ممكن تساعدوني :) مبتدئة

[kitten_Q8ia]

أخواني شلونكم ؟!
هذي اول مشاركة لي بقسم الببغاوات و اتمنى تساعدوني
انا بصراحة شفت المواضيع عن الببغاء الافريقي اللي يصير لونه رمادي و ذيله احمر
بصراااحة وااااايد حبيته و ودي اربي واحد
ودي اربي فرخ صغير يصير ولا لأ ؟! لان ودي اعوده علي و اخليه يصعد على ايدي
و ابي اعرف يبيعون مثله بسوق الحمام بالكويت ؟! و شلون اعرفه اذا صحته زينة ؟! و جم يكونسعر الفرخ و سعر الكبير ؟! شلون اعرف اذا ذكر ولا انثى ؟! و يقدر يعيش بروحة وحيد و لا اشتري زوج ؟
مشكووورين و ما قصرتوا و اسفه عالازعاج

[hassan maroc]

اهلا ومرحبا اختي .انتي لسه مبتدا في هدا المجال لدى لاينفع ان تربي فرخ صغير.لانه يبي له عناية كبيرة واحترافية.تقدرين تاخدين ببغاء يكون عمره 8 شهور. ويكون اليف شوي راح يوالفك ويتعلم بسرعة منك.بالنسبة للرفقة الببغاء الرمادي لايحتاج رفقة يكفي ان تحسسيه انتي بالبهجة فالانسان احسن رفيق له.اما بالنسبة للجنس فهدا لايمكن تحديده الا بتحاليل مخبرية.وليس بالعين المجردة .وارجعي اختي الى المواضيع المتبتة راح تفيدك كتير بالنسبة لختيار الببغاء الرمادي.بالتوفيق اختي.

[فتفوته]

هلا فيك أختي كيتن
اخونا حسان كفى ووفى بالاجاية على سؤالك
والله يوفقك بالشراء

[ساندي بيل]

هلا اختي
كل شي ينباع بالكويت لا تخافين وانا مع الاخ حسن لا تشترين واحد صغير وانا عندي كبير من اسبوعين لي الحين مو مروضتها
واتمنى انج تكونين احسن مني
والله يوفقج

[بوصلاح]

موجود اختي بسوق الحمام وتحصلين فروخ والفرخ بالسوق على 170 و 180
والكبار على 300 على 200 على حسب الطير
ومافي مشكله اذا خذيتي واحد كافي جو البيت يستانس
و ان شاءالله قدرت افيدج

[بوصلاح]

وعلى طاري موضوع اذا تبين تعرفين انه ذكر ولا نثيه هذي صعبه اشوي
سمعت والعهده على الراوي انه بتحليل الدم تقدرين تعرفين جنسه
وبالعكس تربيه الفروخ حلوه مو صعبه
لانه الفروخ اللي بالسوق مو صغيره وايد اللي تحتاج مجابل