مشاكل خفيفه مع الكاسكو ارجو الحل من اهل الخبره

[Arashi]

1-الستاند
كانت عندي نفس المشكله مع ببغاء...كنت أرجعه يوقف عالستاند غصبن عنه...كل ما طار ارجعه مره ثانيه...جرّب تجوعه وتحط له الاكل اللي يحبه عالستاند وبتلاحظ الفرق باذن الله ^^

2-القفص
نفس الببغاء اللي ذكرته كان يكره القفص لدرجه انه يصرخ ويحك رجله بأرضية القفص وكان يرفع ضغطي...انا عادة احط له مجموعه من الالعاب اللي يحلم يجوفها عالستاند هههه...طبعا ألعاب القفص غير والعاب الستاند غير عشان لا يمل منها...اذا تبغيه يكون هادي في القفص جرب تحطه في الظلام وهو داخل القفص...الطريقه نجحت مع ببغائين عندي....الحين احطه في القفص عادي مايقول شي...الا لو كان جوعان او طفشان هني لازم اطلعه شوي

3-اللعبه
دام يكره القفص صعب تحببه في اللعبه داخل القفص...طبيعي يخاف اول مره...اممممم...اللعبه حجمها كبير حسب وصفك لها صح؟....أقترح تبدأ معاه بألعاب حجمها صغير لين يثق فيك ويتعود ياخذ من يدك الاشياء...بعدين شوي شوي تدرج معاه في حجم الالعاب اللي تعطيه وباجر تحصل يسحب كارتون من يدك XD