قطه جديده في المنزل .. ؟

[dndory]

السلام عليكم ،،
كيفكم ان شالله بخير ،،

بالامس اشتريت قطه شيرازيه عمرها تقريبا 4 شهور ..
انثى ..
اول مادخلت البيت طبعا مارضت تطلع من القفص الي كانت فيه ..
طلعتها انا وخليتها تتمشى شوي بالبيت ..
رحت ابي اجلس معها صارت تهرب مني ..؟ كأنها مثل الي في الشارع اول ماتشوفني اقرب منها تهرب ..
طبعا من امس وانا احاول معها يمين يسار ابيها تولف علي ..
مافي فايده ..
الاكل .. ما اكلت من امس الا شي بسيط .. قطع دجاج صغيره مره ،،
احاول ااكلها لكن مافيه فايده .. احط الاكل عندها واروح وماتاكل ..
عجزت معها مع العلم اني وديتها لبيطري وقالي صحتها تمام وماتعاني من اي شي ..

انا اذا مسكتها تحاول تهرب مني لكن ماتعض او تخرمش .. عادي يعني
امسكها واجلس ادلكها وشوي شوي جلست عادي .. حسيتها ولفت علي
جيتها بعد فتره وصارت تهرب مني ..
تعبت كل مره احاول اولفها وماقدرت ..
هل تحتاج وقت اكثر حتى تولف علي ؟
مع العلم اني لما امسكها واخليها عندي اذا جا احد اخواني تهرب على طول مني ومنه ..
ودايم احاول امد يدي لها لكنها تحاول تتهرب مني ..

هذي صورتين لها ..

[BaDeR KhaLiD]

والله نفس الشي صآآر لي بستي قعدت يومين ماتاكل ولا شي واذا قربت تخااف مرررة وتبخ

لكن اللحين ماغير تلاحقني وتدخل بين رجولي ...

ويوم الربوع بعد جبت بسه ثآآنيه وسوت نفس الحركه يو بالمحل اليفه ويوم جت البيت وتغيرت شوي لكن اللجين الحمدللله

[lady_cat]

ما شاء الله عليها حلوة كثير و تجنن ربي يحفظها لك
كل الي قلته عادي و تصرفها طبيعي لان المكان غريب عليها في البدايه و شوي شوي بتوالف عليكم اكثر و بتاكل طبيعي اهم شي خل المويه النظيفه عندها باستمرار و كمان شويه دراي فود بالصحن و ياريت تعودها على اكل البيت الصحي مثل الدجاج
دلعوها و نادوها باسمها و بعدين بتلاقونها تلعب و تنط و تراكض من مكان لمكان
بالتوفيق ان شاء الله

[dndory]

يعطيكم الف عافيه ماقصرتوا بدوري وليدي كات

طيب الاكل الخاص بـ ٤ شهور ؟ هل اعطيها معلبات او ايش بالضبط
هي مو راضيه تاكل الدجاج حق البيت الحين ..
تغدينا وحاولت اعطيها بدون فايده ..

وهل اقدر اعودها على الحمام الخاص فينا بدل التراب لانه يطلع ريحه وقلق ؟ وانتو بكرامه

[آنـــــو]

ماشاءالله ومبرووك عليك هالقطوه الحلوه

تصرفها طبيعي جداً بما أنها جديده ومبين أنها خجوله وماتاخذ على الناس

خليها على راحتها ولاتجبرينها تطلع من البوكس تبعها ،، هي من نفسها بتطلع وتستكشف المكان

وأجلسي بجنبها ومسحي عليها وكلميها

وبعديها عن الأعاج والأطفال ..

والأكل عادي بس تتأقلم على البيت بتشوفين فرق بشهيتها وبتاكل

وأعطيها رويال كانن / دجاج مسلوق مع أضافات من خضروات ،، كوسه / بطاط / مكرونه / قرع / بزلاء / فصواليا / رز

ومن أكلكم قبل تقدمينه لها أغسليه حتى تروح البهارات عنه وشيلي الجلد والعظم ..

وتدريب القطط على الحمام

شوفي هالموضوع بيفيدك ..

http://www.2zoo.com/vb/showthread.php?t=101695


ومووفـقـه

[dndory]

الله يوفقك ويجزآك الف خير ..

بس كنك قلبتيني بنت خخخ

مش مشكله اهم شي استفدنا من معلوماتك .

الحمد لله قبل شوي اكلتها بيدي دجاج .. كلت شوي وشربتها مويه وراحت لمخبأها ..

[آنـــــو]

وياك يارب

وماعليش العتب على النظر أخوي

والحمدلله أنها أكلت أصبر عليها وبتتعود على بيتها الجديد وتتأقلم أكثر معاك ..

كل التوفيق

[dndory]

خذي راحتك بس كنت امزح معك ..

شاكر لكم مره ثانيه ومقدر تفاعلكم ،،! ومعلوماتكم القيمه

[! هاويه الطيور !]

[ الف الف مبروُك للقطه الجديده ]


[ وهذا امر طبيعي اول مره تكون في مكان غريب ويبيلها وقت تتعود على المكان وعلى الناس المساله يبيلها وقت لا ااكثر ]


[ وماقصروو الاعضاء والمشرفات القسم ]