الفزعة سلومي مريض

[salom]

انا هاوية جديدة عليكم.............. كاسكوي مريض ومالة خلق عينة وحدة تدمع وفتحة خشمة وحدة شبة مسدودة ويخرخر شوي................امعور قلبي وااااااااااااايد ما يتكلم وماينادي حد ولا يصفر وكلة نايم .............حد ايرد علي الله يخليكم بسرعة......

[مجنون الهامستر]

هذه الحالة صادت الكاسكو الي يملكه احد اقاربي وهذي الحالة تجي في مرحلة تبديل الريش وفي مرحلة تبديل الريش يصير لهم اكتآب لكن بعد هذه المرحله يصيرون عادي

[احب الأفريقي]

هذا سببه كان تقريبا معرض لهواء واصبحت الجيوب الانفيه مسدوده مما تاثر على العين
انصحك تذهبين لدكتور بيطري وباذن يتعالج يدقه ابرتين ويصبح انشاء الله تمام
اصابة هذه الحاله طيري وعالجه البيطري بابرتين وجلس ثلاث واصبح ماشاء الله طبيعي
الحق عليه قبل ان تلتهب

[salom]

مشكور اخوي مجنون الهامستر على ردك بس ما اتوقع انة ايغير الريش لانة مريض........اكرر شكري.

[salom]

والشكر موصول لك اخ اللي تحب الفريقي..انا وديتة البيطري وعطاة اربع ابر بدل اثنين والحين عطاني دوا شراب مرتين في اليوم ..وباجر آخر يوم وما احس انة اتحسن بعدة ما يتكلم وانا اللي اتعودت اصحى على صوتة وينادي كل اللي في البيت........والله قلبي ايعورني علية

[ماسي]

بسسسسسرعه للبيطري

[guitara]

هذا اكيد لافحه تيار او هوا بارد يمكن من المكيف !!

قد صار لي نفس الشي ووديته البيطري وعطاه ابره ..

انصحك تودينه البيطري لان الكاسكو حساس ومناعته ضعيفه وممكن يتطور المرض وتسوء حالته !!

[salom]

مشكورين على ردودكم اللي حسستني ان قلبكم عوركم على سلومي مثل ما امعور قلبي...........اليوم نادي شوي كم اسم بس بصوت تعبان مش مثل قبل الصوت اللي حتى الاصمخ يتصمخ..........علي فكرة اسمة سلوم ....هو وصلني هدية ومن وصل وهو يقول انا سلووووووووم.....حاولت اغير اسمة بس ما كان ايرد علي الا اذا ناديتة سلوم ................بصراحة ما اتخيل البيت من غيرة بعيد الشر اذا صار فية شي.......ادعولة يطيب...واكرر شكري للجميع