اسئله عن فرخ الكاسكو والله يجزاكم الف خير

[عالم الكوكتيل]

بسم الله الرحمن الرحيم



السلام عليكم






عندي اسئله كثيره و ياليت تردون علي



انا رحت سوق الحمام قبل يومين وكنت ابي اشتري كاسكو بعمر 6اشهر و دورت و دورت وللاسف مالقيت الا اسعار غالي

وعجبني فرخ و عمره شهرين و نص و سعره ممتاز

الي ابيه منكم تردون على اسألتي



1- انا قريت في احد مواضيع الاخوان و مكتوب فيه اذا ربيت فرخ عمره فوق الشهر راح يجعر اذا كبر هل هذه صحيح

2- كم مره اوكل باليوم وهل يحتاج الى ماء

3-شنو المستلزمات الي احتاجها

4-وهل في شي مهم انا ماذكرة


والله يعطيكم العافيه وماتقصرون والله احتاج الى الاجابات هذه في اسرع وقت

و والله ماراح انسا فضلكم علي

و الله يجزاكم الف الف خير

[عالم الكوكتيل]

ياجماعه الله يخليكم ردو علي لني والله بس ناطر الاجابات منكم و على طول راح اشتريه

[hazzz]

اخي الفاضل

الطير يعتبر صغير مرة ويجب ان تحترس لانه يبغاله عناية خاصة

من حيث التغذية والتدفئة وخاصة اذا كانت عيونه مازالت سوداء ومازال يتناول السيريلاك

لانه لم يفطم بعد وان نسبة الوفيات في الفروخ الصغيرة مرتفعة واحيانا بدون سبب واضح

فيجب مراجعة المواضيع الثابتة المتعلقة بالفروخ

اما موضوع الجعير بعد ان يكبر فهذا كلام فارغ بالعكس الفروخ الصغيرة والاليفة

فهي تنطق اسرع بعد ان تالف وتتعلق بصاحبها وهذا عن تجربة

والله يوفقك

[Mr. Kasico]

انا من رأي ما تآخذ لك طير أقل من 8 شهور ... لأنه يا يعيش يا مايعيش .. وحرام تبيه وتتعلق فيه ويمكن يموت وتخسره ..

1- انا قريت في احد مواضيع الاخوان و مكتوب فيه اذا ربيت فرخ عمره فوق الشهر راح يجعر اذا كبر هل هذه صحيح
أبداً الطائر إلي تربيه صغير لا يجعر .. وأسرع في التدريب والكلام ويكون أليف وبلا وجع قلب وانتظار عشان يتروض

2- كم مره اوكل باليوم وهل يحتاج الى ماء
لازم يكون في القفص إنائين صغار .. واحد تتوفر فيه الحبوب وواحد يتوفر فيه الماء .. ولازم ما يكون جائع او عطشان عشان صحته

3-شنو المستلزمات الي احتاجها
حط له ألعاب بالقفص لأن الكاسيكو يحب الألعاب وما يحب الوحده عشان جدي يتسلى فيهم وقت إلي يكون بروحه

4-وهل في شي مهم انا ماذكرة
قدم له الفواكة والخضار " ماعدا الموز والتمر او الفواكة اللزجة لأنها خطيرة " دائما اجعله في مكان معتدل الحرارة .. يعني لا حار ولا بارد .. ودائما خلي القفص مفتوح عشان يطلع ويلعب وما يتملل ويصيده مرض نفسي

وتحياتي

[عالم الكوكتيل]

الله يعطيكم الف الف عافيه وماتقصرون

و الله يجزاكم الف الف خير

[yooyoo]

بالتوفيق ان شاء الله الاخوان يكونو افادوك

[هاوي الببغاوات]

تحتاج حضانة وعناية فائقه في الطير اذا ما عمرك ربيت فرخ قبل كذا احسن لك لا تغامر صعب تربية فرخ مو مفطوم

[عالم الكوكتيل]

الله يعطيكم العافيه ومااااتقصرون