جااوبوا على أسئلتي البسيطه اليوم اشتريت فروخ دره

[7mamah]

السلام عليكم ورحمة الله وبركااته



اخواني اناا ناويه اليوم اشتري فروخ دره

لكن المشكله عندنا فالبيت فايروس منتشر واعراضه الحمى والاسهال والارجاع

اريد اعرف هل بينتقل للفروخ لو جبتهم والا امراض الانسان ما يخصها في الطيور

وانا ما عندي فرصه غير اليوم لازم اشتريهم

في شو تنصحوني

شو اسوي اذا جبتهم


شوفوا أسئلتي في ردي الثاني

[زياد محمد]

السلام عليييكم انشاءالله اخووي اهل الخبرة بيردوون عليييك بس في اعتقادي انه امراض الانسان ماتخص الطيوور الا انفلونزا الطيووور هههههههههههه

[7mamah]

شكرا اخوي على ردك واهتمامك

للأسف مافي ولا رد من اللي يعرفون

المهم خلاص انا اشتريت فرخين والله اللي يسلمهم ان شااء الله

بس ممكن حد يجاوبني على كم سؤال

الدرر عمرهم شهر تقريبا من يخيم الليل اخليهم ينامون وما اعطيهم أكل للصبح ؟؟

والا لازم اعطيهم كل اربع ساعات نهار وليل ؟؟

وهل يحتاجون اني اعرضهم للشمس او الهواء الخارجي كل يوم ؟؟

وهل كثرة لمسهم تضرهم والا عادي العب معاهم في أي وقت ؟؟

هل يحتاجون تطعيم او متى أطعمهم في أي عمر ؟؟

وهل ممكن اعطيهم شي غير السيريلاك ؟؟ مثلا عصير او اي شي يفيدهم ؟؟


وشكرا لكم

[ريموو 12]

انا مخططه على فروخ دره وتقريبا نفس اسئلتي
ياليت يفيدونا الاعضاء اصحاب الخبره

[كاسكـــو]

لا تطمني الدره مناعتها قويه ولاتتأثر بأمراض الانسان

الدرر عمرهم شهر تقريبا من يخيم الليل اخليهم ينامون وما اعطيهم أكل للصبح ؟؟

نعم خليهم ينامون بعد وجبة العشاء

والا لازم اعطيهم كل اربع ساعات نهار وليل ؟؟

فتره النهار وقبل النوم فقط اربع وجبات باليوم كفايه ولاتنسين تنقطين الماء بالفم عشان يشربون

وهل يحتاجون اني اعرضهم للشمس او الهواء الخارجي كل يوم ؟؟

مايحتاج كل يوم خليها يوم عن يوم لكن نركز على شمس الصبح قبل الساعه 8
وشمس العصر قبل المغرب بشوي هذا الوقتين هم الانسب تكون الاشعه معتدله
والأهم الجو يكون معتدل ولايوجد تيارات هوائيه

وهل كثرة لمسهم تضرهم والا عادي العب معاهم في أي وقت ؟؟

حاولي لمسهم بدون ان تضغطي عليهم واذا حابه تشيلي الفرخ حطي يدك تحت بطنه وارفعي

لكن كوني على حذر لايطيح

ولاتمسكينه بيدك من فوق جسمه وترفعينه

هل يحتاجون تطعيم او متى أطعمهم في أي عمر ؟؟

مايحتاج تطعيم الدره ماشاء الله قويه لكن نكتفي بالفيتامينات الخاصه بهم

وهل ممكن اعطيهم شي غير السيريلاك ؟؟ مثلا عصير او اي شي يفيدهم ؟؟

غير السريلاك يوجد علب أكل خاصه للفروخ تباع بمحلات الطيور والصيدليات البيطريه

وتكون مفيده فيه جميع العناصر الازمه للفراخ من معادن وفيتامينات وكالسيوم هذا افضل

لا لاتعطيهم عصير

[7mamah]

جزااك الله خييييير اخوووووي


بس في دره اليوم الصبح شفت انه فيها اسهال وترجف وبالاول ما رضت تاكل الا شوي

وفي الوجبه الثانيه خففت الاكل وخليته مثل الشوربه لاني شفت صاحب المحل يسويه رفيع جدا مثل الماي

لكن اللي كان يعطيهم اياه كان غير عن اللي اشتريته حقهم

هل هذا سبب لعدم تقبلهم الاكل في اول مره

وشو اسوي للدره اللي فيها اسهال ؟؟

والا طبيعي بسبب السيريلاك ؟؟

واحس انه مافيهم توازن خطوه قدام وبعدين يرجعون على ورا ويدورون على نفسهم كأنهم بيطيحون

هل هذا طبيعي لانهم صغار او فيهم شي

وكيف أروشهم


سامحوني على كثرة الاسئله

والله واايد خاايفه لأني أول مره أربي طير وأخاف أسوي لهم شي غلط وأندم

وشكرا

[مجنون عويشق]

السلام عليكم

بالنسبه للفايرس ...كيف يكون عندكم فايرس منتشر في البيت ؟؟

واهم شيء انه مايكون احد مصاب به ..وهذي غالبا عباره عن فلونزا عاديه وتعالج بالطرق التقليديه

بالنسبه للاسهال ..هذا غالبا يكون مصاحب للسيريلاك ..

غير ي نوعية الاكل ...

بالتوفيق

[7mamah]

جزاك الله كل خير يا اخووووي

درتي اللي تكلمت عنها فيها اسهال صارت الحين تعطس او تكح ما اعرف واحد من الاثنين

قلت يمكن زكام بس مافي ماده تطلع من خشمها

هل أعزلها عن الدره الثانيه علشان ما تعديها والا اخليها معاها ؟؟

وما جاوبتني ليش مش متوازنين


وانا شفت صاحب المحل يعطيهم سيريلاك مال الاطفال بس لونه ابيض يعني مو قمح

اعتقد انه سيريلاك رز .. يعني اذا درري ما تقبلت السيريلاك الخاص بالطيور يصير اعطيهم سيريلاك الرز

لاني شفت بعض الاعضاء ينصحوون كثير بالقمح


والله ابتلشت ومب عارفه شو اسوي شكلي ما ينفع لي اربي طيور

[كاسكـــو]

درتي اللي تكلمت عنها فيها اسهال صارت الحين تعطس او تكح ما اعرف واحد من الاثنين

حطيها بمكان دافي واعزليها عن الاخرى واذا متأكده انها مزكمه يفضل عرضها على طبيب

او يمكن يكون شي دخل بخشمها مويه او اكل

الاسهال من السريلاك

قلت يمكن زكام بس مافي ماده تطلع من خشمها

مو شرط يطلع ماده من خشمها او يمكن بدايه زكام

هل أعزلها عن الدره الثانيه علشان ما تعديها والا اخليها معاها ؟؟

يفضل والله عزلها اذا متأكده انها زكام

وما جاوبتني ليش مش متوازنين

الفروخ الصغيره عادة مالها توازن تمشي وتتخبط لصغر سنها

وانا شفت صاحب المحل يعطيهم سيريلاك مال الاطفال بس لونه ابيض يعني مو قمح

ياليت تاخذين لهم الخلطه المخصصه للفروخ هذا افضل

اعتقد انه سيريلاك رز .. يعني اذا درري ما تقبلت السيريلاك الخاص بالطيور يصير اعطيهم سيريلاك
الرز

والله اذا ماتقبل الاكل الخاص عشانها تعودت على نوع معين ارجعي اعطيهم اللي تعودو عليه

لكن قلتي اعتقد يعني مو متأكده ياليت تتأكدين

لاني شفت بعض الاعضاء ينصحوون كثير بالقمح

والله القمح يفضل لهم بعد الاكل المخصص لهم

والله ابتلشت ومب عارفه شو اسوي شكلي ما ينفع لي اربي طيور

لا بالعكس بدايه اي انسان يمر بهذي المراحل وبعدها يصير يعرف كل شي لاتيأسي

[7mamah]

جزاك الله كل خييير

أول شخص يقوول لي لا تيأسي

لأني لاقيه الاحباط من كل مكان واول شي اهلي هههه


تسلم اخووووي على الرد والاهتمااام

وبحاول اخذها باجر للبيطري

وبعزلهم

ويمكن مثل ما قلت في اكل داخل خشمها

لانه اللي اشتريت من عنده الاكل عطاني ابره ومعاها انبوب بلاستيك لكنه تم يطلع ويوسخهم ويجي على عينهم وخشمهم

واليوم سرت واشتريت الابره اللي لها راس مثل الانبوب احسها انسب وانظف


وان شااء الله ما تكوون مريضه واذا كانت مريضه ان شااء الله تشفى


جزاك الله خير والله يوفقك ويطول بعمرك