استفسار عن الماكاو

[3mary]

السلام عليكم اخواني وخواتي ..
صباح الخير اذا كان صباحا و مساء الخير اذا كان مساءا
عدت اليكم بعد غيبه طويله بسبب ظروف العمل ..

وعندي استفسار عن سعر طائر الماكاو ..

تبون الصراحه انا بغيت اسأل عن السعر مع اني على علم بسعره لكن حبيت اشوف الاسعار اللي بتعطوني اياها ..

طائر ماكاو لم يتجاوز عمره السنه ..

احد الاصدقاء يريد بيعه وانا حاب اني اشتريه ولكن حبيت اسألكم عن السعر المناسب ..

انتوا عطوني رايكم وبعدين بقولكم الريال كم طالب في بعد الوسطه وبعد ما دخلت شخص يعرفه في الموضوع ..

شكرا لكم

[guitara]

سعر المكاو عندنا بالسعوديه غير عنكم اذا انت بالامارات

عندنا بيكون في حدود 4000 الى 6000 اذا بلو جولد و 10000 اذا سكارليت

بس بالامارات بيكون اغلى حروه ال 10000 للبلو جولد هذا اللي اعرفه


ولو يجاوبون اهل الامارات بيكون احسن هم أبخص بديرتهم

[3mary]

يعطيك العافيه يا خوووي ..

انا دايما موجود في الشرقيه وكنت بشتري من عندكم واحد بس خوفي انه ما يطوفونه من الحدوود .. هذي هي مشكلتي الوحيده ...

ويعطيك العافيه اخووي

[guitara]

اهو صج الحدود صايره مشكله لنا كلنا

بس اكو طرق يمديك تفوت الطير مم خلالها مو صعب يعني بس خلك ذكي وبتعدي

وترا دايما التفتيش عند الجمارك على العوايل يكون اقل بكثير يعني ماكو مقارنه صراحه اذا كنت لحالك او مع ربعك

انا لما اروح البحرين مع الاهل ما عمرهم فتشوا بالسياره على عكس لما اكون لحالي

بس اذا انت عزمت تشتري من خارج الامارات لا يردك الا سوق واقف اللي بالبحرين

اسعارهم تغري صراحه

[3mary]

مشكوووور اخوي وايد على الرد .. وانا اصدقائي السعوديين خبروني ان في البحرين ارخص ولكن المشكله ولا احد فيهم يدل سوق الطيور في البحرين ..

قلتي اسمه سوق واقف .. بس وين مكانه بالضبط في البحرين يعني قريب شو بالضبط اذا بحطه في جهاز الجارمن .. واذا سرت بغامر وباخذ واحد الصراحه وبجرب حضي واذا صادروه لا حول ولا قوه بعد شو بدنا نعمووول .. بس ان شاء الله الامور طيبه بتكون ..
بس اخاف اعدي من حدود السعوديه البحرينيه وما اعدي من السعوديه الاماراتيه .. خخخخخخ ..
شكله بيكون ساكت طول الدرب وعلى الحدود بيسوي لنا حشره ههههههههه

[guitara]

العفو ياخوي هذا واجب ..

سوق واقف ياطويل العمر تحصله في اول مدينه حمد

واكو محل اظن اسمه الدانه او شي <<< ياليت أهل البحرين يأكدون لي

تحصل فيه مكاو محجل وبسعر رخيص جدااا مقارنه باللي عندكم وعندنا بس تاكد ان حجله اصلي

لانه يلعبون فيه يعني لو حصلته ملّحوم او مو مغلق 100 &#37; اعرف انه نصاب لان البحرين معروفه فيها

شغله تزوير الحجول واعادة تصديرها لباقي دول الخليج <<< الله يهديهم


اما على سالفه اذا صادوك الجمارك اللي على الجسر بيخلونك ترجعه محل ماجبته منه عشان كذا

أشرط على راعي المحل انك تقدر ترجعه لو ماعدى من الحدود ... يعني نفس اليوم

واحسن طريقه تعديه فيها انك تحطه داخل كرتون هدايا وتفتح له فتحات يتنفس منها ونقول يارب يعدي

[3mary]

والله فكرت كرتوون الهدااايه جيده الصراحه .. وشكلها بتمشي ههههههههههههههه ..
بس الفضيحه اذا سوالنا حشرع غلى الحدووود .. ولا يبالنا معطيه بنج لمده ساعه لين ما نطوف الحدود بس هههههههههه

بنحاول وبنشوف واذا صار بخبركم بالسالفه .. بشوف متى اقدر ارووح البحرين بالسياره ويصير خير .. بتوصلكم العلووم .. بس ادعولي انتوا ههههههههههههه

[guitara]

بالتوفيق أن شاء الله ...

[TIGER]

هلا اخوي حياك الله وحي الله أهل الإمارات كلهم ,,,

لا ماعليك خذها من عندي إذا حطيت الطير بمكان مظلم ماراح يصارخ وبالذات المكاو لو أفريقي يمكن المهم لا ينكتم واجد والله لله خذ له علبة هدايا حلوه وواسعه شوي

وبالتوفيق ,,
فواز ..