مشكلتنا نحن مربي القوارض

[ديناصورة]

السلام عليكم ورحمة الله وبركاته، كثير ما يعاني مربو الحيوانات من المشاكل، وبالأخص مربي الزواحف والثعابين والقوارض، وبما إني فتحت الموضوع في قسم القوارض فرح اتكلم عن القوارض، أنا ما قعد أتكلم عن أي مشكلة، مو مشكلة شرب أو أكل القارض، أو حتى مشكلة القفص أو العلاج ... إلخ، إنما أقصد هو كلام الناس عنا ..... والي أعنيه هذا :

لما تفكر تشتري قارض رح تحصل الردود التالية :
" شنو هو القارض ؟؟!! (( على حسب الي تبي تشتريه )) "
" شنوو ؟!؟! هذا فار !!! "
" تبي تشتري فار ؟؟ ههههههه "
" تبي تييب وصاخة في البيت ؟! ناوي تذبحنا انت بالامراض " ........ إلخ .

لما تروح تشتري قارض من المحل رح تحصل الردود التالية :
" وع شنو هذا ؟؟ فار !!! "
" وع شكله مقزز وع وع "
" هههههه تخسر فلوسك علشان فار ؟ ما عندك سالفة "
" وايد متأثر بالرسوم بصراحة " ....... إلخ

لما تلعب مع القارض وتهتم فيه وتعطيه أكل رح تحصل الردود التالية:
" والله ما عندك سالفة تقضي وقتك على هالخرابيط "
" ياهل انت مجابل هالوصاخة هذي ؟؟ "
" عقلك صغير حيل ... متى تكبر عن هالسوالف "
" فلوسك طايرة على أموره !!! اصرف علي بدال لا تصرف عليه " ....... إلخ

ولما يموت قارضك تحصل الردود التالية:
" ويه مات ارتحنا منه ومن وصاخته "
" من صجك تبجي علشان هذا ؟! "
" زين زين يا آغووو رح أشتري لك واحد ثاني ههههه "
" هذا حيوان يموت ولا أحد يسأل عنه ليش انت مو صاحي تبجي علشانه ؟! " ....... إلخ

أظن عرفتو شنو أقصد من هذا كله وانا وصديقاتي سواء من الحياة أو من النت عانينا من هالمشكلة ومن كلام الناس من الأهل والأقارب وبعض الأصدقاء وانا متأكدة 100% إنكم عانيتو من هالشي بعد ... مادري ليش نتلقى كلام مثل هذا مع ان القوارض حالها حال أي حيوان، والشي الي خلاني أتعجب أكثر إن من جم يوم شفت موضوع في النت عن بنت تستفسر عن تربية الهامستر فقالو لها إن تربية الهامستر حرام و الموضوع مع إنه قديم من 2006 !! وصل لهالدرجة ×_×" التحريم !!!!!!!!! ومبين من الردود بعد إن محد يعرف شنو الهامستر -__- "

الحين ...... شنو تردون على هذي الأقوال ؟؟؟ بالنسبة لي يكون ردي" السكوت " أو " انتو جاهلين في عالم الحيوان " أو " هذي هواية مافيها جنون أو صغير وكبير " ..... فشنو هي ردودكم انتو ؟؟؟

[Hero Z]

اول شي مشكوره عالموضوع وانا لي الشرف اكون اول واحد يرد
اما بالنسبه لي يوم دخلت في بالي فكرت اربي الهامستر امي عارضت وحاولت كل وقت اقولها عنه واشرحلها لين ماوافقت والحمدلله مافي حد عارضني واحين عقب ماشريت الهامستر امي حبته
وانا ماتخيلت ابدا ان الناس اللي يقوللون الهامستر فاار وصخ ماتوقعت ابداً ان يقولون حرام نربيه واكيد بس قريت موضوع انه حرام او لا اكيد هو غير حارم يعني شنو الحرام في تربيته
وانا اقول على هذي الردود انكم جاهلين في عالم الهامستر والحيوانات ومشكوره مره ثانيه

[*_*nalo*_*]

والله لما قريت كلامهم وايش قاعدين يقولوا في ان نترك هذه التفاهات <<<على قولهم وان نتفرغ للعبادة وزيارة الايتام كنت بأشترك بس قلت ليش اتعب حالي وافهم ناس مهم راضين يفهموا وما عندهم اي خلفية وبس كذا كلام فاضي واستعراض مهاراتهم الزائفة

تربية الحيوانات اي كان نوعها وفصيلتها تعتبر هواية وكانت موجودة في زمن الرسول _صلى الله عليه وسلم _ ولو كان كلامهم صحيحا كان من الأحرى ان نترك شراء الكتب سواء كانت مفيدة أو لا ولا داعي ايضا لدخول النت والقراءة من تلك المقالات و المواضيع المفيدة ولا داعي ايضا ان نتابع ما يحدث في العراق أو فلسطين ..فكلها لا تفيد بشيء على حسب قولهم وعلينا فقط التفرغ للعبادة والدعاء على الامريكان وغيرهم من أعداء الدين

فتربية الحيوانات هواية كغيرها من الهوايات وعليهم احترام هذه الهواية كاحترامهم للهوايات الأخرى

يؤسفني قول هؤلاء الجهلة بان تربية الحيوانات انما هو تقليد واتباع للغرب
هل الصحابي _ابو هريرة _ مقلدا للغرب ايضا باقتنائه قطه ؟؟

والله لو بنتكلم لين بكرة فلا فائده

مع احترامي للكل فنحن دائما ما نحترم هواياتهم أفلا يحترمونا

اعتذر اذا كنت قد اخطات في شيء

[البطريقه]

لما تفكر تشتري قارض رح تحصل الردود التالية :
" شنو هو القارض ؟؟!! (( على حسب الي تبي تشتريه )) "
" شنوو ؟!؟! هذا فار !!! "
" تبي تشتري فار ؟؟ ههههههه "
" تبي تييب وصاخة في البيت ؟! ناوي تذبحنا انت بالامراض " ........ إلخ .

لما تروح تشتري قارض من المحل رح تحصل الردود التالية :
" وع شنو هذا ؟؟ فار !!! "
" وع شكله مقزز وع وع "
" هههههه تخسر فلوسك علشان فار ؟ ما عندك سالفة "
" وايد متأثر بالرسوم بصراحة " ....... إلخ

لما تلعب مع القارض وتهتم فيه وتعطيه أكل رح تحصل الردود التالية:
" والله ما عندك سالفة تقضي وقتك على هالخرابيط "
" ياهل انت مجابل هالوصاخة هذي ؟؟ "
" عقلك صغير حيل ... متى تكبر عن هالسوالف "
" فلوسك طايرة على أموره !!! اصرف علي بدال لا تصرف عليه " ....... إلخ

ولما يموت قارضك تحصل الردود التالية:
" ويه مات ارتحنا منه ومن وصاخته "
" من صجك تبجي علشان هذا ؟! "
" زين زين يا آغووو رح أشتري لك واحد ثاني ههههه "
" هذا حيوان يموت ولا أحد يسأل عنه ليش انت مو صاحي تبجي علشانه ؟! " ....... إلخ

والله هلكلام نفس الكلام الي اسمعه من الاهل
والله انه القوارض مظلومة ويقولن عنها وسخه وخصوصا الهامستر
الكل حاط عليه فار وفار يجيب امراض وجرب ومدري شنو

اول ماقلت ابي هامستر قااااااالو نفس الكلام الي كتبيته
اظاهر كل الاشخاص الجهله بالقوارض وجمالها وروعتها يقولون نفس الكلام

قلت لهم دام انتو لايع جبدك من شكله تقولون يشبه الفار بخيله في غرفتي ومالكم شغل فيه
الي يقول لي وإذا صادج مرض منه من بيبتلش وبيتغربل
طبعا قلت لهم انه همتارو مو مثل الفار مناعته ضعيفه ولا ينقل امراض
قالو لي اي يعني قبل مايموت بينقل لنه المرض

ووش هلموضوع الي يسأل هل تربية الهامستر حرام
ليش يعني حرام لهدرجه وصلت الضنون بهمتارو
وش الي فيه همتارو عشان حرام نربيه
بلا شك الجواب غير حرام

[طـــخـــطـــوخـــي]

السلام عليكم

اول شي مشكورة على الموضوع

ثاني شي هذي مشكلة عندنا موجودة بكثرة وهي الافتاء بما لا يعلم والجهل

انا دخلت الرابط وقعت اقرى بعض الردود وتبين ان عندهم جهل كبير والبعض قعد يفتي ويتكلم كلام ماله داعي

على العموم مشكووووووووورة على الموضوع

[new777]

مشكوره اختي على طرحج للموضوع
انا اقول الصراحه ما عندهم سالفه و ما احب المتزمتين في الدين زياده عن اللزوم
هم اصلا ما يعرفون شو الهامستر
و كل وحده تبا تفتي على كيفها
و انا بصراحه ياما كلموني اهليو اصدقائي عن نفس الموضوع الي انتي كتبتيه
و ما اسويلهم سالفه لان انا الشي الي يعجبني و اشوفه صح ما اهتم اذا غيري عاجبه و لا لا
و خلهم يتكلمون بيقولون انا وصخ يا خي لا تمشون معاي انا وصخ
بيقولون انا ما عندي سالفه بعد لا تمشون معاي انا ما عندي سالفه
و الي عاجبه عاجبه و الي مش عاجبه
البيت مليان طوف
اذا انتي تحسين نفسج صح ما عليج من كلام اي حد


(ادري اني مصختها)

و تقبلي مروري و ردي

[أحمد العصيمي]

يعطيك العافيه ديناصوره

صراحه كلنا في الهوا سوا

انا ما رضا ابوي يشتريه لين سويت اضراب عن الكلام

بس للحين اتلقى انتقادات كثيره لكن عشره بقرش ما يهمني


عمي خاصم وهاوش و طلعني اهبل عشان قلت ابي وبران مع ان ولده كان يربيها

لكن سويت عناد واشتريتها

مشكوره اختي وياريت الناس تتفهم هواياتنا

[بسه]

مشكور جدا جدا جدا جدا جدا جدا جدا جدا جدا جدا جدا جدا جدا جدا جدا
جدا جدا جدا جدا جدا جدا جدا جدا جدا جدا جدا جدا جدا جدا جدا

[KsSsA]

مشكووووووووووووووووووووووووووووووووووووووووووووووووووووووووووووووووووووووووووورة

[ديناصورة]

مشكورين على الردود والتفاعل في الموضوع

أخوي Hero Z تسلم على الرد ^_^ شي طيب وجميل جدا ان امك حبت الهامستر ^_^ انا امي للأسف تلوع جبدها منه وتقول مقزز لأبعد الحدود ولما أمسكه في سوقالحمام تزفني وتقول يالله نمشي لوعتي جبدي .

اختي *_*nalo*_*تسلمين على المرور، انا مثلج بغيت أشترك في الموضوع لكن شفته من 2006 فخفت يحطون علي -__-" وأي تفاهات !! تربية الحيوانات صارت تفاهة !! هذي هواية والهواية مافيها عيب بما إنها لا تغضب الله ورسوله !! بالعكس هواية حلوة وعليها أجر وثواب كبير !! وكافي إن احنا لما نقتني حيوانات من المحلات نكون أنقذناها من الحجز والسجن والحرمان الي كانت عايشة فيه !! بس منو يفهم هالكلام للأسف ووايد عندنا يقولون تربية الحيوان تفاهة ومضيعة للوقت ولا أحد يحترمها ومثل ما قلتي عن أبي هريرة رضي الله عنه، محد قاله شي فهل هذا يعني انه تافه أو يقلد الغرب (( استغفر الله على هذا الكلام ))

اختي الحبيبة البطريقة مشكووورة على ردج والله ياختي زهقنا من كلام الناس علينا وعلى القوارض !!! شنو نسوي هذي هوايتنا والله خلقنا وكتب لنا نحب هالمخلوقات هذي فلازم يتقبلون هالشي والواقع والله انقهرت صرت كل ما أييب حيوان أحطه في غرفتي علشان لا يتكلمون، ومسألة إن تربية الهامستر حرام هذي حرقت قلبي استغفر الله صج جهل في عالم الحيوان

أخوي طـــخـــطـــوخـــي شكرا على ردك الطيب ومثل ما قلت جهل كبير في عالم الحيوان للأسف

أخوي new777 تسلم على المرور والرد المشجع وأكيد أنا دامني مو مسوية شي يغضب ربي فرح أكون واثقة من نفسي واكمل مشواري في تربية الحيوانات، ومثل ما قلت لا نهتم لكلام الناس مو عاجبهم كيفهم خلاص لا يقربون صوب الحيوان ولا يتكلمو عنه -_-"

أخوي أحمد العصيمي مشكوووور على الرد هههههه وانت عنيد نفسي اعاند وأسوي الي براسي ^_^ صارت معاي وشريت الوبرات بالعناد والزعل ععععع

اختي بسه الله يعطيج العافية على المرور الطيب والعفوووووووووووو ^_^

أخوي KsSsA مشكور على المرور الطيب للموضوع ^____^