اخواني عايز اشتري كلب وانا من مصر عايز نصيحة

[bassom06]

السلام عليكم
اخواني انا من مصر وعايز اشتري كلب انا عايز كلب يكون رخيص يعني ( أسف ) لا يزيد عن 100 جنيه ( نظرا لميزانيتي ) ياريت يكون جرو صغير فلو سمحتوا انصحوني اجيب ايه وبكام وايه صفاته لأني مش خبير في الانواع قوي يعني .
شكرا

[bassom06]

اخواني ارجوكم فين المساعدة ؟؟؟؟؟؟؟

[اماني]

انصحك انك تشتري همستر هذا نوع من انواع الفيران
لان 100 جنيه ماراح تجيبلك كلب كويس
نصيحه جمع كمان فلوس عشان تشتري حاقه عليها القيمه

[bassom06]

طيب خليها 500 جنيه

[don]

المشاركة الأصلية كتبت بواسطة bassom06

السلام عليكم
اخواني انا من مصر وعايز اشتري كلب انا عايز كلب يكون رخيص يعني ( أسف ) لا يزيد عن 100 جنيه ( نظرا لميزانيتي ) ياريت يكون جرو صغير فلو سمحتوا انصحوني اجيب ايه وبكام وايه صفاته لأني مش خبير في الانواع قوي يعني .
شكرا

عليك وعلي سوق القلعة واشتري كلب الماني من هناك هو هيبتدي معاك بسعر 250 او 200 مع الفصال هتاخده ب100 بس عيوب السوق ده انك لازم تكون خبير عشان تعرف اذا كان الكلب اصلي او غير اصلي

[bassom06]

طيب ايه نوع الكلاب الجيدة اللي تبقي رخيصة نسبيا

[agamyyy]

وهو فى كلب اصلى ب 100 جنيه
يا راجل ده الكلب الولف دلوقتى مش اقل من 1000 جنيه وبيبقى تعبان وفى عيوب كتير
اخى الكلاب تحتاج الى فلوس كثيره شويه
واذا كنت عايز كلب نضيف فلازم تشخشخ جيبك يا مصرى

[bassom06]

طيب علشان اجيب كلب حلو يكون جرو لازم يكون معاي كام ؟

[agamyyy]

جرو يتقال عليه جرو حلو مش اقل من 1500 الى 2000 جنيه
ولا تصتدم بهذه الاسعار دى رخيصة جدا جدا جدا مقارنة باسعار الكلاب الجامده فى مصر

[بحر2010]

هات مائة جنية واجيب لك كلب بلاك جاك جرو عندة شهرين واقبل ماتشترية نروح على الطب البطرى اقبل ما تدفع الفلوس هتدفع خمسين جنية فى الاول واول ماتستلمة نطلع بية على الطب البطرى وبعدين تدفع الخمسين التانية
الكلب دة كان معروض لى بس رفت عشان هجيب كلب روت بالفين جنيةوانا لى عربون