ممكن مساعده

[boss.vip]

السلام عليكم ورحمة الله وبركاته

هذي اول مشاركه لي في المنتدى بس الصراحة منتدى ولا اروع

المهم اناشريت من قبل كم يوم كروان جوز ذكر وانثى وشريت لهم قفص كبير وحطيته في وسطه عش اوبيت صغير عشان يدخلون لما يجو ينامو .

شفت في المنتدى عن تدريب الكراوان انا طلعت الطير ولكن شفته يعض ولا راضي يتقبل اي شئ ابدا وخايف مره طيب جربت من مره ثانية نفس الشئ رجعته القفص ولا سويت شئ


الحين فيه عندي كم سؤال

ليش مايدخلون البيت حقهم مره

ليش مايتقبل مني اي شئ لما اطلعه من القفص يحاول يعض ويصارخ

مااشوف انهم تزاوجو الذكر والانثى

الاحظ من اقرب من الققص يخافون ويسيرون ينقزون وشكلهم خايفين بالحيل

بعدين دايم يصارخ في القفص مااشوفه يغرد


مشكورين ولكم اطيب تحياتي

[تراني جديدة]

يشرفنا وجودك معنا ومرحبا بك في منتدانا الرئع بمن فيه ..
والله يبارك لك في كرواناتك .. من خبرتي لازم تكون خايف ومرعوبه لان المكان جديد وانت جديد بالنسبه لهم .. تخيل نفسك رايح مكان جديد مو تحتاج وقت الين ما تتأقلم وتتعود على المكان والناس .. نفس الشى مع الكروانات يحتاجون وقت مو اقل من شهرين .. انت في البدايه قدملهم الطعام بنفسك واحكي معاهم وشوي شوي بيتعودوا عليك .. هاذي اهم مرحله الحين وبعدين يجي وقت التزاوج او غيره .. هم يحتاجون الحين الامان .. تحياتي

[Mr. MeMo]

اخي الكريم

مرحبا بك معنا في منتدانا الغالي و اتمنى ان تستفيد و تستمع
به و من خلاله ان شاء الله

بخصوص العش فهو ليس للنوم و انما للانتاج ( التفريخ )
فالطيور في الطبيعه تنام على اغصان الشجر و في القفص
سوف تنام على المجثم ( العصا)

و كما ذكرت اختنا تراني جديده الطيور عامتا تحتاج الى بعض الوقت
للتأقلم على المكان والمربي الجديد

و بالنسبه للترويض وان كانت اليفه فهذا شى اخر و لا تستعجل
عليه في الوقت الحالي

حاول اخى الكريم ان تقراء اكثر في المنتدى و سوف تستفيد كثيرا
و سوف تجد معلومات لا حصر لها ان شاء الله

وان صعب عليك شئ نحن في الخدمه

و اتمنى لك التوفيق

[مشاغــب]

اولا :- نحرب فيك اخوي الغالي في المنتدى




الف مبروك على الجوز ..

انت شاريهم للتفريخ اوللتدريب


اذا شاريحم لتفريخ فيجب توفير كل ما هو يلزمهن


اما اذا شاريهم للتدريب .. ان تأخذ الكوكاتيل في مكان هادى


وتبدأ معاه التدريب لاكن يجب قبل ذالك ان تعطيه المهله لتعود على المكان


وعلى صاحبة الجديد .. وفيه طريقه سهل انك تاخذ خشبتين ..


وتخليه يركب عليها .. وبعدين رحت تقدر ترفعهم وتخلي ايدينك .. ومرح يعض




والحين ابي اجاوب عن اسألتك

نفس ما قال الاخ مستر ميمو .. البيت للتفريخ ومو للنوم ..


لانه مو متعود عليك ولا على الضروف الجديدة

مو من اول شي يتزوجون في اوقات للتزاوج .. وفي اوقات ما تسمح لهم فيها

وعليك في اشعارهم في الامان .. وهذا شي لازم للتزاوج وتوفير الماء والاكل للتشيعهم للتزاوج

.. انت اصبر عليهم وانشاء الله بتسمعه يغرد ..

[الطاير]

مرحباَ boss.vip ,,,

حياك الله معنا يالغالي
وانشا الله تفيد معنى وتستفيد ,,,

والله الشباب مايقصرون ...
واي اضافه ازيدها على كلامهم تعتبر مالها داعي ,,,
لاكن برضه ابغى اضيف
انك لو تخليهم يفرخون وتاخذ فروخهم وتدربهم .. او واحد منهم .............. يكون افضل
كل شي متوفر عندك ... انت بس توكل على الله

لاكن ابغاك تتاكد ان فتحة العش 8 سم
لاني شريت عش زمان وكانت الفتحه تبدو لي مناسبة ,,,
ورفضو الطيور يدخلون فيه ... وبعد مدة دخلتهم بالغصب و ماقدرو يطلعون .. عرفت انهم مايقدرون يمرون من الفتحه
وتاكد ان فيه برادة خشب ...
وان العش حجمة مناسب ...
وبعدها عليك بالصبر .... لانه يجيب افضل النتايج

واخيراَ علمنا بالله وش راح يصير معاك

وبالتوفيق ,,,


تحية
الطاير

[Mr. MeMo]

المشاركة الأصلية كتبت بواسطة الطاير

مرحباَ boss.vip ,,,


لاكن ابغاك تتاكد ان فتحة العش 8 سم
لاني شريت عش زمان وكانت الفتحه تبدو لي مناسبة ,,,
ورفضو الطيور يدخلون فيه ... وبعد مدة دخلتهم بالغصب و ماقدرو يطلعون .. عرفت انهم مايقدرون يمرون من الفتحه


تحية
الطاير

ضحكتنى يالطاير اشلون دخلتهم بالغصب
و اشلون طلعتهم بعدين
بالقوه تبيهم يبيضون

[الطاير]

اهلين Mr. MeMo ...
خبرك انت العش من فوق ينفتح ,,, الله يحييك مافيه الاشيلهم ودخلهم في العش وباعلى صوت يالله ابي بيض
وبخصوص التفريخ بالغصب .... ايه والله بالغصب بس الى الحين مافيه نتيجه ..
اذا تقدر تساعدني بانك تبدي رايك باكون لك من الشاكرين
وخذ باقي السالفه

وبعد ماغيرت العش ... انتضرت عشرة ايام قبل ماتستقر امورهم ...
الذكر في البدايه يدخل لوحده 5 او 6 ايام ويمنع الانثى من الدخول ..
بعدين لمدة حوالي 10 كانو يدخلون الاثنين ومايخرجون من العش ...
ومن اسبوع الى الحين تدخل الانثى لحالها وماتخرج الا في النادر .. والذكر على باب العش جالس برى يدخل شوي .. ويطلع سريييع

اسف ع الاطاله
وتحية للجميع



تحية
الطاير

[Mr. MeMo]

خلاص

ما في مساعده هي يا انها باضت يا انها بتبيض
خلال ايام قليله مالك الا الصبر و كثر
من البيض بالقسماط

[boss.vip]

مشكووووووووووووووووووووووووورين على الردود الجميله الصراحه ماتوقعت كل هذا التجاوب

ابشركم انا اليوم شلت الذكر ونتفت ريشه هذا اول شئ ورحت معه في غرفته وقلت ياانا ياانت

المهم ظليت معه من الساعة 2 الى الساعة اربعه العصر وانا في حوسه معه بالموت نتفت رشيه وهو يعض ويصارخ المهم بعد الحوسه معه جلست امسح عليه وهو يعض وضل وقت على الحاله دي في النهاية استسلم للامر الواقع وخلني امسح عليه طيب جيت ابغاه يقرى علي يدي عجزت معه يرقى شوي من اتحرك يروح نازل على طول

شكله يبغاله كم يوم عشان يتعود


طيب اذا صار اليف يصير مايفرخ خلاص ولا عادي يفرخ ويصير اليف


بالنسبه للفتحت حقت العش ( الطاير ) انا مره سويت زيك قبل كم يوم دخلت بالغصب بس بعد تقريبن نص ساعة ماطلع قلت شكله توهق خش ولا هو اعارف يطلع ماشفت الا من حاله طلع بره وجلس على العصا .



تحياتي لكم ومشكورييييييييين جزيل الشكر على التجاوب

[الطاير]

المشاركة الأصلية كتبت بواسطة boss.vip

طيب اذا صار اليف يصير مايفرخ خلاص ولا عادي يفرخ ويصير اليف

هلابك boss.vip مرة اخرى ,,,,,

الي اعرفه ان الطير الغير اليف افضل للتفريخ ,, لانك ماراح تضايقه
والطير الاليف يفرخ ,,,, ليش مايفرخ ,, بس مو زي المتوحش
لاكن الطير الاليف اثناء حضن البيض يجب تركه في القفص وعدم اخراجه او ازعاجه وهنا الفرق بينه وبين المتوحش
وراح يسوي كل شي بشكل جيد


هذا الي اعرفه وشوف الاخوان ايش رايهم


تحية
الطاير