وبعد الثمانية أشهر .. تخلصت منه . وخذا قلبي معاه ! :(

[فتفوته]

^
^

لا تتحمسون مع العنوان

السلام عليكم ورحمة الله ..

ابدخل بالموصوع .. حيث انني لا احبذ المقدمات ..

الدعوة وما فيها اني وبإرادتي وبرضى عني وبموافقتي تم الخلاص من طقلي الصغير حبوب

حبوب وعمره الان تجاوز السنة والنص وهو افريقي الجنسية .. ترعرع في كتفي وهو فرخ صغير لا

يعرف من اين اتى وكيف اتى وابن من وهكذا هو الحال مع جميع الببغاوات الصغيرة المصبودة من عشها

وهذه ليست المشكلة طبعا ..

الكارثة انه الولد طلع حمامة أنثى
اكيد تسألون وشلون عرفت !
الولد ما نطق ولا كلمة غير الجعير والصفير ! مع اني معطيته كورسات مكثفة لغة عربية وانجليزي و ألقنه من ابسط الكلمات .. ولم يثمر فيه حتى اني ضقت به ذرعا إلى ان جاء قدره المحتوم في سوق الخمام ..

لا اخفيكم .. جد خنقتني العبرة وانا انظف له القفص واجهز اغراضه للرجيل بس فكرت ووصلت للحل هذا لان هل يعقل اني اتعب نفسي بالتربية وادفع فلوس ع العلاجات والأكل على غير فايدة ! <-- توها تصحى

وهل يعقل اني اذا ربي رزقني بفرخ جديد اسميه حبوب

لذالك اطلب منكم تختارون اسم حلو اناديه فيه

وشكرا لكم مقدما

[عاشقة الطيور]

وعليكم السلام ورحمة الله وبركاته

انا ضعت انتي الحين تقولين حمامه وتجعر؟؟ شلون .. وبعيته ولالا؟

[فتفوته]

هلا عاشقة
هو ببغاء شبهته بالحمامة لانه ما يتكلم

وشكرا لمرورك يالغالية

[عاشقة الطيور]

عاد حمامه مره وحده ههههههه .. صبري عليه وبتيي الايام وبينفخ راسكم من كثر الهذره

[فتفوته]

لقد بعتهو <--- اصبري ع فراقه

[افريكانو]

هلا فتفوته

الله يعوضج بخير منه ان شاء الله

[الجناحي 10]

الله يعوضج غيره انشالله

[فتفوته]

آمين الله يسمع منكم

[كاسكو حبوب]

الله يعوض عليج

[سماوي الجبه]

اسمحي لي اقول لك لاتاخذين لك اي فصيله من البغبغوات ،لانك خذتي فرخ وماتكلم معك ووبعتيه وهو يجعر فنا اقول انك ماتعرفين تربين طيور ،والفرخ مايحتاج تدريب لانه يتكلم بنفسه،وشكرا،،