة الكمبيوتر .. تشتغل عليه .. وكنت ذاك اليوم بعد ما صليت الفجر حطيت مويه لخفوشي ثم عدلت التل ..لكن شكلي تركت فتحة صغيرة في حافة العلبة .. المهم في أثنااء ما كانت أختي تشتغل .. ما درت إلا شئ أسود صغير يدور قدامها في الهوااء .. لحظات رعب ...ظنته جني ..قامت تتعوذ وتسمي ...وهي مفجوووعة لكن الجني ما اختفى ... دققت شي إلا لاحظت إنه خفوشي جات تصحيني بسرررررررررعة: قومي قومي قومي الخفاش شرد قمت مفجوووعة... (صاادقة والا تمزحييين؟؟!!) مسكت العلبة نظرت ..لا مو معقول خفوشي شرد .. قولي لي فييييييين ؟؟ ورحت معاها للغرفة وجلست أدور فينك يا خفووشي الله يهيدك كذا تتعامل معاي ؟؟!! ولقته متعلق على الستارة مسكته ورجعته للعلبه ...خفوشي الله يخليك لاتعيد هالمزح مرة ثانية إحنا أصحاب .. تكفى لا تفشلني .. ............... ويوم من الأيام ويزعل مني آآخر العنقوود ..الله يصلحه .. دلوووع قام يبغى يستفزني ...أخذ علبه خفوشي وخباها .. وجلست أراضيه حتى سامحني ... ورجع لي سالم و الحمد لله معليش خفوشي أهم شئ إني أنا أحبك !! ................. وعشنا أنا وخفوشي أيام عسلية ... ما كان ينغص علي إلا كلام خواني ...كانوا شغالين تأنيب ولوووم (حرم عليك إنت تجنيين عليه .. إتركيه في حاله .. )ومن هالكلام في البداية كنت رافضة تمااااما ,,,لكن بعدين رجعت أفكر زين ...لقيتهم على حق يعني لازم أطلق سراح خفوشي .. معقول نتفارق؟؟!! معقول يمر يوم ما أشوفة ؟؟!! يالله.. اللهم أجرني في مصيبتي واخلف لي خيرا منها .......... جمعت إخواني (كلهم أصغر مني ) وأعلنتحرية خفوشي .. وطلعت السطح وأعينهم ترقبني .. مسكته ضميته ..ثم أبعدته على أرطاف أصابعي ورفعت يدي فووووق ورميته ,, لكنه طح على الأرض ..ما قدر يطير,,, حاولت وحاولت حاولت .,,, لكن النتيجةوحده ..ما يبغى يطييير شفتوااا هو يبغااني ..لكن الجواب اللي كان يتردد (لا يمكن إنت نسيتيه الطيران ) معاهم حق لكن هذي حيلتي.. نزلت لأمي وخبرتها ,, وجا جوابها أبررررد مايكون : الحمدلله إنت صلحت اللي عليك غير كذا خذيه واهتمي به حتى يأتي أمر الله شكرا أمي خففت همي ................... هذي الأحداث كلها كانت في ظرف ستة أيام فقط .. وفي عشية اليوم السادس قررت أأكله رطب ..حتى الرطب من الأطعمة الونبوية .. أخذت رطبه وقشرتها من أسفلها وخليته ياكل لبها ,, كان ياكل بشراااااهة فرحت الحمدلله ..لقيت طعام ثاني ياكله مع العسل ..خليه يغير شوي ............ ومن البكرية وبعد ما صليت الفجر وتفقدته كالعادة وحطيت له المويه والعسل .. ثم رحت أنام صحيت قبل الظهر بشئ بسيط ..قمت على طول ورحت أبغى أحط له مويه ..لكنه ما شرب غرييييب!!! حركته ..حركته ..نثرت المويه على وجهه .. لكنه ما تحرك خفوووشي إصحى ...قوم أفطر إنت جيعان لكن خفوووشي ما يرد ولا يتحرك حسيت قلبي ينبض بعنف ..لالالالا مو معقول .. فوووشي نااايم أذن الظهر خليني أصلي وبعد الصلاة أأكله أكيد تعبان ويبغى يشبع نووم صليت السنة ويوم سلمت مسكته وحركته ..لكنه ما تحرك فتحت العلبه ..معليش خليه يطير شوي أهم شي يتحرك (غريق يتعلق بقشة) وقمت وصليت لكنه ما تحرك ولا إهتم بالباب المفتوح!!! يمكن أخذته كبرياااء ..يمكن يبغى يتغلى علي!!! يالله معليش ..نراعي كبرياءك ... أهم شئ إني أحبك مسكته بين كفي .. لكنه ما حاول يهرب كالعاة فتحت فمه بأصبعي ..لكنه ما قاوم لالالالالالالالالالالالا خفوووشي ... لاتقووول خفوووشي إنت حي صححح؟؟؟! إن كانك تبغى تتغلى ترىوالله غاالي ... قوم الله يخليك!! نداءات يااااائس ... خفوشي إنتهى ,,كان لازم أعترف كان لازم أروح أصرخ ..أبكي لكني تماسكت ,,ما ادري ليش ؟؟!! حسيت ما أبغى أحد يقول ماااااات أنا ما قدرت أقولها ,,ما أبغى أسمعها ......... كمات صلاتي ويوم سلمت رحت وجلست جنب أبوية .. تكلم وسولف ..وأنا أحس في قلبي شئ فتحت فمي ونظرت لأمي (أمي : خفوووشي مااااات) لكن أمي بادرتني :الحمدلله ما قصرت معاه .. أبوي عزااني ..إخواني كلهم حولي ..صحيح ؟؟!! إنا لله وإنا إليه راجعون,,, مسكت الجوال..وكتبت رساله (نعي للخفاش )وأرسلتها للحبايب اللي كانوا دارين عنه .. وما هي إلا دقائق حتى جات رسايل التعزيه (أحسن الله عزاك ) ..................... قام آخر العنقووود وأخذ علبه خفوووشي وهو نايم بداخلها ...قرييير العين ... ورماها ... وداعـــــــــــــــــــــــــــــــــــــــــــــا خفوووووووووشي
__________________
|
|
|
15-02-2008, 10:08 PM
|
#2 |
|
محترف
|
رد: أهم شئ أنا أحبك (واقعية)
قصه جميله جداً .... |
|
|
|
15-02-2008, 10:53 PM
|
#3 |
|
محترف
|
رد: أهم شئ أنا أحبك (واقعية)
__________________
(مـــــــــــــــــ كثر غدر الاصحاب زاد احترامي للكلاب ــــــــــــــــــن)
((ilove u pit bull)) |
|
|
|
15-02-2008, 11:42 PM
|
#4 |
|
هاوي نشيط
|
رد: أهم شئ أنا أحبك (واقعية)
الشنو مشكوورين إخواني على هالمروووور ومقبوله تعازيكم ههههه
__________________
|
|
|
|
16-02-2008, 12:05 AM
|
#5 |
|
عضوية شرفية
|
رد: أهم شئ أنا أحبك (واقعية)
والله قصه روعه وعشت معاها بكل كلمة ,,, حتى يوم وصلت عند الجزء يوم طار .حطيت ايدي على قلبي خفت انه طار عنج ...
ويوم كملت وقريت انج مسكتيه مره ثانيه قلت الحمدلله ويووم وصلت عند الجزء انه مات عورلي قلبي بس الواحد يقول قدر الله ماشاء فعل ..... وانتي جزاج الله خير على الاعتناء فيه.... وربي يعوضج خيير....... على فكرة انا الخفاش ماحب شكله (استغفرالله) بس من وصفج في القصه تصدقين خليتيني اتشوق اني اشوفه مرة ثانية ..وخليتيني اعيش معاج كل لحظة... اسلوبج حلوو  ان شاء الله نشوف منج قصة ثانية...  وتسلمين على مشاركتنا القصه الحلوه ....
__________________
إن نَسَيْتُم لستُ أنســـى ماضيـــاً ما غــــاب عنّي ..! |
|
|
|
16-02-2008, 12:16 AM
|
#6 |
|
محترف
|
رد: أهم شئ أنا أحبك (واقعية)
__________________
مستر زوو |
|
|
|
16-02-2008, 12:53 AM
|
#7 | |
|
عضوية شرفية
|
رد: أهم شئ أنا أحبك (واقعية)
اقتباس:
انا مع تفااحه يسلموا دندن 
__________________
لا تقارن نفسك مع أي شخص في العالم, ان فعلت ذلك فانك تهين نفسك ..
|
|
|
|
|
16-02-2008, 01:44 AM
|
#8 |
|
هاوي متميز
|
رد: أهم شئ أنا أحبك (واقعية)
القصه ما شاء الله عندك اسلوووب في طرح قصتك تحمست كثير |
|
|
|
16-02-2008, 07:34 AM
|
#9 |
|
هاوي نشيط
|
رد: أهم شئ أنا أحبك (واقعية)
مشكوورين إخواني أسعدتني تعزيكم ( باعتبار مروركمر تعزية ..................... أخوي مستر زوو شكرا على هالنقد البنااء ومعاك حق أنا ما فكرت أتكلف اللغة العربية ,, لآنها أقرب للهزل منها للجد .. مشكورين جميعا
__________________
|
|
|
|
16-02-2008, 12:24 PM
|
#10 |
|
هاوي فعال
|
رد: أهم شئ أنا أحبك (واقعية)
انا الصراحة حسيت كاني كنت معاكي يعني شرحتي حتى التفاصيل..
__________________
|
|
|
|
| Bookmarks |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
جميع الأوقات بتوقيت GMT +3. الساعة الآن 06:59 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |