الإستيراد..(إستيراد كلب)

[dave mustaine]

السلام عليكم ورحمة الله .

كيف حالكم أخواني..يا اخوان انا عندي كم سؤال عن إلإستيراد..انا ودي أستورد كم فصيلة كلب..بس عندي كم إستفسار..بما إن هي المرة الأولى الي أستورد فيها..


1 .من أي بلدة تفضلون إني أستورد منها..؟؟(ناس نصحوني بألمانيا..ناس يقولو أوكرنيا)

2.عن أي طريق أستورد..الطريقة انا أقصد..يعني من موقع ويكون بيني وبينهم إتصال..وإتفاق..وهم يشحنو الكلب لي..إذا توجد طرق أخرى للإستيراد..أتمنى إنكم تخبروني بها

3. كم الوقت اللازم لوصول الكلب..؟تقريبا

4.كم تتراوح أسعار الكلاب..أسعار التقريبية..

الروتوايلر:؟
الجيرمن شيبرد؟
الفرنش ماستيف؟
..
أتمنى يا إخوان الجواب على هذه الإستفسارات

والي عنده خبرة أو تجربة بالإستيراد لا يبخل علينا..

وشكرا

[7asoon.mosawe]

انا من الكوييت وانا انصحك انك تستورد الكلاب من المانيا
وانا ما انصحك بالمواقع
في محلات تستورد لك الكلاب علا حسب الشكل اللون
ويرونك الام ولاب
ولابناء
اما على الاسعار
الروت وايلر 350 دينار
الجريمن 170 دينار
الفرنش ماستيف مادري والله مالي خبره بهل كلب
تقبل مروري

[dave mustaine]

تسلم أخوي...مشكور وماقصرت..

أتمنى المزيد من الردود

[zadjali]

هلا اخوي,
انا مشتري كلبين من صربيا وهذي تجربتي الاولى انى اشتري عن طريق موقع انترنت. ما عندي فكره كم بيستغرق لان على حسب الاجراءات عندنا وعندهم, قول فى اسبوع او اسبوعين يرسلو لك الكلب. الاسعار للروت من برع مستويات عالية تتراوح من 1000-1500 هذا الاسعاؤ فى صربيا والمانيا كلابهم شوي اغلا على 1500-1900 يورو مع الشحن.

[dave mustaine]

هلا خوي zadjali
والله عالية الأسعار..

تسلم خوي..وما..تقصر

[سامبا]

اخوي انصحك تاخذ من تايلندلانه......
اسعارهم حلوه وحنه امجربين ماخذين ......
هاسكي2 او جيرمن 2
اوطلع علينه بشحن 2000 دينار

[zadjali]

المشاركة الأصلية كتبت بواسطة dave mustaine

هلا خوي zadjali
والله عالية الأسعار..

تسلم خوي..وما..تقصر

والله اخوي الاسعار مرتفعة عشان اليورو مرتفع والدولار نازل. تايلند رخيصة, لكن اذا تبي من تايلند انحصك تجيب الكلب وعمره فوق 3 شهور وانت اتروح اتجيبهم واتطعمهم من النت يمكن يغشوك ويعطوك شهادات كلاب ثانيه والكلب من الاصل ما يكون مطعم.

[dave mustaine]

كلشي جايز خوي...الغش موجود..