ابي شرح بالتفصيل واللي مايعرف لايدخل

[ala7med]

السلامــــ عليكمـــ ورحمة الله

انه عندي زوج زيبرا في قفص حجم ممتاز وحطيت لهم سلة (العش) وحطيت مواد التعشيش ( الخيش)
وبنوا داخل العش

انه شاريهم من نفس القفص ذكر ونثية واهمه جدا جدا متوالفين ياكلون معا بعض ينامون معا بعض و يقعدون على العصى مع بعض

1- شلون احدد عمر الزيبرا ؟
2-الحين هذي 3 اسبوع لهم ماجوف انهم يتزاوجون علما انهم متوالفين
3-هل يؤثؤ موعهم في ممر البيت على التزاوج وهل من الممكن تبيض الانثى في هل مكان وهل مكان نتردد فيه وايد
4-هل زيادة عدد الطيور في القفص يزيد من تنافسهم ويخليهم يتزاوجون ؟
5-ماهي انواع الخضرة اللي احطها انه الحين مااستعمل الا الحبوب والبيض ؟
6-ابي فيتامين سهل المقادير وكم مرة احط لهم ؟
7-شلون اعرف انه الانثى حامل ؟
8-شنو اهوه عظام المحار مادري شنو اجوفكم تنصحون فيه شنو ذي ؟


وشكــــــــــــــــــــــــــــــــــــــــــــرا

[βǺĐ ŦỠ ЎỖЏ]

اخي كل ماصار هدوء اكثر كل ماصار احسن

حط لهم خس وعضام محار مهم جدا

[zaeeem]

1- شلون احدد عمر الزيبرا ؟
اذا كان لون المنقار احمر فهذا ذكر بالغ
وان كان لونه برتقالي ناصح فهي انثى بالغة

2-الحين هذي 3 اسبوع لهم ماجوف انهم يتزاوجون علما انهم متوالفين
مو لازم تشوفهم يتزاوجون


3-هل يؤثؤ موعهم في ممر البيت على التزاوج وهل من الممكن تبيض الانثى في هل مكان وهل مكان نتردد فيه وايد
اذا عندك مكان اكثر هدوء افضل
واذا ماعندك ،، حاول ترفع السلاكة بمستوى اعلا من الراس حتى يحسو بالخصوصية ولا تطل عليهم كثير ،، خلهم


4-هل زيادة عدد الطيور في القفص يزيد من تنافسهم ويخليهم يتزاوجون ؟
مو شرط
بالعكس يمكن يزيد من التعارك


5-ماهي انواع الخضرة اللي احطها انه الحين مااستعمل الا الحبوب والبيض ؟
الخس والجرجير والخيار والجزر المبشور ،، وجرب الفواكهة مثل التفاح والبرتقال والموز


6-ابي فيتامين سهل المقادير وكم مرة احط لهم ؟
تقدر تاخذ الفيتامين من اي صيدلية بيطرية والبيطري بيشرحلك الكمية المناسبة حسب الفيتامين


7-شلون اعرف انه الانثى حامل ؟
يمكن صعب شوي
لكن تلاحظ انتفاخ بسيط في اسفل البطن


8-شنو اهوه عظام المحار مادري شنو اجوفكم تنصحون فيه شنو ذي ؟
عظام الحبار هي غنية بالكالسيوم ومهمة جدا للانثى تحديدا عند وضع البيض
تلقاها في كل محلات الطيور
او حط قشر بيض مع الاكل

[اسير الصمت]

العش مناسب للزيبرا؟؟؟

[lilio]

ما قصر اخوي zaeeem ولاكن احب اظيف بعض النقاط ..

2-الحين هذي 3 اسبوع لهم ماجوف انهم يتزاوجون علما انهم متوالفين

مو شرط يمكن يقعد عندك 3 اشهر وبعدين يتزاوج ويفرخ عليك بالصبر ..

3-هل يؤثؤ موعهم في ممر البيت على التزاوج وهل من الممكن تبيض الانثى في هل مكان وهل مكان نتردد فيه وايد

اعتقد انه يأثر ولاكن زي ما قال اخوي اذا ماعندك مكان ارفعهم ..


8-شنو اهوه عظام المحار مادري شنو اجوفكم تنصحون فيه شنو ذي ؟ [/B]


الكالسيوم



هذا اللي حبيت اظيفه وباقي الاسئله ماقصروا الاخوان ..

[عبدالمحسن جان]

ماشاء الله تبارك الله

الشباب ماقصروا