اشترك في نشرتنا البريدية ليصلك كل جديد

golden Knight · 31-03-2009, 12:00 AM

السلام عليكم انا اشتريت ببغاء كاسكو اليوم و انا ما اعرف فيه انا خبرتي في الكلاب فياريت تعطوني كم نصيحه عشان اوقف الجعير و ابدا اولفه ومتى ابدا التوليف
و شكرا

Q8 Sailer · 31-03-2009, 12:11 AM

وعليكم السلام ..

هلا اخوي ..

واحب اسئلك شنو نوع الكاسكو اللي عندك ؟؟

واذا ماتعرف نوعه ممكن تصوره صوره واضحه

..

قد تفيدك هذه المواضيع ...

http://2zoo.com/vb/showthread.php?t=45945

http://2zoo.com/vb/showthread.php?t=45942

http://2zoo.com/vb/showthread.php?t=95684

http://2zoo.com/vb/showthread.php?t=77804

---

اخوي قولدن احب اقولك ان الببغاء لما يروح لمكان جديد يكون غريب عليه فيحتاج فتره من الزمن مابين ال 4 ايام الى اسبووع علشان يتأقلم مع المكان ...

وبعدها حاول انك دايما تبتسم بويه الطير .. وحاول انك توكله بايدك واطلعه من القفص وتنظف القفص ماله وما تخليه على الارض علشان الجراثيم ما تحوشه .. وروح للبيطري اخذ منه ملتي فيتامين ينخلط بالماي وحبوب فيتامينات تعطيه اياه ونوع له بالاكل ودايما كلمه بصوت عالي وخلك متحمس وانت تكلمه وخله بمكان فيه حركه لا تخليه بمكان هادي ... وان شاءالله بس انت صوره أو قول شنو نوعه علشان نقدر نفيدك وشلون تعلمه وتولفه ..

واسف على الاطاله ياخوي بس اهم شي لا تعصب ولا تصرخ على الكاسكو حتى لو جعر أو عضك ولا تفكر اتطقه أو تأذيه لأن هالشيء راح يخليه وحشي ومايحب احد

) ...

golden Knight · 31-03-2009, 12:23 AM

مشكور اخي سيلر انشاء الله اصوره قريب طيب ممكن تعطيني اسماء الفيتامينات وشكرا لك

Q8 Sailer · 31-03-2009, 12:29 AM

هلا اخوي قولدن .. اول شي بس احب انبهك الكتابه الصحيحه اهيا ( ان شاءالله)

وغيرها لا يجوز كتابتها لأن معانيها تختلف

بالنسبه للفيتامينات عندك حبوب اسمهم KIKI NUTRI-PSITTA

وعندك فيتامين ينخلط بالماي اسمه Multivit

هذول انا اللي استخدمهم ..

ونسيت اقولك حاول تخلي الطير بالشمس (بس مو الشمس العموديه) يعني الشمس الدافيه .. بالاسبوع مره - مرتين .. وتجنب البروده له

مو زينه ...

لوتيه · 31-03-2009, 04:39 AM

سيلر ماقصر معاك ..
و مبروك عليك الطير ...
والله يحفظه لك و يخليه ...