خايف على عصافيري شكلهم هيموتوا

[h_fares el nour]

السلام عليكم

عندي عصفورين بادجي

من فترة كان واضح ان العصفورة هتبيض في العش(( مع انها مش بتعرف تطير لحد دلوقتي )) وجسمها صغير جدا وريشها مش كويس ابداااااا ووضعها سيء جداااااا

بعد ماولدت في العش فضلت شهر واكتر تعبانة جدا وبتدخل كتير العش ومن تلات او اربع ايام لقيت في القفص 3 بيضات او اربعة اكيد رموهم من العش (( يعني مافيهمش عصافير ))

ودلوقتي حال العصفورة بقى اسوأ من الاول

ريشها بقى اضعف بكتير من الاول وديلها تقريبا مابقاش فيه ديل

وعيونها صغيرة جداااااا

وشعر وشها قل جدا

وحاسس ان فيه دم في وشها

مع العلم ان العصفورين مش متفاهمين تقريبا لانهم كتير بيضربوا بعض

انا صعبانين عليا جدااااا وخاصة العصفورة دي هاتجنن عليها

وعاوز ابيعهم واشتري غيرهم لكن صعبانين عليا لانها قاعدة معايا من 10 شهور تقريبا والدكر تقريبا من 3 شهور او 4

ارجووووكم شوفوا لي حل لان العصفورين خاصة الانثى اللي اتكلمت عليها صعبانين عليا وانا زعلان وخايف عليها قوي .. قولولي اعمل ايه


منتظر الردود

[ارحل]

سوء تغذيه

او سوء مناخ

[h_fares el nour]

طيب اعمل ايه افصلهم عن بعض اخلي كل واحد منهم في قفص؟؟؟

لحد مايتحسنوا وارجعهم لبعض تاني؟؟؟

[سرالوجود]

على الطواااااااااارئ

ضع صوووور واضحة و سريعة لعلنا نلحق عليها


و الى ان تضع الصور ضع للعصفورة 5 نقاط من فيتامين اطفال من الصيدلية البشرية يوميا مع تغيير الماء يوميا

و هااات الصوور سريعا و ما تتأخرش دي رووووح

[h_fares el nour]

ودي الصور

الذكر هو الاخضر (( هو طبيعي وكويس لكن شرس شوية وخاصة في الفترة الاخيرة من ايام ))

الانثى الصفراء (( هي المشكلة وضعيفة جدااا وانا اشتريتها من 10 شهور تقريبا ومع ذلك لحد دلوقتي مش بتعرف تطير وجناحتها صغيرين جدا وريشها مش مهندم ومش منظم ))

دي الصور

[Dr Khaled]

و عليكم السلام و رحمة الله و بركاته

لماذا لون المشربية الخاصة بالماء هكذا؟ و هل تغيير الماء و تنظف المشربية أو فقط تضيف ماء على ماء و ما نوع الأكل و أين المكان المخصص لهم؟ و هل هنالك حشرات أم ماذا.
عندما تسرد أو تسردين حالة أو قصة البيض يجب سرد نوعية الأكل و الشرب و المكان و العناية بهم .. لأن الحيثيات الكاملة للموضوع تساعد أي شخص في المساعدة كما هو حال زيارة الطبيب يجب ذكر لو حتى أبسط الأمور..

[h_fares el nour]

1- لو الماء اصفر لان فيه نوعين دواء من طبيب بيطري من فترة باستخدمه معاهم عبارة عن مسحوق اصفر ودواء اخر سائل يوضع على الماء

2- الماء بيتغير عندما ينتهي وغالبا بيكون يوميا او كل يومين لان حاليا بيشربوا كتير بسبب الحر

3- الاكل عبارة عن خليط بين غلة صفراء واخرى سوداء

4- المكان المخصص لهم الصالة (( مكان غير هادئ الى حد ما .. غالبا يوجد اصوات سواء مننا او من تليفزيون .. اضاءته مناسبة ))

5- لا يوجد حشرات

[Dr Khaled]

تفصل الأنثى عن الذكر بحيث تحضر إذا لزم أنثى جديدة للذكر أما الأنثى الحالية ما هي الأعراض الموجودة غير تساقط الريش و الذيل؟ هل هنالك عطاس أو نفش ريش خمول إسهال؟

[سرالوجود]

اترك الادوية التي بتعطيهم من البيطري

و نظف الماء و افصل الانثى في قفص لوحدها حتى يتم علاجها

و ضع لذكر حاليا 5 نقط فيتانين اطفال في المشربية + مااااء نظظظيييف مثل ماء الشرب مش من الحنفية يا بني

انا شفت مية مصر الي من الحنفية و الله كنت بموت منها هي لوحدها بتمرض

اما الانثى ما هو حال برازها و الخ كما قال دكتور خالد .. ربي يسعده

[h_fares el nour]

انا حاليا اشتريت قفص جديد وفصلت الانثى عن الذكر

لحد ماالانثى تخف ان شاء الله

وبالنسبة لماء الحنفية (( مش في كل الاماكن في مصر سيئة ))

عندنا احنا المياة نظيفة من الحنفية

وبالنسبة للانثى الاعراض اللي عندها

1- ضعف في الريش والريش غير منظم

2- حاسس ان فيه دم في وشها وراسها ومافيش شعر في الاماكن دي (( اعتقد لان الذكر ضربها ))

3- مش بتطير لحد دلوقتي ولا يوجد ذيل واجنحة صغيرة جدا

4- كتير بتنفش ريشها مااعرفش اذا كان طبيعي او لا

لكن الصوت مناسب والنشاط اعتقد مناسب ومافيش سعال ولا حاجة