إخترااااااع يحل لك معاناة كبيرة جدا مع الجرووو ( حفاااضة ) أرجو دخول بوعزوز وكلاسيكي

[GERMAN SHEPARD]

سلام عليكم ورحمت الله وبركاته

اخواني احنا بالخليج لي ما نخترع دايما لي ما نسوي شي جديد لي ما نشغل عقولنا

والله ما همنا الا هالبطون وهالشسمه ( آسف ما اقصد احد لكن كل شسمه في الشسمه ينضح )

اختراع جاء براسي وما يبيلك تخترع شي ما عليك الا انك تطبق شي معين ,,

الكل طااااااااااالعة ريحته من الجرو تحت الـ 3 شهور انه يبول في كل محل ويجيب المرض لك في هالسالفه

انا خطر على بالي سالفة مالها حل واتمنى الناس الي عندها كلاب كثير وجراء كثيره ان يجاول

هذه الطريقه لنه اكثر خبره في هذا الموضوع ,,

حفاضات بامبرنز , الجرو يكون حجمه بحجم الطفل في عمر سنتين تقريبآ من ناحية الخلفية

او الـمأخره بالعربي ,, ليه ما نلبسة باااااااامبرنز والله جت على بالي وحسيت انها تريح بشكل

كبير يعني ما عاد فيه بول على الارض اول ما شميت ريحة خياس وانتم بكرامة يعني عملها

وهاذي تحل مشكلة ان الكلب اصغر من 3 اشهر قليل الاستجابة ولازم نصبر عليه ومن هالكلام

اجل وش الي الله مجبرني كل شوي انظف انظف ما البسه حفايض وارتاح ,,

ارجو المناقشة بجدية وعدم الهزل في ما اقول لأنها فكره حاس انها بتنجح

لكن اتمنى من عمالقة التدريب أن يفيدوني في ما أقول بعد التجربة ,,

ولكم خالص تحياتي أخوكم / جيرمند شيبرد

[GERMAN SHEPARD]

وبعد اتمامة ثلاثة شهور تنسى موضوع الحفاضة وتستعمل طرق خضوع الكلب المتواجده في التدريبات

وتعلمه شلون يروح دورة المياة او البلكونة او الجاردن او أي محل براسك والطرق موجوده ومفصلة

ولكم تحياتي

[killer]

ياخوك جســم الكلب مو مثل الانسان يعني ماتلازمه الحفاضة ومايريحة وراح يعضضها ويشيلها وجذي راس يتلعوز جسم الجرو

وللعلم المفروض تدريبات التغوط المفروض تكون من صغرت الجلب عدل حق تصير متركزة عنده جنها غزيته

[GERMAN SHEPARD]

صح كلامك لكن هل تبدأ تعليمات التغوط تحت الـ 3 أشهر !! انا اكثر من موضوع قريته على انه ما يستجيب

تحت الثلاث شهور الا بصعوبة وما تقدر تتحكم في هالموضوع فيدني اخوي ,,

[تروكي]

بالعكس يالجيرمن

الكلب تدريبه في عمر شهرين وتشووفه بالعكس يستجيب لك ويطالع فيك كثير

انا الحين كلبي

دربته علي الجلوس وخليته يسلم

واما عن الحفايض راح يقطعه ومراح يرتاح

[kuk]

الشباب وفوا وكفواا

[GERMAN SHEPARD]

اشكركم جميعا على الردود المقنعه

[الكلاسيكي]

هلا وغلا اخوي GERMAN SHEPARD

ياخي اسمك مشوااار وانا اكتبه بس لا تخاف ماعمري كتبته كل انسخه ..

المهم شلونك يالغالي طيب وبإذن الله واتمنى اني اكون واحد من العمالقه الي تقصدهم ..

وبخصوص البامبرز بقيت اسألك البس الجرو واحط بودره ولا بدوووون ..

معليه امزح المهم اخوي شوف كلامك والله سليم 100% ..

بس للأسف ..

ماراح يخليها وبينتفها وبقطعها ولا كان سويناها قبلك ..

لاكن في كثير من الكلاب تنفع معهم المناطق المحدوده يعني تحكره في مكان صغير ..

وتترك قطعه فيها تراب ومكان فيه ماء واكل ..

فا بيضطر الجرو انه يعمل حاجته في المكان الي اكيد ماينام فيه ولا المكان الي ياكل فيه ..

وكذا حلت المشكله وتبداء تكبر المكان لين تتركه طليق ..

وبإذن الله يسير 100% ..

وتحياتي لك واشكرك على الثقة ..

واحب اعلمك العلم بحر وعمرنا ماوصلنا وكل واحد فينا مهما تعلم ..

بيضل يتعلم ويتعلم الى ماله نهاية ..

وتمنياتي لك بالتوفيق ،،

[GERMAN SHEPARD]

انت رائع يا كلاسيكي وانت عملاق في عيني لنك محترم وفاهم والله يوفقك يارب

[شوووشووو77]

في طريقه انا عملتها قبل كدا ونجحت وحتى الكلب حقي لمن جبته من المانيا مسوين نفس الطريقه

المهم اول ماولدت الأم عندي طبعا بعد الولاده نضفت المكان وغيرته ونقلت الأم وأولادها عندي بالبيت

المهم حطيتهم في قفص كبير لهم والباب مفتوح على اساس الأم تخرج تروح الحمام اكرمكم الله وتأكل وغيره المهم

حطيت تحتهم بطانيه وكل يوم طبعا اغيرها ومعاهم دفايات تحت البطانيه

المهم اول ما يكملوا اسبوع اغير البطانيه واحط جرائد وكل ويوم اغيرها واحيانا مرتين على حسب عدد الصغار

لين عمره شهر وبعد كدا أحط مع الجرايد حفايظ (تجي في صيدليه الناس مربعه كبيره) لين شهر ونص

طبعا شهر ونص يطلعوا ساروا من قفصهم ويعملوا شقاوه بس اتعودوا لمن يجي يروح الحمام يشم في الأرض لين

يوصل للجرائد

طبعا خلاص رجعتهم مكانهم وحطيت لهم جرائد شويه شويه غيرت مكان الجرائد لخرسانه

اما بالنسبه لكلبي جاني عمر شهرين ماشاء الله عليه سويت له حفايظ وجرائد ما يروح حمام الا ليها


ان شاء الله اكون افدتك

يلعبو بره بس الحمام يشم الأرض ويرجع للجرائد والحفايظ لأن متعود على دي الريحه