اشترك في نشرتنا البريدية ليصلك كل جديد

Q8 Sailer · 02-04-2009, 12:39 AM

السلام عليكم ..

احب اعرض عليكم طريقه مجربها بنفسي مع الافريقي وجابت نتيجه 100%

طبعا الطريقه يبيلها قوة تحمل وصبر ..

بعض الببغاواة اذا قربت ايدك صوب منقارها تعضك بقوه ...

ما الحل ؟

الحل بسيط وسهل ومايبي له أي تعب لكن يبي له قوة تحمل وصبر ..

كل يوم قرب ايدك من الكاسكو وخله يعضك حتى لو كانت العضه قويه وجرحك ..

لكن مع الايام راح تتحول العضه القويه الى عضه بسيطه ماتؤلم ابد.. عندما يحس ان ماكو امل من العض

..

طريقه ناجحه 100% وانا مجربها شخصيا

... وايدي كانت مجروحه اكثر من جرح من الكاسكو لكن الحين عضته بالنسبه لي كأن طفل يعض من دون اسنان

واسف على الاطاله ..

والسلام عليكم ورحمة الله وبركاته ..

سر حبي · 02-04-2009, 12:53 AM

يا اخ الاعرب
انتا رجل طيب ومسالم جدا<<ممسكه معاه اليوم عربي فصحه
انتا ماقد عضك درره مطووقه
من قوه العضه جدي السبعطعش الله يرحمه حس بالعضه فما بالك باصباعي المهم
طريقتي مضمونه باذن الله
البس قفاز وامسكه من رجوله وبطنه وخلييه يعض طبعا لابس قفاز متنجرح ولا اي حااجه وخلييه يعضض لين يطفش وانتا باليد الثانيه مسح على ظهره قاريها بكتااب ومشيت معايا تماام ولله الحمد
وخلليك على هذي الطريقه ليييييييين تطفش واليوم الثااني ليين تطفش وهكذا
لين ترسخ بباله ان العض مو طرريق للهرب
فهمت ياهذا

الله يهديك اخليه يعضني
والله انك طيب
وفررصه سعيده

سماوي الجبه · 02-04-2009, 12:56 AM

طريقه مو شي،، عندي طريقه افضل واسهل جدا جدا ،، بس ماني بقايلها لان طيرك مايعضك يعني ماتحتاجها، انا اقدر في يوم واحد مايعضني الطير ولو اخطر طير عندك انا استطيع ادربه في اقل من ربع ساعه واقل بعد،

Q8 Sailer · 02-04-2009, 01:03 AM

.. اشكركم على مروركم ..

والمهم اني قلت طريقتي وحبيت اشاركم فيها ..
والاهم اني مجربها ونجحت معاي

...

للعلم بعض الببغاواة تخاف من الدس أو أي شي غريب يتحطه عليها

...

واشكركم على مروركم مره ثانيه

لوتيه · 02-04-2009, 01:14 AM

سيلر تسلم على الطريقه ماتقصر

بس مب كل حد بايع اصبوعه خخخخخ

عن نفسي ماقدر اطبق الطريقه

سماوي الجبه ...

انته ليش زطي يعني محتفظ بالطريه لنفسك يا اخي علمني

احيدك كريم ..

افا شو لي غيرك..

مستبخل علينا بطريقه ماهقتها منك

amd_attia · 02-04-2009, 01:54 AM

يا جماعة الخير الطريقة الاولى ممتاوة ونتيجتها مضمونة بس مين يستحمل وعض الدرة شي والكاسكو شي اخر وانا مجرب الاثنين وطريقة الجوارب ما تصلح لانه ما هيعض الجوارب وراح ياخد عليها بس لما يشوف ايدك راح يعض
وانا طريقتي مع الدرة والكاسكو هي التجويع لمده 5 او 7 ساعات وبعد كده اعطي له الحبوب من يدي وهو ياكل المس راسه ومنقاره وهذه الطريقة تبي الصبر الصبر وقائمه على حب الطائر لصاحبه اللي ياكله بعد 7 ساعات جوع

فتفوته · 02-04-2009, 01:59 AM

والله انا بعت له اصابعي لمدة اقل من شهر والحين ما شاءالله عليه ما يعض بقوة

واكيد اللي راج فيها اصبعي كله دم وآثار جروح .. عاد الطير يعض بقوه وانا اقوله الدنيا كفاااح

والف شكر لك اخوي على الفائدة

/

سماوي الجبة

ردك تشويق

علمنا طريقتك اذا ما فيها عنف للطير ولا فيها اصابات لأصابع المدرب

juve 23 · 02-04-2009, 02:02 AM

اقتباس:

المشاركة الأصلية كتبت بواسطة سماوي الجبه

طريقه مو شي،، عندي طريقه افضل واسهل جدا جدا ،، بس ماني بقايلها لان طيرك مايعضك يعني ماتحتاجها، انا اقدر في يوم واحد مايعضني الطير ولو اخطر طير عندك انا استطيع ادربه في اقل من ربع ساعه واقل بعد،

ياريت تعلمنا طريقتك اخوي

اذا ممكن يعني