بخصوص شعر القطو (للللوووسسسمممحححتتتوا) اقروها بصرخه ههههههههههههه

[العابر]

السلام عليكم
وشحالكم
وحشتكم ولالا ؟
ههههه >>> مثل >>>>طرار ويتشرط
المهم
ياشباب الخير
ممكن اعرف وش الطريقة او احسن
طريقة لتثبيت شعر القط
والله
العظيم اليوم جبتها من واحد وكانت عنده شهر يمكن يوم حطيتها على ثوبي في السيارة ورديت من الكلر لين اخر الثوب كل شعر والله <<< لايعد ولايحصى
ارجوكم ياجماعة الخير ساعدوني وش اسوي
وعلى فكرة عمرها حوالي 10 او 11 شهر وانا مطعمها وهي عمرها6 اشهر اخر مره
وش اسوي
وسلامتكم
طلبتكم برد السريع
وارجو الرد من الخبرااء لان القطة مااقدر ادخلها البيت وهي بذيا الحاله
تكفون ترا تكفى تهز الرجاجيل >>>> ويمكن الحريم ههههههههههههههه
ومع السلامة

[صاحبة وفا]

إذا كانت القطوة وايد خايفه ومب مرتاحة نفسيا شعرها يطيح وايد

وثاني شي .. أكيد أنه حابسنها فالبيت ولا يخليها تشمس أو يخليها على الأقل مكان فيه هوا متجدد مثلا فالحوش ..

اذا خايف انه تشرد حطها بقفص وخلها تحت الشمس خمس دقايق طبعا مب شمس الظهر يعني عالعصر .. واذا دومها القطوة فمكان مسكر ومكيف شغال .. لازم بيطيح ولو شوي

انا جذي من اشتريت قطوتي شعرها من راسي لين ريولي .. خليتها تتعود عالمكان لين مارتاحت

وطلعها فالاسبوع مرتين فالحوش والحين مايطيح شعرها الحمدالله اذا كم شعره هيه بس مثل قبل لاء

[MrLiOn]

أي وحشتنا .. لا أنت ولا مصدي بيك لكم شوف
عسى المانع خير ...

وإضافةً إلى ماذكرته صاحبة وفا .. ممكن يكون في القطو دود .. والدود يسبب تساقط الشعر .. خصوصاً إذا شديت الشعر وطلع من جذوره أو بصيلاته .. وبعد القطوة اللي تاكل دراي فود ولا تشرب كمية كافية من المويه يستاقط شعرها ..

خذها لبيطري يشيك عليها ..

ومبروك عليك الئوطة

[قطقوطه]

ممكن يكون دود
وعموما في نوع من الاكل الرويال كانون يثبت الشعر
وفي كمان مرهم لتثبيت الشعر تاخذ منه القطه يوميا

[بدر^الكويت]

اخوي نصيحتي احلق لها شعرها مكينه احسن اولا راح يطلع شعرها من جديد قوي وحلو لانه ممكن يكون فيه نقص بالبروتينات خصوصا اذا ماكانت تاكل دراي فود لانه كله بروتينات وفيتامينات.يعني ودها لاي بيطري وهو يحلق لها شعرها.
تحياتي

[Dominique]

صاحبة وفا :

آنه كل يوم لما أبي آخذ أختي من المرسة أودي دومينيك معاي بالسيارة وأخليه يعني يوقف يطالع من الدريشة ويحوس بالسيارة

يعني كل يوم دومينيك يطلع بالشمس ونفس الحالة ما تغير شي يطيح شعره وايد وبشكل مو طبيعي متأذين منه..

جربت أحطله بروتين وكالسيوم بالحليب ما نفع وياه.. جربت أرشه على الدراي فود.. ما قام ياكل الدراي فود لأن ريحته صارت غريبة..


ولا فيه دود الحمدلله.. بس مادري شسوي.. آنه بعد محتارة..

بدر الكويت ليش نحلقه واااااي حلاته بشعره حرام بعدين أخاف أشمئز من دومينيك إذا حلقته..


ساعدونا


النجدة


شعر قططنا يطييييييييييييييييييييح






تحياتي

[بدر^الكويت]

اختي دومينيك بالعكس التحليق له فوائد كثيره لانه معروف انه اطراف الشعره تاخذ كل البورتينات الي ببصيله الشعر نفس الانسان المفروض يقص اطراف شعره كل جم شهر عرفتي.
وراح يطلع شعره من جديد قوي وناعم حتى شكله كيووت يطلع وكلها شهر شهر ونص راح يطلع شعره من جديد.وكل مربين القطط يستخدمون هالطريقه
تحياتي

[CaTTy]

نفس المشكله

لما رحت لموعد فطريه كان شعرها حيل يطيح وسالت البيطري قالي لازم تاخذ جرعه دود قلتله بس انت توك معطيها راح وجيك عالدفتر وقال صح الجرعه الثانيه لازم بعد شهر مو الحين

المهم ماقالي حل غير اني امشط شعرها كل يوم بفرشه لانها تساعد على تنشيط الدوره الدمويه وتشيل الشعر المتساقط ..

بس واللي عنده حل غير جذي يقول لنا وبندعيله :d

[تاليه]

حتى أنا أشتكيت من هالشي وتأذيت منه على ملابسي وعلى الأثاث

أخذتها للبيطري ونصحني أمشط لها شعرها كل يوم علشان يتجمع بالمشط

ولايطيح بكل مكان أو يقلله

وماأنصحك تحلق شعرها الحين هالوقت بارد

[العابر]

المشاركة الأصلية كتبت بواسطة صاحبة وفا

إذا كانت القطوة وايد خايفه ومب مرتاحة نفسيا شعرها يطيح وايد
القطة عندي من 6-7 شهور عني مب توني شاريها وهي مرتاحة وتلعب
وثاني شي .. أكيد أنه حابسنها فالبيت ولا يخليها تشمس أو يخليها على الأقل مكان فيه هوا متجدد مثلا فالحوش ..
لا هو حاطنها فلحوش في مكان مظلل
اذا خايف انه تشرد حطها بقفص وخلها تحت الشمس خمس دقايق طبعا مب شمس الظهر يعني عالعصر .. واذا دومها القطوة فمكان مسكر ومكيف شغال .. لازم بيطيح ولو شوي
ليش تخاف القطة عندي من زمان وتحبني ماتشرد انا حاطها بالمخزن
انا جذي من اشتريت قطوتي شعرها من راسي لين ريولي .. خليتها تتعود عالمكان لين مارتاحت

وطلعها فالاسبوع مرتين فالحوش والحين مايطيح شعرها الحمدالله اذا كم شعره هيه بس مثل قبل لاء

انا كل يوم اطلعها اصلن
وشكرا لكي اختي