أنا رديت لعيونك انا رديت ولك حنيت مثل ما يحن حمام البيت

[حسين بن عاقول]

ايها الأخوة الكرام :
السلام عليكم ورحمة الله وبركاته وكل عام وانتم بخير وعيدكم مبارك جميعا وعساكم من المقبولين ،عدت اليكم بعد فترة انقطاع طويلة بسبب انشغالي وايضا حزني على وفاة الكاسكو حقي (حسين) وأكيد تذكرونه ، عموما أنا الآن شريت عدد 2 ببغاء درة خضرا والعيال فرحوا فيها (وخصوصا الزوجه) عشان السعر رخيص الواحد بـ 150 ريال ، طبعا خليتها تطير في البيت وهي كلها إناث ما لقيت ذكر بس قلت أحسن عشان الكلام ، يعني لو جبت واحد انثى وواحد ذكر ( جردوا فيني) يعنى عطوني ابو لبّاس غزل ورومانسيه وفروخ ومسئولية وانا يالله اربي عيالي شلون اربي عيال هنود عندي . المهم هل يمكن ترويضها بدون قص جناحها؟
شاكرا لكم ردودكم سلفا ، وعندي سؤال شفت طير مثل الدره الخضرا بس لونها أزرق سماوي إيش نوعها وكم سعرها ، يمكن يهفني الشوق وأشتريها ....
وفي النهاية سامحونا على التأخير بس كنت فاقد حسين عساكم ما تفقدون غالي؟
أقول الحرمه تقول سم واحده (هبه الدري) بالله عليكم شنو ارد عليها؟
أخوكم أبو حسين : آآآآآآآآآه ياالله عوض خير.

[*حامي الحيوان*]

أولا الحمدلله لعودتك بين أحبابك وأخوانك بتو زوو
وبالنسبة لسؤال الدره يجي منها تقريبا 6 أو 5 ألوان طبعا الالوان الثانية تكون أغالي لندرتها بالسوق
وبالنسبة للدرة الزرقاء فهي جميلة جدا بس أغالى من الخضراء يمكن يجي سعرها الــ 500 أو 600
بس ممكن تلاقي أرخص أنت دور وبتلاقى ألي يرضيك

تحيااااااااااااااااااااااااااااااااااااتي

[عاشق البغبغان]

انا من زمان في المنتدى واول مره أشوفك بس شكرا على الموضوع الرائع

[ProOoF]

حياك يامطول الغيبات وشرفتنا بالرجوع

والله يذكر أيام حسين بالخير

اجل يجردوبك هههههههههههه إذا تدور ذكر عندي , وأنا أدور أنثىا إذا أليفه

بالنسبه لسؤالك صحيح الدره السماويه جدا حلوه ونفس الأمر للون الأبيض

والله يعينك ع التدريب ياعليهم عض يفصل المخ , يخليك تعض الأرض

درب نيجيري أرحم بالعض من الدره

بالتوفيق وأسعدنا رجوعك

وانتبه ع عيال الهنود ,, وسلملي ع عائشة المرطه <=== هذي تسميه للثانيه

[naasooh]

الحمد الله على السلامه
و نفس ما قالك *حامي الحيوان* على ألألوان
وأرخص لون ألأخضر
وألألوان مالها علاقه بذكاء الطير

وألأفضل أنك تقص جناح الطير *للتسهيل عليك وقت ما تدربه * ووأأمن لك لا يطير

[@الزير@]

حياك الله اخوي وانا انصحك ان توديهم عند محل يدرب ولا واحد بفلوس وخلي عنك وجع الراس الدره يخوف يخوف منقاره وعيونه اذا ضغرت اشمأز ااذا شفته وانتبه ماله امان دريشه نص دريشه يهربو بسرعه ولكن خذ واحد وجرب شخص يدربه ان ضبط عطه الثاني خل العيال يلهون بواحد غلى بال ما هبى الدري تتدرب استغفر الله واتوب اللي استاثمنا فيها وبالتوفيق اخوي تقبل مروري

[حسين بن عاقول]

الأخوه : حامي الحيوان ، عاشق البغبغان ، prooof ، naasooh ، الزير
شكرا جميل جدا على تجاوبك وترحيبكم فيني مره ثانية ، ولو إن الأخ عاشق البغبغان ما إنتبه لتاريخ الإنتساب لكن معاه حق أنا قليل المشاركات، أدري من زمان مشتاقين لقفشاتي وبعض كلمات المضحكه والمرحه وترى مو بس عندكم حتى في حياتي العامه مع الناس اللي اعرف واللي ما اعرف ، وجميع اللي يعرفني يناديني ابو حسين نسبة للبغبغاء حسين الله يرحمه.
والحقيقه من خلال ردكم خوفتوني من الدره ، وكأني بديت أندم لكن مادام انهم اناثي يالله !!!! اعتبر نفسي ابو ثلاث حريم .

["مجرد علامة"]

هلا ابوحسين حياك واعذرنا على التاخر بالرد

بس ودي الفت انتباهك لتوقيعك حيث انه مكتوب "في كل كبد رطب صدقة"

والصواب هو :


" و في كل ذات كبد رطبة أجر " حديث شريف

للتصحيح فقط لا أكثر

والف مبروك هبة الدري ومريم الغضبان خخخخخخخخخخخ

وليش حولت عن الرمادي يا ابوحسين؟؟؟ الدرة احسها صعبة شوي راسها يابس


وموفق بعون الله