نبي خبرتكم ياذيابه

[قرناس الليل]

السلام عليكم ورحمة الله وبركاته






شباب انا انشاء الله انا ابخذلي بغباء افريقي يعني انشاء الله الجمعه ماتجي الا وهو ومحضر عندي بس عندي بعض الاستفسارات اللي اتمنى احصل اجوبتها عندكم


1-وش افضل عمر اخذ فيه البغبغاء ووش يكون نوعه او من ووين؟؟


2-هل اللون يفرق اذا كان رصاصي او ثلجي فاتح ووش الافضل؟؟

3-قبل اسبوع واحد من الشباب شرا بغباء نيجيري ب570 وعمره اربع شهور

ويمدح فيه---تنصحوني اخذ واحد مثله او لا؟؟




وبالاخير اعذروني عالاطاله واللي عنده اي معلومات ثانيه تفيد يطلعنا عليها

[حب استطلاع]

وعليكم السلام حياك يا بعد حيي
من تجربة خاصة نصيحة لا تشتري إلا عن قناعة
حتى لو تأخرت بالشراء شهور
المهم تأخذ شي تكون مقتنع فيه
وبعدين ما وضحت أنت تبي أليف ولا متوحش (إنتاج مزارع ولا مصيود)
وبالنسبة لإستفساراتك:
1. أفضل العمر يكون ستة أشهر يزيد قليل أو ينقص
والنوع المفضل وسعره حلو مقارنة بالأنواع الأخرى هو الكاسكو
2. وبالنسبة للون أكيد الفاتح أفضل كنظره والمسألة أذواق لا أكثر
3. وأستفسارك الثالث زي ما قلت لك أنت تبي أليف ولا متوحش
ويظهر أن صاحبك أخذ غيني متوحش
وسعرهم بسوق الحمام بالرياض بين 300 و 400 ريال

[افريكانو]

المشاركة الأصلية كتبت بواسطة قرناس الليل

السلام عليكم ورحمة الله وبركاته

وعليكم السلام و رحمة الله و بركاته





شباب انا انشاء الله انا ابخذلي بغباء افريقي يعني انشاء الله الجمعه ماتجي الا وهو ومحضر عندي بس عندي بعض الاستفسارات اللي اتمنى احصل اجوبتها عندكم

مبروووووووك مقدما


1-وش افضل عمر اخذ فيه البغبغاء ووش يكون نوعه او من ووين؟؟

افضل عمر ستة شهور نوع الافريقي الرمادي(كاسكيو) انت من وين اذا كانك من الرياض من السوق الحمام بالعزيزية


2-هل اللون يفرق اذا كان رصاصي او ثلجي فاتح ووش الافضل؟؟

لا لا يفرق اللون حسب الرغبه في ناس ترغيه فاتح جدا مائل الي الون الابيض و هذا النوع نوعا ما نادر الشائع في السوق الون الرصاصي

3-قبل اسبوع واحد من الشباب شرا بغباء نيجيري ب570 وعمره اربع شهور

ويمدح فيه---تنصحوني اخذ واحد مثله او لا؟؟

اتوقع بالسعر هذا انه اخذ الافريقي الغيني (تيمنه) و لا باس فيه نوع افريقي جيد يفرق عن الرمادي بالون و صغير الحجم يكون اغمق منه

بالسعر الي ذاكره ما اتوقع انه نيجيري و لافضل انك تتاكد منه اذا كان بالسعر هذا فانه جدا جدا مناسب



وبالاخير اعذروني عالاطاله واللي عنده اي معلومات ثانيه تفيد يطلعنا عليها

معذور ان شاء الله و بالتوفيق انصحك اذهب الي المواضيع المثبته قبل الشراء ليكون عندك خلفيه واضحه عنه كي لا تنخدع

تقبل مروري

افريكانو

[ابو سفر]

هلا اخوي الان في وقت البرد انصحك انك تاخذ فوق ال7شهور الصغار ماتتحمل البرد طبعا النوع افريقي

اللون مايفرق خذ اللون اللي يعجبك
وبالنسبة لسعر خويك تراه رخييييييييييييص جدا

وبالتوفيق

[قرناس الليل]

لاهنتوا عالردود








ولاحضت انه من الافضل اخذ افريقي6شهور



بس مافهمت من العضو حب استطلاع يوم يقول(انتاج مزارع ولامصيود)؟؟!!

وش سالفتها ووش الافضل,عاد حنا نبي شي يهرج معنا وفلله

[حياتي كلها كاسكو]

السلام عليكم

بالنسبة للفرق بين المصيود والمزارع ان المصيود متوحش يعض ويجعر لكنه قابل للتوليف اذا كان عمره صغير

أما المزارع فهو انتاج فقاسات يعني من يوم ما طلع عالدنيا وهو ياكل من يد الانسان وهو أكثر ولافه

وأغلى سعر ويكون برجله حجل (علامته) . بس مثل ما قالو لك الأخوان الجو بارد لاتشتري شي صغير

لأن يكون ما عنده مناعه ضد الأمراض واذا بغيت شي ولا شيات عطني خبر

مع تحيات : عبود الرياض

[مايهم من أكون]

هلا وغلا فيك اخوي

مثل ماقالو وماازيد على اخواني

بنسبه للكثير انهم يفضلون المصيود على تربية المزارع

وحتى لو كان وحشي ويجاعر اذا كان صغير بيوالف معاك بسرعه

والمصيود تربيته تربيه طبيعيه والاغلبيه يفضل الصيد

وانا شريتي طير صيد والحمدلله يمكن جعر عندي اسبوعين فقط لاغير

واللحين من احسن مايكون واذا كنت تعشق الراحه

وماودك تتعب معاه اخذ لك المحجل بس سعره اغلى من الصيد....

دمت بود,,,