مشكلة فروخ الحمام ساعدوووووني

[برينسيس]

السلام عليكم
صباح /مساء الخيـــــــر
ياعالم ممكن تساعدوني ثلاثه فروووخ ماتت بسبب الحبوووب الصفرا اللي تطلع فيهم ويبدؤؤ يضعفوو الين مايمووووتووا اعتقد اسبابها البعوووض الملعووون والله ودي افقع وجه هالبعوووضه هل فيه طريقه للحمايه منه يقولوا البعوض يكره ريحة المرهم اللي يسموه فكس ولايقرب منه ينفع لو بحط للفروخ مسحه بسيطه عالجسم من الفكس ؟؟؟

ياريت تساعدؤؤؤؤني كرهت مظهر الفرخ وهو مشوه بالحبوووب عالوجه والمؤخره والمنقار

[سامبل تيود]

نفس المشكلة سبق وصارت معي ، وقالوا لي إنها ( ثواليل ) ، وترى هالمرض معدي فانتبه واعزل المريض ، وأتوقع إن من أكبر أسبابه ( البرد ) فحاول تبعدهن عن تيارات الهواء المباشرة ..

ربي يوفقك يا عسل ..

وكان ودي والله أفيدك أكثر ..

[7mamah]

يمكن ما يكون باعوض >_<

ولا تخاطر بفروخك وتحط لهم فكس يمكن يضرهم تراه حار

ان شااء الله اللي يعرف يفيدك

[صمت الأمل]

أول شيء أخي أحب أذكركـ ان اللعن حرااااام ..



طيب البعوض أنت زعلان منه أو تكرهه .. ميب مشكله بس هذا واحد من المخلوقات اللتي ضرب الله بها مثلا ..



قال تعالى : (( ان الله لا يستحي ان يضرب مثلا ما بعوضة فما فوقها ..))الآية 26 سورة البقرة .



فتذكر دائما انكـ تنتبه للي يتلفظ به لسانكـ ويدك .. كلهم شاهدين عليك وحاول يشهدون لكـ بالخير .



بالنسبة للحبوب هذا نوع من أنواع العنقز .. وفيه يجيك نوعين .



النوع الأول خارجي يعني خارج الجسم في الجناح والوجة أو الراس والمنقار.وموب خطير جدا بس يسبب تشوة للشكل .



النوع الثاني وهو الخطير والقاتل الداخلي .. يعني من داخل الحلق أو تحت اللسان أو بجانب الوجه .



العنقز يجي للصغار بالورائة من أهلهم .. وعلاجة أنك تمسح على الحبة نفسها بالميكروكروم .



أو العايدين .. ما أدري اذا عرفته .. حق الجروح اللي لونه أحمر ..



ثم اذا شفت ان الحبة بعد كم يوم نشفت ويبست تحاول تزيلها بشويش عن جسمهم .



طبعا هذا للحبوب الخارجية .. أما الداخليه فما أعرف لها واللهـ .. وأنا مات لي كم فرخ بسبب النوع الثاني ..



خذ عشتهم وحاول تشمسها وتنظفها .. لأن الرطوبة داخلها تجذب الحشرات وتضر البسابيس ..



وان شاء اللهـ أكون أفدتك .. واللهـ يوفقك دنيا وآخرة .

[برينسيس]

سامبل /حمامه مشكووووورين وماقصرتوو الله يعطيكم العافيه اسعدني تواجدكم كثير
اختي صمت الامل والله احرجتيني ومشكوووووره على النصايح يااطيب نجمه تضيئ في سما توزوو الله يجزاكم الجنه جميعا ويوفقنا لما يحبه ويرضاه
تحيــــــــــــــآآآآآتـــــي ...

[krack]

اهلين اخوي ,

اختي صمت الامل افادتك ..

لكن خويي عنده مثل المشكله وراح للبيطري وعطاه حبوب ..

يفتح فم الحمامه ويحطها ^^

المقصد انك تروح للبيطري وتخليه يعطيك العلاج المناسب ..

وممكن يعطيك محلول تحطه فالمويه ولا ابره ..

وترا هالمرض علاجه بسيط لانه كثيير يطلع بالفروخ ^^

عالعموم اتمنى اني افدتك ولو ان الاخت صمت ماقصرت ..

تقبل مروري المتواضع ~

..

[عاشق~الحمام]

ما في له اخوي غير حل واحد الشبك الي لونه اخضر الي فتحاته صغيره ضعه على الشبك وتبسه بالقفص ما راح يقدر يدخل البعوض
وفي سبب ثاني غير البعوض المكان إذا ما كان نضيف فيطلع على الفرخ
او اصبر يوم يكبر يطيح

[برينسيس]

krack عاشق الحمام مشكؤؤؤؤؤؤؤؤرين الله يعطيكم العافيه ويوفقكم نووورتووا بوجوودكم الموضوع

[باب الجنه]

هذا مرض مادري من وين حمام اخوي نفس الشي المهم
حط عليه ليمون بس ما يدق عيونهم اذا دقيت عيونهم رااح يصيبهم العمى
لكن لا تحط فكس