✿[ اسئل هنا عن الهامستر ]✿

[الحساس]

اقولكم انا حاطلهم صندقة داخل القفص وفي واحد منهم مايظهر يطلع او تطلع ويشل الاكل ويرد يدخل

اما الثاني تاكل او ياكل عادي


انا متلخبط ماعرف الانثى من الذكر ترى يشبهون بعض

[العابر]

المهم نوعلهم الاكل وحطلهم ماء
شنو 17الى4؟؟؟؟؟؟؟؟؟؟

[naw6ras]

اول شي السلام عليكم لان ذكر الهامستر اذا شاف اولادها يخاف يسرقونها عليه يتعاركون
-------------
السلام عليكم عادي لو حطيت قفص الهامستر في غرفة والمكيف شغال

[سينو]

السلام عليكم


الله يعطيكم العافيه على هالموضوع سويتو فينا خير والله

سؤالي..

كيف أروش (أحمم) هامستراتي يعني احط عندهم رمل وهم يتصرفون

والا أروشهم بالماء وما الطريقه .. أفيدوني بسرعه جزاكم الله خير

هامستراتي صار _ الله يكرمكم _ شكلها مو مقبول وانا ما اعرف وش اسوي

[Withered Rose]

naw6ras
معدل الحرارة من 18 الى 25 درجة سيليزيه
و يجب ابعاد القفص عن تيار الهواء المباشر


سينو
التحميم ممنوه للهامستر أما اذا كان متسخ بمكان معين يكفي تمسحين المكان بقطنه مبلله .. و الرمل ايضاً مفيد في هالحاله .. و حالة الجو لما تزيد عن المعدل المعتاد الهامستر يفرز افرازات تخلى فروة غير مرتب (لاحظي منطقة البطن) ..
الرمل ينحط بزاوية من زوايا القفص بجانب للمخبأ و يغير أسبوعياً

[توازن]

هاي

عندي كم سؤال عن الحلوين عتريس وغسق اذا ما عندكم مانع؟

س:هل الفرق بالحجم يضر في التكاثر في الهامستر القزم كامبل؟

لانه عتريس صغير ونحيف اما غسق اكبر منه شزي ودبه مليانه ما شالله

س:بعد ما العب مع عتريس وغسق. انظف يديني؟؟ الى اي درجة؟

س: عادي لو بستهم بفمي ومسحتهم بخدودي؟؟؟؟

س: ما هي علامات الحمل؟؟

علما بان هامستراتي اقزام...

وشكرا وسامحوني عالاطالة..


---------------------


؟؟؟؟؟؟؟؟؟؟؟؟؟؟؟

ليش ما تردون

عندي سؤال بعد

عادي لو مسكت الهامستر من ورا رقبته من الجلدة الزايدة؟؟

[Withered Rose]

س:هل الفرق بالحجم يضر في التكاثر في الهامستر القزم كامبل؟
ما يضر ان شاء الله .. ينتج الهامستر بعمر 2 - 3 أشهر ..
منو تحسين أثقل بالوزن ؟!

س:بعد ما العب مع عتريس وغسق. انظف يديني؟؟ الى اي درجة؟
اي لازم .. نظفيها عادي بالماي و الصابون مرة وحده ..


س: عادي لو بستهم بفمي ومسحتهم بخدودي؟؟؟؟
عادي .. و لكن إلا اذا حسيتي بمرض احدهم .

س: ما هي علامات الحمل؟؟
علامات الحمل تتضح بعد 10 ايام تقريباً هي انتفاخ بحجم البطن و تكوين و بناء منطقة العش و تخزن الطعام أكثر من قبل ..


عادي لو مسكت الهامستر من ورا رقبته من الجلدة الزايدة؟؟
اي عادي و هذي الطريقه الثانيه لحمل الهامستر بس إنتبهي لأن اذا غلطتي بالمكان راح يتألم و يصرخ ..

[cuta]

انا ودي اربي هامستر بس ماعندي اي خبره
عن الادوات يلي يحتاج لها .. وشنو الافضل آخذ ذكر
ولا نثيه ؟؟ وشنو الاكل يلي ياكلوون ..

[توازن]

مشكوووووووووورة يا احلى عضوة بالعاااااالم كله

مع احترامي للبقية

انا مو احس ان غسق اثقل من عتريس مية بالمية

غسق ماشالله تملى اليد اما عتريس لا عادي

فيه مشكلة؟؟؟؟؟؟


اختي كيوت

والله انا مريت بمثل مرحلتك

كان ودي اربي هامستر

وربي لك الحمد ربيت

الادوات سهلة وبسيطة

1 قفص او حوض سمك
2 نشارة خشب للارضية
3 عجلة للجري
4 بيت

والاكل من المحل وخضار وجبن

وبس الموضوع اكثر من سهل

وشكرا...

------------------

سُري عندي سؤال بعد واحد بس

احيانا ابي اكون العب مع غسق وهي مو نايمة بس ما تبي تطلع من البيت

اروح انا افتح البيت واطلعها منه

س:عادي ولا يضر!؟؟؟؟!

وبعد واحد

انا شفت غسق تحط بفمها نشارة وشفتها واخترعت

احسبها تاكله

بعدين عرفت انها تبني العش

س:هل هذا يعني انها حامل؟؟؟

شكرا

[s3ood]

الهامستر لا يشبه الفأر ابدا لأن الفروق كثيرة
أولا: ألوان الفأر لا تشبه الهامستر
ثانيا: ذيل الهامستر ليس طويل كالفأر
ثالثا: الهامستر لا يصيبه مرض الطاعون
رابعا: الهامستر كثير الولادة عكس الفأر
و هكذا...