عندي مشكله(شباب ابي اقتراحاتكم بليز)

[YOYO]

في الداية اقولكم هلوووووووووووووو
المهم

شباب انا ودي اشتري لي قطوة او قطة صغيرة عشان اربيها عندي بس المشكله ان امي تخاف من القطط وترفض ان يكون عندنه قطوة في البيت وابووي يمانع بعد وجود القطة في البيت
فكرت اني اييبها البيت واحطهم امام الامر الواقع بس هذي مو طريقة تفاهم
والأحلى اني ماعندي فلوس لازم اخذ من عند امي

[Withered Rose]

فكرة حلوة ان تييبها و تحط اهلك عند الامر الواقع بس بالبدايه راح تصير لك مشاكل يعني اهم شي تمهد لهم الموضوع ......... (الامراض) هذا اول شي يهتمون فيه يعني اول شي تبتدي فيه قولهم ان القطوة بعد ما تتطعم ماراح تييب امراض كلش ، و على طول ذكرهم بقصة الصحابي ابو هريره مثل ما انا اسوي :d
و مسأله الخوف دايما تكون اول شي بعدين اهيا راح تتعود مافي مشكله .. حاول تشتري قطوة حلوة شكلها بريييييييييئ و صغيروونه اهما راح يحبونها من نفسهم
و ان شاء الله الاعضاء اللي عندهم تجارب يفيدونك

[cute angl]

الحل:
1-زني

2-تبي تجيكي هوشات بس استحملي

3-بيتعبون او يطفشون من الزن بعدين بيجيبونلك البسه

4- ترا هاذا سر المهنه لا تعلمين احد

[مطيري عيونه زرق]

انتي نفس حالتي قبل


بس انا اقولج طريقه حلوه ومثل ماسويت انا


تشترين القطوه وتورينها اهلج

وامج راح تقولج عما بعينج شنو هذا قطيها براا يالله


وراح تقوليلهاا يمه انا شريتهاا غالي فحرام فلوسي تروح بلاش


فأمج راح تقولح مالي شغل دبري عمرج

ف انتي تقولين خلاص راح ابيعها بس انطري لين ما القا احد يشتريها
وتخلينهاا عندج وكل ما تقولج امج هاا ليش مابعتيها


قولي محد شراها مني


ويوم بعد يوم راح تتعود عليهاا مج


بس هالله هالله بالدراسه على شان مايقولون

دراجاتج نازله ليش اكيد كله من هالقطوه هذي كله مجابلتهاا


ويقطونهاا براا

هاا اشرايج بهالخطه

[جربيهاا وشوفي وانشاءلله تنجح

[مخاوية قطاو]

تدرون عاد
شكلي بحط موضوع اقتراحات وشكااااااااااااوي الاولاد من اهاليهم والسبب قطه نياااااااااااهااااهاهاها
لا وراح يتثبت الموضوع بعد