.؛" لعبة قوس قزح rainbow toy "؛.

[رعوود]

هايوز

شبخاركم؟

ان شاء الله تمام

×=×=×

اليوم معاي لكم موضوع

جميل وبسيط لكيفية صناعة لعبة جميلة لطائرك

وجاتني الفكرة بعد ما شفت صور احدى الالعاب للطيور



وعجبتني ومع الوقت فكرت وجتني طريقة

لكيفية صناعة لعبة شبيه

بادوات بسيطه وقررت اسمها لعبة قوس قزح

اتمنى تعجبكم

نبتدي

بسم الله

×=×=×

اولا: شو نحتاج :

×=×=×



كمية من اعواد الخشب
وانا استخدمت اعواد الايس كريم

[ طبعا تعرفون رعوود مدمن ايس كريم فراولة ^.^ خصوصا كواليتي وكل مره الجمعية تجيب ملاعق الخشب واتركها فقلت استفيد منها ]

×=×=×



الوان

[ الافضل استخدام الوان الطعام ]

×=×=×



خيط متين

[ بالامكان استخدام خيط السنانير مالت الصيد ]

×=×=×



ازرار
عدد 2

[ الله يخلي الدشداشه ما تقصر كلها ازرار ^.^ ]

×=×=×

وبالاخير ابره لكن ما قدرت اصورها

لانها ما تطلع واضحه

×=×=×

ثانيا: خطوات العمل :

×=×=×



نلون اعواد الخشب

بالعدد الي تحب

باللون الي تحب

×=×=×



بعدها بواسطة الابره نثقبها

بعد تحديد النقطة الي تحب

[ الطرف \ النص ]

×=×=×



نربط احد الازرار

بطرف الخيط

وندخل الاعواد لما تنتهي

ونرد نربط الطرف الثاني بالزر الاخر

×=×=×

النتيجه النهائية

[ طبعا نترك الخيط من الطرف الاخر عشان تعلقها بالقفص ]







وما ننسى نعقمها ببخاخ ديتول

مثل ما ذكرت الاخت FiFi

في موضوعها الخاص بصناعة العاب الببغاوات

×=×=×

وفي الختام

اتمنى اني قدرت افيدكم

واستمتعتو بالموضوع

وصحيح مو بنفس الاتقان والشكل

لكن لما تسوي الشي بايدك تحس له معنى ^.^

وعلى فكرة !

انا استخدم اقلام الفلوماستر لانه ماعندي طيور بستخدمها عليه

والافضل تلونها بالوان الطعام لانه الفلوماستر بس يجي عليه ماي

راح يطلع اللون وبالامكان يسبب تسمم للطائر

وبانتظار تطبيقاتكم ^.^

×=×=×

تحياتي

r3ood

بايوز

[Capt.HuSsEiN]

فكره جميله جداً و طريقه رائعه
الله يعطيك العافيه اخوي رعوود
و شكراً جزيلاً عاللعبه الحلوه

[LiLi]

المبدع رعوووووووود

صراحة صراحة فكره جدا راااائعة



و أدوات اللعبة متوفرة لدى الجميع

بس إلي ما يأكل ايس كريم كل أسبوع راح يتوهق أشوي

أعجبتني اللعبة و شكلها جميل و مبهج بالألوان

و إن شاء الله راح أعملها ( بس أول أحصل أعواد خشب الايس كريم )

و الله يعطيك ألف عافية يا رعوووود

[بحريني]

ما شا ءالله علييك اخي رعووود بصرااحه ابداااع في كل شي ونشييييط في مواااضيعك وربي يوفقك ويوفق الجميييع يارب ......

تحـــــــ بحريني ــــياتي

[sherazya]

فكره حلووووه و غريبه


الله يعطيك الف العافيه رعوود

[رعوود]

اخوي Capt.HuSsEiN

الله يعطيك الف عافيه

على هالمرور الجميل

.,.,.

خيتو LiLi

والصراحه مرورك جنان

واذا تحبين انا اكل الايس كريم عنج

خخخخخخخخخخ

او لو توصين عاللعبه حاضرين للطيبين

وتشكرين على هالمرور المنور

.,.,.

اخوي بحريني

ومرورك ابداع اكثر

تشكر عليه

والله يوفق الجميع

.,.,.

اختي sherazya

الله يعافيك

وتشكرين عالمرور الحلو

[بادجي المغرب]

جميلة هده الفكرة والله

[sayko]

شكرا على الافكار الجامده