تولد عندي او عند الطبيب ؟؟

[oOKittyOo]

انا بقول لك تجربتي .. "

اشوف انه الأفضل تولد بالبيت لأنها تكون متعوده على المكان و يكفيها قلق و تعب الولاده .. "

انتي لازم هاليومين تجهزين كرتونه و تحطين داخلها منشفه أو بطانيه قديمه .. "

و تحطين الكرتونه في مكان مناسب بعيد عن الموجودين بالبيت و في نفس الوقت قريب منها و عوديها عليه .. "

يعني كل فتره خذيها و حطيها في الكرتونه و اجلسي جنبها و امسحي عليها .. "

و مثل ما قال اخوي همستراوي قبل ولادتها بساعات رح تلاحظين عليها القلق و تصير تبيك جنبها .. "

يعني في آخر الايام لازم تنتبهين لها و تراقبينها انا صراحه كنت حتى في الليل كل ساعه اقوم اشوفها .. "

و لما تبدأ الولاده و يبدأ الطلق خذيها و جلسيها بهدوء في الكرتونه و امسحي عليها و خليك جنبها .. "

و لا تخلين احد غيرك يكون موجود لأنها تخاف .. "

انا قطوتي اول ولاده لها ما قطعت الحبل السري و لا سوت شي .. "

انا اللي قطعته لأنها نظفتهم و نامت من التعب .. "

بس ثاني ولاده هي سوت كل شي و كانت ولادتها الثانيه اصعب من الأولى بكثير .. "

عشان كذا جهزي مقص صغير و عقميه .. "

و كم قطعة قماش يمكن تحتاجينها و قفازات .. "

و بعد الولاده حطي لها اكل و مويه قريب منها عشان لا تضطر تجلس عند اطفالها و تحرم نفسها من الأكل .. و نفس الشي الليتر بوكس .. "

أنا جهزت لها خيمة أطفال و فرشتها بـ بطانيه .. "

و بعد الولاده حطيتها فيها و بمكان معزول عن اللي في البيت لين بعد اسبوع و حطيتها بغرفتي .. "

و بخصوص الترويش تقدرين تروشينها ثاني يوم عادي .. "

هذي تجربتي المتواضعه أتمنى أكون افدتك .. "

و صراحه كانت أروع تجربه أخوضها في حياتي .. "

إحساس غريب لا يوصف .. "

صحيح اني في كل المرتين كنت أصيح و أسوي مناحه من خوفي عليها .. "

لكن بعدها انبسط لأني كنت جنبها و شفت أطفالها و هم ينولدون قدامي .. "

أخيرا

لو عندك أي سؤال لا تترددين .. "

ربي يقومها بالسلامه و تجيب لك أحلى كيتين .. "

و لا تنسين تطمنينا عليها .. "