جات الحزينة بتفرح ,, ما لأتلهاش مطرح !!!!!

[دانــــــــة]

كان يا ما كااان في قديم الزمان وسالف العصر والأواااان :

كان فيه جزار طول يومه في المحل وهو عاايش بين جثث الخرفاااان ,,
معلقة قدامه ,, يقطع منها للزباين والباقي يبقى معلق ,,
وهذا حاله من شروق الشمس وحتى غروووب ,,
وكان على أعتاب المحل واحد يرااقب الخرفان المعلقة (بسة أو قطوة )الفقر في وجهها ,, جيعاااانه بس طموووحها عالي !!!
ما تبغى توونه ,, ولا ( جيري ,,فاره ) , ما تبغى إلا لحمة خروووف من اللي تشوفه قدامها !!!!
من أول ما يفتح الجزار المحل وهي مرابطة عند الباااب يمكن يحن عليها ويرمي لها عظمة ,,
أهو برضو العظمة طعااااام !!!!
ميو ميوو ميووووو
لكن الجزار بخيل وقلبه قاااسي ,,حتى العظم ما هان عليه يتصدق به على هالضعيييفة !!!
وفي يوم من الأيام جات حرمة واشترت قطعة لحم من عند الجزار ,,
البسه حسست إنها محتااارة بين أمرين أحلاهما مرررر !!!
إما تيئس من الجزار وتتركه وتلحق الحرمة يمكن ترمي لها عظمة والا حتتين لحمه !!!
وإما تطنش الحرمة يمكن تتوها عن محل الجزار ,, وبعدين لاجزار ولا لحمة ,,
لكنها في الوقت بدل الضاايع ,, قررت إنها تغاااامر وتلحق الحرمة ,,
يعني ممكن تحن عليها شوي !!!!
وصارت الحرمة تمشي وتقطع الشوارع متجهه لبيتها ,,والبسة الضعيفة تلحقها ,,
حتى وصلت بيتها ,,
دخلت المفتااح ,,فتحت (الأُكره ) لحقتها البسة بسررررررررعة ,,
لكن ست البيت قفلت الباب مباشرة ,,
البسة حست بخيييبة :
هذا اللي جنيته على نفسي !!!
الحين وإيش خلاني أطارد الحريم ,, ما يجي من ورااهن خير ( هذي مبالغة من البسه مو مني !!! )
يالله خليني أشوف آخرتها مع بنت الحلال ,,
يالله على بااابك ياكريييم ,,
ميوو ميووو ميوووووووووووو
................................
ست البيت راحت تطبخ الحمة ,,لكنها للأسف ماتعرف تطبخ طبخها أي كلام ,,
حطت اللحمة في القدر ,,وبمجرررد حست إنه تغير لونها ,قالت خلاص جهزت الطبخة ,,
ورمتها في الصحن ونااادت عريس الهنااا ,,
تعال حبيبي الغدا ينتظرررك ,,
وعريس الغلفة أكل منها كم لقمة حس الموت قدامه قام ,,وقف وقال :
عليك بالعافية يا عرووسة ,,
ومن يوم راح .. قشت اللحمة في كيس وقالت :
فلاااااااااان : أنا رايحة لأمي ,,مشتااقة لها ,,
وهي تبغى تصررف لحمتها ,,!!
المهم فتحت الباااب ,,
والبسه جاالسة قدامه ,,
ومن يوم إنفتح وهي عينها على الكيس ,,
لحمه ,,إلا أنا متأكدة لحمه ,,هيييييييييييييييييييييييييييه !!!
وراحت الحرمة تمشي باتجاه بيت أمها ,,
والبسة وراااااهاااا,,
حتى وصلت دقت البااااب ,,أمي تفضلي هدية بسيطة ,,
فتحت العجوووز وأخذت اللحمة ,
وحاولت البسة تدخل لكن حظها ,, نحسسسس ,,
العجوز عندها حساسية من البسوووس ,,
قامت قفلت البااب على طووول ,,
وظلت بسبوووسة وااقفة على الأعتاااب ,,
ميوو ميوووو ميووووووو
العجوز أكلت كم لقمة من اللحمة ,, لكنها لقتها (نية ) قامت فتحت الشباااك ورمتها ,,
(إسراااف ,,بس مو مشكلة فيه فقراء برى ينتظرونها !!)
البسة ,, مو معقووول اللحمة بكبرهااا قدامي ,, ولي أن وحدي!!!!
لا لا لا مو معقووول ,,,
وركضت بسررررعة بتاااخذها ,,لكن
لكن
كان فيه كلب من بعيد شاف اللحمة وطمع فيها !!!
هو هو هو هووووووووووو
خافت البسة وقالت : الروووح وحده خلني أشرررررررررررد أحسن !!!

ولما جاء الكلب وأخذ اللحمة وعضها بفمه ,,
قطع الطريق بيروح ياكلها في بيته ,,
لكن الأجل بالمرصااااد !!
صدمته سياااارة ,, وماااات ,,
وطـــــــــــــــــــــاحت اللحمة ,,
بسبوووسة كانت ترااقب عن بعد !!!
سبحان الله ,,, رجعت لي اللحمة !!!
وراااحت جري هجوووم عليها ,,
وأكلتهاااااااااااااا
بالعافية بسبوووووسة ,,
كل أعضاااء منتدانا فرح لك !!!
,,,,,,,,,,,,,,,,,,,,,,
هذي قصتي ,, صغتها بأسلوووبي الحلووووو (والا إيش رااايكم ؟؟!!!)
أعجبتني لأنه فيها درس ,,
( إعلم أن ما أصابك لم يكن ليخطئك ,,وما أخطأك لم يكن ليصيبك )
............................
فلما طلع الصبــــــــــاح
وكف الديك عن الصيـــــــــــــــــــاح
ومات الكلب عن النباااح (زيادة من عندي !!)
سكتت شهرزاد عن الكــــــــــــــــلام المبــــــــااح !!!